मुंबई : बातमी आहे एका व्हायरल व्हीडिओची. तुम्ही कधी तरंगती बिर्याणी खाल्लीय का? एका तरंगत्या बिर्याणीचा व्हीडिओ व्हायरल होतोय. कशी आहे ही तरंगती बिर्याणी? चला पाहुयात. तरंगती बिर्याणी हा व्हीडिओ पाहून बिर्याणी डिलिव्हरीसाठी स्वत:च निघालीय की काय असं दिसतंय. बघा कशी ही बिर्याणी पाण्यावर तरंगत तरंगत जातेय. (fact check viral video water delivery birayani know what truth and what false)


COMMERCIAL BREAK
SCROLL TO CONTINUE READING

पूर्ण व्हीडिओ पाहिला की या तरंगणाऱ्या बिर्याणीचं सत्य समोर येईल. सध्या अनेक ठिकाणी मुसळधार पाऊस पडतोय. काही ठिकाणी पूरसदृश परिस्थिती निर्माण झालीय. दरम्यान, हैदराबादच्या जुन्या शहरातून असा एक व्हीडीओ समोर आलाय. ज्याला पाहून लोक हसत आहेत. 



कारण, या व्हीडीओमध्ये ‘अदिबा हॉटेल’बाहेर बिर्याणीचे भांडं तरंगताना दिसतंय. पूरस्थिती निर्माण झाल्यानं हॉटेलमध्ये पाणी शिरलं. हॉटेलमधील भांडी वाहून जाऊ लागली. त्यावेळी हॉटेलबाहेर उभ्या असलेल्या एका व्यक्तीनं हा व्हीडिओ व्हायरल केला.  मग सोशल मीडियावर या बिर्याणीला तरंगती बिर्याणी असं नाव दिलं. 


ही तरंगती बिर्याणी नसून, फक्त हे बिर्याणी बनवण्याचं भांडं आहे. पूर आल्याने पूरात हे भांडं वाहून जातंय. हा व्हिडिओ आता व्हायरल होत असून लोकही व्हीडिओ पाहून मजा घेतायत.