રાજકોટમાં મહિલાએ સાતમા માળથી માર્યો મોતનો કુદકો, એક જ સેકન્ડમાં ગયો જીવ

રાજકોટ : રાજકોટમાં આજે આત્મહત્યાનો ચોંકાવનારો કિસ્સો પ્રકાશમાં આવ્યો છે. શહેરમાં ચૌધરી હાઇસ્કૂલ પાસે આવેલી મહારાજ બિલ્ડિંગના સાતમા માળથી એક વયસ્ક મહિલાએ ધોળે દિવસે કૂદીને આત્મહત્યા કરી લીધી છે. 

આ આત્મહત્યા કરનાર મહિલાની ઓળખ જાહેર નથી થઈ પણ ઘટનાના સીસીટીવી જાહેર થયા છે. આ સીસીટીવી પ્રમાણે મહિલાએ મોતની છલાંગ મારતા જ તે રસ્તા પર એક સેકન્ડ માટે તડફડી હતી અને પછી તેનો જીવ ઉડી ગયો હતો. 

રંગીલા રાજકોટને કોઇની નજર લાગી હોય તેમ દિવસેને દિવસે કમોતના કિસ્સાઓ વધી રહ્યાં છે. આ ઘટનાની જાણ થતા જ પોલીસ કાફલો દોડી ગયો હતો અને વિગતો મેળવવાનું શરૂ કર્યું હતું. પ્રાથમિક તપાસમાં મહિલા પુખ્તવયની હોવાનું કહેવામાં આવી રહ્યું છે.