Parle G ના પેકેટ પર ક્યૂટ બાળકીની જગ્યાએ આ છોકરો કોણ? જાણો શું છે સમગ્ર મામલો?

Bunshah G: જ્યારે પણ ચાની વાત થાય છે ત્યારે પારલે જી બિસ્કીટનું નામ આપોઆપ મનમાં આવી જાય છે. દરેક વ્યક્તિ, બાળકો અને વૃદ્ધ, પારલે જીનું નામ જાણે છે જે બિસ્કિટનો પર્યાય બની ગયું છે. તમે પણ બાળપણમાં કોઈક સમયે પારલે જી બિસ્કિટ ખાધા હશે. દેશનું સૌથી વધુ વેચાતું બિસ્કિટ પારલે જી જેટલું લોકપ્રિય છે, એટલી જ લોકપ્રિય પારલે ગર્લ છે. પારલે ગર્લ તરીકે સમાચારમાં રહેલી આ યુવતીનો ફોટો હવે પેકેટમાંથી ગાયબ થઈ ગયો છે. આ અમે નથી કહી રહ્યા, પરંતુ પારલે કંપનીએ પોતે જ તેના ઓફિશિયલ ઈન્સ્ટાગ્રામ પેજ પર પારલે જી બિસ્ટિક પેકેટનો ફોટો શેર કર્યો છે, જેમાં પારલે ગર્લની જગ્યાએ સ્માર્ટ છોકરાનો ફોટો છપાયેલો છે. ફોટોની સાથે નામ પણ બદલાયું છે.

ક્યાં ગઈ પારલે ગર્લ?
પારલેએ તેના ઓફિશિયલ ઈન્સ્ટાગ્રામ પેજ પર બિસ્કીટનું પેકેટ શેર કર્યું છે. જેમાં પારલેની છોકરીને બદલે છોકરાનો ફોટો છે. પારલે ગર્લનો ફોટો ગુમ થયેલો જોઈને નિરાશ થવાની જરૂર નથી, કારણ કે આ આખો કિસ્સો મજાકથી શરૂ થયો હતો. પારલે ગર્લ ક્યાંય ગઈ નથી. જોકે ઇન્સ્ટાગ્રામ ઇન્ફ્લૂએંસર ઝેરવાન જે બુનશાહ (Zervaan J Bunshah) ની મજાકનો જવાબ આપવા માટે, પારલેએ બિસ્ટિક પેકેટ પર તેનો ફોટો મૂકીને તેને જવાબ આપ્યો છે. પારલેની આ સ્ટાઇલ લોકોને ખૂબ જ પસંદ આવી છે અને લોકો કંપનીના ખૂબ વખાણ કરી રહ્યા છે.

આ છોકરો કોણ છે?
પારલે જી બિસ્ટિકના પેકેટ પર જે છોકરાનો ફોટો છે તે ઇન્સ્ટાગ્રામ ઇન્ફ્લૂએંસર જેરવાહ જે બંશાહ છે. બંશાહ મોટાભાગે ફની વીડિયો બનાવે છે. ઈન્સ્ટાગ્રામ પર તેના 1.23 લાખથી વધુ ફોલોઅર્સ છે. આ કહાનીની શરૂઆત બંશાહની મજાકથી શરૂ થઈ હતી, જેમાં તેણે વીડિયો શેર કર્યો હતો અને પૂછ્યું હતું કે જ્યારે તમે પારલે જી બિસ્કિટ કંપનીના માલિકને મળશો તો તમે તેને શું કહી શકશો? પારલે સર, મિસ્ટર પારલે કે પારલે જી?

View this post on Instagram

A post shared by Parle-G (@officialparleg)

પારલે જીનો અનોખો જવાબ
બંશાહના આ સવાલનો જવાબ પારલેએ પોતાની આગવી શૈલીમાં આપ્યો. પારલે જીના પેકેટને તેના ઓફિશિયલ સોશિયલ મીડિયા પેજ પર તેના ફોટો સાથે શેર કરતી વખતે કંપનીએ બિસ્ટિકનું નામ બંશાહ જી લખ્યું. કંપનીએ લખ્યું કે જો તમે પારલેના માલિકને શું કહેશો તે જાણવું હોય તો અમને તમારા મનપસંદ બિસ્કિટને એક કપ ચા સાથે માણવા માટે કૉલ કરો. એટલે કે પારલે જીના પેકેટ પર પારલે ગર્લનો ફોટો બદલાઈ રહ્યો નથી. કંપનીએ ઇન્ફ્લૂએંસરને જવાબ આપવા માટે આ ફોટો શેર કર્યો હતો. કંપનીનો આ મજાકિયો અંદાજ લોકોને ખૂબ પસંદ આવી રહ્યો છે.