नवी दिल्ली । रोड शोमध्ये अरविंद केजरीवालांच्या कानाखाली थप्पड
दिल्लीच्या रोड शोमध्ये दिल्लीचे मुख्यमंत्री अरविंद केजरीवाल यांच्या जीपवर चढून एकाने त्यांच्या श्रीमुखात भडकावली. हा रोड शो दिल्लीच्या मोती नगर भागात सुरू होता. त्याचवेळी हा प्रकार घडला. पोलिसांनी तातडीने या माथेफिरूला ताब्यात घेतलं आहे. लोकसभा निवडणुकांसाठी अरविंद केजरीवाल प्रचार करत होते. ते जीपवर उभे होते त्याचवेळी एका माणसाने जीपवर चढत त्यांच्या थोबाडीत ठेवून दिली. ज्यानंतर थोबाडीत देणाऱ्या माणसाला पोलिसांनी ताब्यात घेतले.