Video | धक्कादायक! मजुरांना आलं एक लाख रुपयांचे विजेचं बिल

In Amravati's Melghat, laborers received electricity bills of one lakh rupees महावितरणच्या अनागोंदी कारभाराचा धक्कादायक अनुभव मेळघाटात येतोय. अमरावती जिल्ह्यातील मेळघाटात रोजगार हमी योजनेत मजुरी करणाऱ्या आदिवासींना साठ हजार ते एक लाख रुपयाचं वीजबिल देण्यात आलंय. हे वीजबिल तीन दिवसात न भरल्यास विद्युत पुरवठा खंडित केला जाईल अशी धमकी देण्यात आलीय. सहा गावातील आदिवासींनी अचलपूर येथील विद्युत वितरण कंपनीच्या कार्यालयावर धडक दिली. चिखलदरा तालुक्यातील आकी, मोरगड, चौऱ्यामल, काकादरी, पिपादरी, सक्ती, रुईफाटा या गावातील दीडशेवर आदिवासींना अशी बिलं आली आहेत. प्रत्येक महिन्याची बिलं भरत असतानाही लाखांची बिलं आल्याने आदिवासी संतापलेत.