British Politics : ब्रिटनमध्ये बोरिस जॉन्सन यांच्या राजीनाम्यानंतर, 5 सप्टेंबर रोजी नवीन पंतप्रधानांच्या नावाची घोषणा केली जाईल. ब्रिटनमधील सत्ताधारी कंझर्व्हेटिव्ह पक्षाने सोमवारी ही घोषणा केली. बोरिस जॉन्सन नवीन पंतप्रधानाची निवड होईपर्यंत देशाच्या काळजीवाहू पंतप्रधानपदावर कायम राहतील. या निवडणुकीत भारतीय वंशाचे ऋषी सुनक हे पंतप्रधानपदाचे प्रबळ दावेदार मानले जात आहेत. त्यांच्यासमोर परराष्ट्र मंत्री लिझ ट्रस आहेत. सुनक हे ब्रिटनचे पंतप्रधान झाले तर इतिहासात त्याची नोंद होणार आहे.


COMMERCIAL BREAK
SCROLL TO CONTINUE READING

ब्रिटिश कंझर्व्हेटिव्ह पक्षाची सोमवारी बैठक झाली. बैठकीत पक्षाचा नवा नेता आणि पंतप्रधान निवडण्यासाठी वेळापत्रक आणि नियम ठरवण्यात आले. या निवडणुकीसाठी उमेदवारी अर्जाची प्रक्रिया मंगळवारी होणार आहे. ही प्रक्रिया एका दिवसात पूर्ण होईल. ब्रिटनचे नवे पंतप्रधान होण्यासाठी आतापर्यंत 11 जणांनी आपला दावा सादर केला आहे. यामध्ये भारतीय वंशाचे माजी ब्रिटिश कॅबिनेट मंत्री ऋषी सुनक आणि परराष्ट्र मंत्री लिझ ट्रस यांचा समावेश आहे. हे दोन्ही नेते पंतप्रधान होण्याच्या शर्यतीत आघाडीवर असल्याचे बोलले जात आहे.


5 सप्टेंबर रोजी पंतप्रधानांच्या नावाची घोषणा


नवीन पंतप्रधान निवडण्यासाठी '1922 समिती'चे अध्यक्ष सर ग्रॅहम ब्रॅडी म्हणाले, 'निश्चितपणे 5 सप्टेंबर रोजी आम्ही पक्षाच्या नवनिर्वाचित नेत्याची घोषणा करू. या कामात कोणतीही दिरंगाई होणार नाही. सर निकोलस ब्रॅडी म्हणाले की, कोणत्याही नेत्याला पंतप्रधानपदाचा दावेदार होण्यासाठी किमान 20 खासदारांचा पाठिंबा आवश्यक असतो. 


ब्रिटिश संसदेत सध्या टोरी पक्षाचे 358 खासदार आहेत. ज्या उमेदवाराला 30 खासदारांची मते मिळतील तो दुसऱ्या फेरीत जाईल आणि बाकीचे बाद केले जातील, त्यानंतर पक्षाचे खासदार उर्वरित उमेदवारांना मतदान करतील. यानंतर पक्षाचे कार्यकर्ते तिसऱ्या फेरीत उर्वरित 2 


उमेदवारांना मतदान करतील. देशात कंझर्व्हेटिव्ह पक्षाचे सुमारे अडीच लाख कार्यकर्ते आहेत. या निवडणुकांमध्ये ते एकत्र मतदान करतील आणि नवा नेता निवडतील.


बोरिस जॉन्सन कोणाचेही समर्थन करणार नाही


ब्रिटनचे काळजीवाहू पंतप्रधान बोरिस जॉन्सन यांनी निवडणूक प्रक्रियेवर एक मनोरंजक टिप्पणी केली आहे. पंतप्रधानपदाच्या शर्यतीत असलेल्या कोणत्याही व्यक्तीला मी पाठिंबा देणार नाही, असे ते म्हणाले. असे केल्याने त्यांची पंतप्रधानपदाची शक्यता धोक्यात येऊ शकते. त्यामुळे ते या संपूर्ण प्रक्रियेपासून दूर राहतील.


दुसरीकडे भारतीय वंशाचे ऋषी सुनक हे ब्रिटनचे नवे पंतप्रधान होण्याच्या शर्यतीत आघाडीवर आहेत. त्याचे आई-वडील भारतातून स्थलांतरित होऊन पूर्व आफ्रिकेत स्थायिक झाले आणि तेथून पुढे ब्रिटनला पोहोचले. सुनक हे भारतीय आयटी उद्योगपती नारायण मूर्ती यांचे जावई आहेत.