Pushpa 2 Teaser: ફ્લાવર નહીં ફાયર છે પુષ્પા 2 નું ટીઝર, અલ્લુ અર્જુનનું તાંડવ જોઈ રુંવાડા થઈ જાશે ઉભા

Pushpa 2 Teaser: 8 એપ્રિલનો દિવસ અલ્લૂ અર્જુન અને પુષ્પા 2ની આતુરતાથી રાહ જોતા લોકો માટે ખાસ બની ગયો છે. અલ્લૂ અર્જુન 8 એપ્રિલે તેનો 42 મો જન્મદિવસ ઉજવી રહ્યો છે અને આ દિવસે જ ફિલ્મ પુષ્પા 2 નું ટીઝર રિલીઝ કરવામાં આવ્યું છે. અલ્લૂ અર્જુને ઈંસ્ટાગ્રામ પર એક પોસ્ટ કરી પહેલાથી જ જાણકારી શેર કરી દીધી હતી કે 8 એપ્રિલે પુષ્પા 2 નું ટીઝર રિલીઝ થવાનું છે. 

આ પણ વાંચો: પ્રેમ, અફેર અને કંફ્યુઝનની ખીચડી છે વિદ્યા બાલનની નવી ફિલ્મ, જુઓ મજેદાર Trailer

પુષ્પા 2 નું ટીઝર રિલીઝ થયાની સાથે જ વાયરલ થયું છે અને સોશિયલ મીડિયા પર ટ્રેંડ થઈ રહ્યું છે. અલ્લુ અર્જુનના ચાહકો આજે તેના સુપરસ્ટારના જન્મદિવસની સાથે પુષ્પા 2 ના ટીઝરને પણ માણી રહ્યા છે. 

પુષ્પા 2 ફિલ્મના ટીઝરમાં અલ્લૂ અર્જુન નવા જ અવતારમાં જોવા મળે છે. ટીઝરમાં તેણે સાડી પહેરી છે, ઘરેણા પહેર્યા છે અને મેકઅપ કર્યો છે. આ લુક જોઈને ચાહકો પણ આતુર થયા છે. 1 મિનિટ અને 8 સેકન્ડનું આ ટીઝર રુંવાડા ઊભા કરી દેશે. ફિલ્મના ટીઝરમાં અલ્લૂ અર્જુન જબરદસ્ત એક્શન કરતો જોવા મળે છે.

પુષ્પા 2 ફિલ્મ આ વર્ષે 15 ઓગસ્ટે થિયેટર્સમાં રિલીઝ થવાની છે. અલ્લુ અર્જુન સાથે આ વખતે રશ્મિકા મંદાના જ ફીમેલ લીડમાં જોવા મળશે. ફિલ્મમાં ફહદ ફાસિલ વિલન તરીકે જોવા મળશે. આ બંને કલાકારોના લુકના પોસ્ટર પણ થોડા દિવસો પહેલા જ રિલીઝ કરી દેવામાં આવ્યા હતા. જો કે ફેન્સમાં ફિલ્મના પોસ્ટર જોયા પછી ટીઝર જોવાની આતુરતા વધી હતી.