मुंबई : सध्या टी-20 मध्ये स्टार फलंदाज म्हणून Suryakumar Yadav चं नाव घेतलं जातं. नुकतंच त्याने दोन दिवसांसाठी का होईना पण टी20 क्रिकेटमधलं सर्वोत्तम स्थान गाठलं होतं. मात्र पाकिस्तानच्या मोहम्मद रिझवानने त्याला मात देत पहिला क्रमांक पटकावला. आता सर्वांना सूर्यकुमारकडून आशा आहेत त्या टी-20 वर्ल्डकपच्या सामन्यांमध्ये. अशातच सूर्यकुमारची एक पोस्ट सोशल मीडियावर व्हायरल ठरतेय. 


COMMERCIAL BREAK
SCROLL TO CONTINUE READING

सूर्यकुमारने इन्स्टाग्रामवर एक स्टोरी शेअर केलीये. या स्टोरीमध्ये त्याने मुंबई इंडियन्सच्या टीमने आयपीएल जिंकल्यानंतरचा ट्रॉफीसोबतचा फोटो शेअर केलाय. यामध्ये सूर्यकुमारने चाहत्यांना 'Find me' म्हणजेच मला शोधा असं म्हटलंय. जर तुम्ही निरखून पाहिलंत तर तुम्हाला सूर्याला या फोटोमध्ये शोधता येईल. 



दरम्यान गेल्या काही आठवड्यांपासून ICC T20I क्रमवारीत पहिल्या नंबरसाठी चढाओढ लागल्याचं दिसतंय. पाकिस्तानचा सलामीवीर मोहम्मद रिझवान आणि भारताचा सूर्यकुमार यादव अनुक्रमे पहिल्या, दुसऱ्या स्थानावर आहे. दोघंही आपल्या टीमसाठी मोलाचं योगदान देताना दिसतायत. क्रीडा क्षेत्रात दोघांची तुलना केली जातेय. अशातच मोहम्मद रिझवानने सूर्यकुमारबाबत मोठं वक्तव्य केलं आहे.


सूर्यकुमार यादव चांगला खेळाडू


सूर्यकुमार यादव चांगला खेळाडू आहे. मी त्याच्या खेळण्याच्या शैलीचा आनंद घेतो पण टॉर ऑर्डर आणि मिडल ऑर्डर या दोन वेगळ्या गोष्टी आहेत. त्यामुळे आमच्या दोघांबद्दल बोलायचं झालं तर वेगळ्या अँगलने पाहायला हवं. मी फक्त माझ्या फलंदाजीवर लक्ष केंद्रित करत असल्याचं मोहम्मद रिझवान म्हणाला. 


मी नेहमी संघासाठी खेळतो, रँकिंगला महत्त्व देत नाही. संघाची गरज पूर्ण करण्यासाठी मी माझं सर्व योगदान देतो. मी या सर्व गोष्टींचा फारसा विचार करत नाही. 'मॅन ऑफ द मॅच' आणि नंबर वन रँकिंगसारख्या गोष्टींचा कधी कधी नकारात्मक परिणाम होतो.  फलंदाजी करताना या सर्व गोष्टी माझ्या मनात नसल्याचंही रिझवानने सांगितलं.