संतापून कॅप फेकली...; सरफराज खानच्या रन आऊटवर रोहित शर्माचा `तो` व्हिडीओ व्हायरल

Rohit sharma: जडेजाने कॉल नाकारला आणि सरफराज खान आऊट झाला. यानंतर रोहित कॅमेरा रोहित शर्माकडे गेला तेव्हा रोहित शर्मा या कृत्यावर चांगलाच संतापलेला दिसला.

Rohit sharma: अखेर मुंबईकर सरफराज खानचं स्वप्न आज सत्यात उतरलं. दीर्घ काळाच्या प्रतिक्षेनंतर सरफराज खानला आंतरराष्ट्रीय क्रिकेटमध्ये संधी मिळाली. मैदानावर फलंदाजीला उतरताच सरफराज खानने उत्तम फलंजाजीला सुरुवातंही केली. अर्धशतकानंतर शतकाकडे वाचचाल करत असताना मात्र एक गल्लत झाली आणि सरफराज खान रन आऊट झाला. डेब्यू सामन्यात रन आऊट झाल्यानंतर टीम इंडियाचा कर्णधार रोहित शर्माला मात्र राग अनावर झाला होता. याचा व्हिडीओ सध्या सोशल मीडियावर व्हायरल झाला आहे. 

रोहित शर्मा संतापला

पहिल्याच दिवसाच्या तिसऱ्या सत्रात फलंदाजीला आलेल्या सरफराजने शानदार प्रदर्शन केलं. मात्र सरफारज खान 62 रन्सवर नॉन स्ट्राईक एंडला उभा होता. 99 रन्सवर खेळत असलेला जडेजाने सेंच्युरी पूर्ण होण्यासाठी एका रनचा कॉल दिला. समोरून सरफराज खान धावला. मात्र, जडेजाने कॉल नाकारला आणि सरफराज खान आऊट झाला. यानंतर रोहित कॅमेरा रोहित शर्माकडे गेला तेव्हा रोहित शर्मा या कृत्यावर चांगलाच संतापलेला दिसला. 

रोहित शर्माने डोक्यावरची कॅप काढून खाली फेकली. यावेळी रोहित शर्मा रागाच्या भरात काहीतरी बोलताना दिसतोय. सरफराज खानचा हा डेब्यू सामना होता आणि तो अशा पद्धतीने रन आऊट झाल्याने रोहितला संताप अनावर झाल्याचं दिसून आलं. याशिवाय रविंद्र जडेजाला देखील आपली चूक लक्षात आल्याचं त्याच्या चेहऱ्यावरून दिसून येत होतं.