'સંજૂ'માં આમિરને ઓફર થયો હતો આ જબરદસ્ત રોલ, પરંતુ કેમ ના પાડી? જાણો કારણ

નવી દિલ્હી: બોલિવૂડ એક્ટર  રણવીર કપૂરની ફિલ્મ સંજૂ જલદી રિલીઝ થવા જઈ રહી છે. ફિલ્મના ટીઝર અને પોસ્ટરે ખુબ આતુરતા જગાવી છે. ફિલ્મમાં રણબીર ઉપરાંત પરેશ રાવલ, વિક્કી કૌશલ, દિયા મિર્ઝા, સોનમ કપૂર, અનુષ્કા શર્મા, મનીષા કોઈરાલા જેવા કલાકાર કામ કરી રહ્યાં છે પરંતુ ફઇલ્મની આ કાસ્ટિંગ કરતા પહેલા ફિલ્મ માટે રાજકુમાર હિરાનીએ આમિરને પણ એક રોલ ઓફર કર્યો હતો. જો કે આમિરે આ ભૂમિકા ભજવવાની ના પાડી દીધી હતી.

હકીકતમાં આમિર ખાનને ફિલ્મમાં ડાઈરેક્ટર રાજકુમાર હિરાનીએ સંજય દત્તના પિતા સુનીલ દત્તનો રોલ ઓફર કર્યો હતો. પરંતુ આમિરે આ ભૂમિકા ભજવવાનો ઈન્કાર કર્યો. થોડા સમય પહેલા આપેલા એક ઈન્ટરવ્યુંમાં રાજકુમાર હિરાનીએ જણાવ્યું હતું કે આમિર મારો સારો મિત્ર છે. હું જે પણ સ્ક્રિપ્ટ લખુ છું તેને લઈને તેની પાસે જરૂર જઉ છું. જ્યારે મેં તેને સંજૂની કહાની સંભળાવી તો તેણે કહ્યું હતું કે તે પણ ફિલ્મમાં કોઈ ભૂમિકા ભજવવા માંગે છે. મેં તેને જ્યારે સુનીલ દત્તનો રોલ ઓફર કર્યો પરંતુ તે સમયે તે ફિલ્મ દંગલનું શુટિંગ કરી રહ્યો હતો આથી આ કારણોસર તેણે આ ભૂમિકા ભજવવાની ના પાડી દીધી હતી.

અત્રે જણાવવાનું કે આ ફિલ્મ 29 જૂનના રોજ રિલીઝ થશે. આ બાજુ રણવીર કપૂરના વર્કફ્રન્ટની વાત કરીએ તો હાલ તેનો ગ્રાફ સતત ઉપર જતો જોવા મળી રહ્યો છે. હકીકતમાં રણબીરે થોડા સમય પહેલા જ પોતાની ફિલ્મ બ્રહ્માસ્ત્રના પહેલા શેડ્યુલનું શુટિંગ પૂરું કર્યું છે. ત્યારબાદ તે જલદી લવ રંજન સાથે એક ફિલ્મ કરવાનો છે. આ ફિલ્મમાં અજય દેવગણ પણ મહત્વની ભૂમિકામાં જોવા મળશે.