Train Ticket Booking: તહેવારોની સિઝનમાં નથી મળતી કન્ફર્મ ટિકિટ? બિલકુલ ચિંતા ન કરો, આ એપથી કરો ટિકીટ બુક!

UTS App: તહેવારોની સિઝનમાં દરેક લોકો પોતાના વતન તરફ પ્રયાણ કરતા હોય છે. લોકો પોતાના પરિવાર સાથે તહેવારની મજા માણવા માંગે છે. આવી સ્થિતિમાં લોકો પણ ટ્રેનમાં મુસાફરી કરવાનું પસંદ કરે છે. તહેવારોની સિઝનમાં ઘણી વખત લોકોને કન્ફર્મ ટિકિટ મળી શકતી નથી. આવી સ્થિતિમાં લોકો સામાન્ય ટિકિટ લઈને પણ મુસાફરી કરે છે. જો લોકો ઈચ્છે તો હવે તેઓ અનરિઝર્વ્ડ ટ્રેનની ટિકિટ ઓનલાઈન પણ બુક કરી શકશે. 

ઓનલાઈન ટિકીટ
જોકે, રેલવે સ્ટેશન પર તહેવારોના દિવસોમાં ઘણી ભીડ જોવા મળે છે અને ટિકીટ કાઉન્ટર ઉપર પણ લાંબી લાઈનો જોવા મળતી હોય છે. એવામાં કોઈને પણ મુશ્કેલીનો સામનો ના કરવો પડે, એટલા માટે લોકો આ ફેસ્ટિવલ સીઝનમાં લોકો સામાન્ય ટિકિટ ઓનલાઈન બુક કરાવી શકે છે.

સામાન્ય ટિકિટ બુકિંગ
જનરલ ટિકિટના ઓનલાઈન બુકિંગ માટે લોકોએ UTS એપનો ઉપયોગ કરવો પડશે. આ એપ દ્વારા લોકો પ્લેટફોર્મ ટિકિટ અને જનરલ ટિકિટ પણ ઓનલાઈન ખરીદી શકે છે. ચાલો જાણીએ કે UTS એપ દ્વારા ઓનલાઈન જનરલ ટિકિટ કેવી રીતે બુક કરવી.

UTS App દ્વારા કેવી રીતે કરવું ટિકિટ બુક કરશો?

• - UTS એપ ડાઉનલોડ કરો અને રજીસ્ટર કરો
• - હવે તમારા એકાઉન્ટમાં લોગિન કરો.
• - તેમાં Normal Booking, Quick Booking, Platform Booking, Season Booking, QR Booking જેવા ઓપ્શન્સ હશે.
• - નોર્મલ ટિકિટ બુક કરવા માટે નોર્મલ બુકિંગ, ક્વિક બુકિંગ પર ક્લિક કરો.
• - નોર્મલ બુકિંગ માટે યુઝરે પહેલા પેપરલેસ ટિકિટ અથવા પ્રિન્ટ ટિકિટમાંથી એક પસંદ કરવાનું રહેશે.
• - ત્યારબાદ તમે કયા સ્ટેશનથી મુસાફરી કરવા માંગો છો અને તમે કયા સ્ટેશન પર પહોંચવા માંગો છો.
• - મુસાફરોની સંખ્યા પસંદ કરવાની રહેશે.
• - આ પછી પેમેન્ટ કરવાનું રહેશે અને તમારી ટિકિટ બુક થઈ જશે અને એપમાં દેખાવા લાગશે.