Kidney નું 'કલ્યાણ' કરી નાખશે Black Tea? ઉંટ કાઢવા જતાં બકરું પેસી જશે, જાણી લો નુકસાન

Black Tea Side Effects: ચા પીવી આપણા સ્વાસ્થ્ય માટે ફાયદાકારક છે કે હાનિકારક? આ વિષય પર લાંબા સમયથી ચર્ચા થઈ રહી છે. કેટલાક સંશોધનો સૂચવે છે કે જો ચા યોગ્ય માત્રામાં પીવામાં આવે તો તેનાથી ઘણા સ્વાસ્થ્ય લાભ થઈ શકે છે. વધારે પ્રમાણમાં દૂધ અને ખાંડવાળી ચા પીવાથી ડાયાબિટીસ અને કબજિયાતનું જોખમ વધે છે. પાણી પછી બીજા નંબરનું સૌથી વધુ વપરાતું પીણું છે.

લોકો સવારથી સાંજ સુધી ઘણા કપ ચા પીતા હોય છે, ખાસ કરીને સંશોધકોએ કાળી ચાને સ્વાસ્થ્ય માટે વધુ ફાયદાકારક ગણાવી છે. કાળી ચા એન્ટીઑકિસડન્ટોથી સમૃદ્ધ છે અને તે હૃદયથી આંતરડાથી લઈને ડાયાબિટીસ સુધીની સમસ્યાઓમાં સુધારો કરી શકે છે. તેથી જ ઘણા લોકો બ્લેક ટીને આરોગ્યપ્રદ વિકલ્પ તરીકે પસંદ કરે છે, પરંતુ શું બ્લેક ટી સલામત છે?

સંશોધકોએ શોધી કાઢ્યું છે કે તેના સેવનથી શરીરની રોગ પ્રતિકારક ક્ષમતા મજબૂત થઈ શકે છે, જે તમને ચેપી રોગોથી સુરક્ષિત રાખવામાં ફાયદાકારક છે. પરંતુ તાજેતરના કેટલાક અહેવાલોમાં, આરોગ્ય નિષ્ણાતોએ ચેતવણી આપી છે કે બ્લેક ટીનું વધુ પડતું સેવન ન કરવું જોઈએ, કારણ કે તેનાથી કિડનીના રોગોનું જોખમ વધી શકે છે. જ્યાં સુધી તમે તેને ઓછી માત્રામાં પીતા હોવ ત્યાં સુધી તેનું સેવન સલામત છે.

બ્લેક ટીમાં કેફીનની માત્રા
બ્લેક ટીનું સેવન ડાયાબિટીસથી લઈને હૃદયની બીમારીઓ સુધીની દરેક બાબતમાં ફાયદાકારક જોવા મળ્યું છે, જ્યારે તે કિડની માટે કેવી રીતે હાનિકારક છે તે સમજવા માટે ઘણા અભ્યાસ હાથ ધરવામાં આવ્યા છે. અભ્યાસમાં મિશ્ર પરિણામો જોવા મળ્યા હતા. સંશોધકોએ શોધી કાઢ્યું કે ચા અને કોફીમાં કેફીન એ પ્રાથમિક ઘટક છે જે કિડની પર હકારાત્મક અને નકારાત્મક બંને અસરો કરી શકે છે.

બ્લેક ટી અને લીંબુનું મિશ્રણ
જે લોકો દૂધ અને ખાંડવાળી ચાના જોખમને ઓળખે છે, તેઓ ઘણીવાર બ્લેક ટીનું સેવન કરે છે અને તેમાં લીંબુ ભેળવવાનું ભૂલતા નથી. ઉલ્લેખનીય છે કે, લીંબુને વિટામિન સીનો સમૃદ્ધ સ્ત્રોત માનવામાં આવે છે, જે રોગપ્રતિકારક શક્તિને વધારે છે. આ જ કારણ છે કે કોરોના વાયરસ રોગચાળા દરમિયાન લોકો ઉકાળો પીવાનો આગ્રહ કરી રહ્યા હતા, પરંતુ એવું જરૂરી નથી કે તેનાથી તમને હંમેશા ફાયદો થાય.

'કિડનીને થશે નુકસાન'
ટાઈમ્સ ઓફ ઈન્ડિયાના એક સમાચાર અનુસાર, મુંબઈના રહેવાસીના પગમાં સોજા આવવા લાગ્યા, આ સિવાય ઉલ્ટી, ભૂખ ન લાગવાની ફરિયાદો મળી. તપાસમાં જાણવા મળ્યું કે તેની કિડની બરાબર કામ કરી રહી નથી. જ્યારે આ વ્યક્તિની ડાયટ હિસ્ટ્રી તપાસવામાં આવી તો જાણવા મળ્યું કે તે બ્લેક ટીની સાથે વિટામિન સીનું સેવન કરતો હતો. જો કે આ કોઈ અલગ કેસ નથી, પરંતુ ઘણા લોકો એવા છે જેઓ લીંબુ અને ઉકાળો પીને પોતાની કિડનીને નુકસાન પહોંચાડી રહ્યા છે.

આવા જોખમોથી સાવધ રહો
જે લોકો લીંબુનો ઉકાળો વધારે પીવે છે તેઓનું ક્રિરેટિનિન (Creatinine) વધી શકે છે, જેનું સ્તર સામાન્ય રીતે 1 ની નીચે હોવું જોઈએ. કિડનીનું કામ શરીરના પ્રવાહીમાં રહેલી ગંદકીને સાફ કરવાનું છે, જો તેમાં કોઈ પણ પ્રકારની સમસ્યા હોય તો આખા શરીરને અસર થઈ શકે છે.

મોટાભાગના સ્વાસ્થ્ય નિષ્ણાતો માને છે કે જો કોઈ પણ વસ્તુનું વધુ પડતું સેવન કરવામાં આવે તો તે સ્વાસ્થ્ય માટે હાનિકારક સાબિત થઈ શકે છે. એટલા માટે તમારે ડૉક્ટરની સલાહ લીધા પછી જ સીમિત માત્રામાં ઉકાળો પીવો જોઈએ. જો વિટામીન સીનું સેવન વધી જાય તો શરીરમાં ઓક્સાલેટનું પ્રમાણ વધી જાય છે, જેનાથી કિડનીમાં ઈન્ફેક્શન થઈ શકે છે અને કિડની ફેલ પણ થઈ શકે છે.

(Disclaimer: અહીં આપવામાં આવેલી જાણકારી ઘરેલૂ નુસખા અને સામાન્ય જાણકારીઓ પર આધારિત છે. તેને અપનાવતાં પહેલાં ડોક્ટરની સલાહ જરૂર લો. ZEE NEWS તેની પુષ્ટિ કરતું નથી.)