मुंबई : कोरोना विषाणूचा अमेरिकेवर सर्वाधिक परिणाम झाला आहे, येथे 6 लाखाहून अधिक लोक या कोरोनाच्या जाळ्यात सापडले आहेत. 25 हजारांहून अधिक लोकांनी आपला जीव गमावला आहे. अमेरिकेचे अध्यक्ष डोनाल्ड ट्रम्प यांनी चीनवर कोरोना विषाणूचा फैलाव केल्याचा आरोप केला आणि त्यासाठी जागतिक आरोग्य संघटनेलाही दोषी ठरवले. याचाच परिणाम म्हणून आता अमेरिकेने डब्ल्यूएचओला दिलेला निधी थांबवण्याचा निर्णय घेतला आहे.


COMMERCIAL BREAK
SCROLL TO CONTINUE READING

अमेरिकेचे अध्यक्ष डोनाल्ड ट्रम्प यांनी जाहीर केले की, डब्ल्यूएचओने साथीच्या रोगावर पारदर्शकता दाखवली नाही, चीनला मदत करणाऱ्याच्या  बाजूने अशी पावले उचलली. यूएस सर्वात जास्त निधी देतो, परंतु तरीही अशा प्रकारे वागणूक दिली जाते.


अमेरिकेचा किती निधी?


जागतिक आरोग्य संघटना आरोग्य क्षेत्रात जगभर काम करते, या दरम्यान काही कार्यक्रम वर्षभर चालू असतात. यासाठी प्रत्येक देश स्वत: च्या वतीने डब्ल्यूएचओमध्ये गुंतवणूक करतो, ज्यामध्ये अमेरिका दीर्घ काळासाठी सर्वात मोठा निधी देणारा देश आहे.


जर आपण अमेरिकेच्या निधीबद्दल चर्चा केली तर गेल्या वर्षी डब्ल्यूएचओला 400 दशलक्ष डॉलर्सचा निधी दिला, जो डब्ल्यूएचओच्या एकूण बजेटच्या 15 टक्के आहे. त्या तुलनेत चीनचा निधी यापुढे काहीच नाही.


या कालावधीत चीनने 76 दशलक्ष डॉलर्सचा निधी दिला. म्हणजेच, जर अमेरिकेने ही मदत बंद केली तर डब्ल्यूएचओला मोठा धक्का बसेल, याची पुष्टी संस्थेनेच केली आहे. अमेरिकेच्या निर्णयानंतर डब्ल्यूएचओने असे निर्णय घेण्याची ही योग्य वेळ नसल्याचे म्हटले आहे.


जागतिक आरोग्य संघटनेमार्फत मार्च २०२० मध्ये एक मोहीम राबविली गेली आणि त्या अंतर्गत साथीच्या रोगाचा सामना करण्यासाठी अनेक देशांची मदत घेत होती. यातही अमेरिका आणि चीन या देशांनी सर्वात जास्त मदत केली आहे. डब्ल्यूएचओच्या वेबसाइटनुसार, कोरोना संकटासाठी चीनने 201,000,000 यूएस डॉलर दिले आहेत, तर अमेरिकेने 14694650 डॉलर्सची तरतूद केली आहे.


व्हाईट हाऊसने दिलेल्या माहितीनुसार दिसतं आहे की, अमेरिका हळूहळू WHO ला देणारा निधी कमी करत आहे. डोनाल्ड ट्रंप आणि WHO आमने-सामने पहिल्यांदाच आले असं नाही. 2019, 2020 आणि 2021 च्या फंडमध्ये ही व्हाईट हाऊसने WHO च्या फंडमध्ये मोठी कपात केलेली दिसते आहे.