चोरी करण्यासाठी 1000 घरांमध्ये घुसला, पण काहीच चोरलं नाही, कारण ऐकून पोलिसही थक्क

Thieving in Home: चोरी करण्याच्या उद्देशाने जवळपास 1000 हून अधिक घरात घुसला. पण काहीच न चोरता बाहेर पडणारा हा चोर,का ठरला चर्चेचा विषय?

Thieving in depression: चोरीच्या घटना प्रत्येक देशात आणि शहरात सर्रास घडतात. काही मोठे चोर तर काही छोटे चोर त्यांच्या चोरी करण्यावरुन हे वर्गीकरण केलं जातं. पोलिस आणि चोरांमध्ये मांजर आणि उंदराचा खेळ नेहमीच सुरू असतो. मात्र एका चोरामुळे जपान पोलीस सध्या चांगलेच अडचणीत सापडले आहेत. आश्चर्यकारक बाब म्हणजे चोर पोलिसांच्या ताब्यात आहे ज्याने तब्बल 1000 घरांमध्ये चोरी केली आहे. 

अनेक घरे फोडल्याची कबुलीही तो देत आहे, पण त्याने काहीही चोरी केली नाही किंवा चोरीचा व्यवसाय केला नाही. लोकांच्या घरात घुसून चोरट्याने दिलेले कारण ऐकून पोलीसही चक्रावून गेले.

कारण अतिशय धक्कादायक

जपानमधील क्युशूमध्ये पकडलेल्या या व्यक्तीने 1000 घरांमध्ये प्रवेश केल्याचे मान्य केले आहे. यामागे त्यांनी एक आश्चर्यकारक कारण सांगितले आहे. द जपान टाईम्सच्या वृत्तानुसार, आरोपीने पोलिसांना सांगितले की, त्याला चोरी करण्याच्या उद्देशाने घरांमध्ये घुसून 'थ्रिल' मिळतो. तो म्हणाला, 'जेव्हा तो इतर लोकांच्या घरात जातो तेव्हा त्याचे तळवे घामाने ओले होतात आणि मला तणावातून आराम मिळतो. लोकांच्या घरात चोरी करणे किंवा घर फोडणे हा माझा छंद बनला आहे असे म्हणता येईल. हे विधान ऐकल्यानंतर पोलिसांना ही बाब केवळ त्याच्या गुन्हेगारी प्रवृत्तीशीच नाही तर त्याच्या मानसिक आरोग्याशीही संबंधित आहे, असे वाटते.

घरात शिरला पण काहीच चोरलं नाही 

हा चोर जपानच्या डझैफू शहरातील रहिवासी आहे. 25 नोव्हेंबरला तो एका घरात शिरला तेव्हा घरमालक आणि त्याच्या पत्नीने तत्काळ पोलिसांना माहिती दिली. यानंतर पोलिसांनी त्याला अटक केली आणि नंतर चौकशीत चोरट्याने सत्य उघड केले. घराच्या मालकाने सांगितले की त्यांच्या घरातून काहीही चोरीला गेले नाही.

साहजिकच ही व्यक्ती चोरी करत नसेल पण एखाद्याच्या घरात अशा प्रकारे घुसल्याने त्याची प्रायव्हसी नष्ट होते आणि भीतीदायकही असते. याआधी 2020 मध्येही जपानच्या टोकियोमध्ये असेच एक प्रकरण समोर आले होते. अशा वेळी तणाव आणि मानसिक समस्या या घटनांना कारणीभूत असल्याचे तज्ज्ञांचे म्हणणे आहे.