83 वर्षीय महिला दरीत कोसळली, इमानदार मांजरीने तिच्या मालकिनीचा वाचवला जीव

पाळीव मांजरीच्या निष्ठेची एक बातमी समोर आली आहे, तिने तिच्या मालकिनीचे प्राण वाचवले.

मुंबई : तुम्ही अनेक चित्रपटांमध्ये प्राणी आणि माणसाची मैत्री पाहिली असेल, जिथे पाळीव प्राणी  (Pet Animal) त्यांच्या मालकाचा जीव वाचवतात. वास्तविक जीवनातही प्राणी निष्ठावान असतात. म्हणूनच लोकांना ते आवडत असतात. पाळीव मांजरीच्या निष्ठेची बातमी इंग्लंडमधून समोर आली आहे, तिने तिच्या मालकिनीचे प्राण वाचवले.

अशी घडली घटना

'मिरर'च्या वृत्तानुसार, ही घटना इंग्लंडमधील कॉर्नवॉल (Cornwall) शहरातील आहे, जिथे एक 83 वर्षीय महिला अचानक बेपत्ता झाली. वृद्ध महिलेच्या घराच्या सभोवतालचा परिसर खडबडीत आणि खड्ड्यांनी भरलेला आहे. त्याठिकाणी मोठा खंदक होता. जेव्हा महिलेला घरी यायला उशीर झाला तेव्हा तिचा शेजारी तामार लोंगमुइर काळजीत पडला. महिलेच्या शेजाऱ्याने जवळच्या लोकांना वृद्ध महिलेच्या बेपत्ता होण्याविषयी सांगितले, त्यानंतर वृद्ध महिलेचे शेजारी तिच्या शोधासाठी बाहेर पडले. 

बरीच शोधाशोध केल्यावर त्यांना एका खड्ड्याजवळ एका वृद्ध महिलेची पाळीव मांजर माइरन (Piran) आढळली, ते मोठ्याने ओरडत होते आणि खड्ड्याभोवती प्रदक्षिणा घालत होते. मांजर पाहून सर्वांना समजले की ती काही संकेत देण्याचा प्रयत्न करत आहे. जेव्हा लोक मांजरीकडे गेले आणि पाहिले, तेव्हा सर्वांना आश्चर्य वाटले, ज्या वृद्ध स्त्रीला ते शोधत होते ती एका खंदकात पडलेली होती.

पोलिसांनी केले रेसक्यू

लोकांनी त्या महिलेला बाहेर काढण्याचा प्रयत्न केला पण ती खाई खूप खोल होती, यामुळे त्यांनी पोलिसांना या प्रकरणाची माहिती दिली. माहिती मिळाल्यानंतर पोलीस बचाव पथकासह घटनास्थळी पोहोचले आणि महिलेला खंदकातून बाहेर काढण्यात आले. एका खोल दरीत पडल्याने वृद्ध महिलेला अनेक जखमा झाल्या होत्या, त्यामुळे पोलिसांनी तिला एअर अॅम्ब्युलन्सच्या मदतीने रुग्णालयात पाठवले.

बॉडमिन पोलिसांनी या प्रकरणाचा तपशील फेसबुकवर शेअर केला आणि वृद्ध महिलेचे प्राण वाचवल्याबद्दल तिचे शेजारी तमर लॉन्गमडर आणि तिच्या आजूबाजूच्या लोकांचे कौतुक केले. याशिवाय, प्रत्येकाने महिलेच्या पाळीव मांजर मायरॉनच्या  (Piran) कारनाम्यांचे कौतुक केले.