પ્રિયંકાની પાર્ટી વખતે કેમેરામાં ઝડપાઈ ગયો પરિણીતીનો પ્રેમી! તસવીર જોવા કરો ક્લિક

નવી દિલ્હી : પ્રિયંકા ચોપડા અને નિક જોનાસના 2 ડિસેમ્બરે લગ્ન છે અને તેમના લગ્ન પહેલાંનું સેલિબ્રેશન શરૂ થઈ ગયું છે. આ બંનેના પરિવારજનો આખી દુનિયામાંથી લગ્નમાં ભાગ લેવા માટે એકઠા થઈ રહ્યા છે. આ સંજોગોમાં પ્રિયંકા અને નિકે હાલમાં પ્રિ વેડિંગ ડિનરનું આયોજન કર્યું હતું. આ ડિનરમાં સોફી ટર્નર, જો જોનાસ, આલિયા ભટ્ટ, પરિણીતી ચોપડા, મુસ્તાક શેખ , સૃષ્ટિ બહેલ અને બીજી સેલિબ્રિટીઓએ હાજરી આપી હતી.

નિકે આ ડિનરની એક તસવીર ઇન્સ્ટાગ્રામ પર શેયર કરી છે જે ગણતરીના કલાકોમાં વાઇરલ બની ગઈ છે. આ તસવીરમાં પ્રિયંકાની કઝિન પરિણીતીની બરાબર બાજુમાં અસિસ્ટન્ટ ડિરેક્ટર ચરિત દેસાઈ નજરે ચડે છે. પરિણીતી અને ચરિતનું નામ ગયા વર્ષે એકબીજા સાથે સંકળાયું હતું. આ સમયે તેમણે  આ વાતને અફવા ગણાવી હતી પણ ચર્ચા છે કે આ બંને હજી પણ સિક્રેટ રીતે એકબીજા સાથે છે. 

ચરિત દેસાઈ કરણ જોહરના ધર્મા પ્રોડક્શન્સમાં એક અસિસ્ટન્ટ ડિરેક્ટર છે. ચરિત અને પરિણીતી કરણની ડ્રીમ ટીમ ટૂર દરમ્યાન મળ્યાં હતાં. એ વખતે ચરિત ટૂર દરમ્યાન પડદા પાછળ બનતી ઘટનાઓનું શૂટિંગ કરતો હતો. ભારત પાછા આવ્યા પછી પણ એ બન્ને વચ્ચેનો સંબંધ જામેલો રહ્યો છે. તેઓ એકમેકના સંપર્કમાં છે અને તેમની વચ્ચે સંબંધ જળવાયેલો છે. ચર્ચા છે કે પરિણીતી અને ચરિત ટૂંક સમયમાં તેમના સંબંધની જાહેરાત કરશે.