ત્રણ રાજ્યોની જીતથી 2024માં હેટ્રિકની ગેરંટી... પીએમ મોદીનો મોટો સંદેશ

નવી દિલ્હીઃ Election Result 2023: મધ્ય પ્રદેશ, રાજસ્થાન અને છત્તીસગઢમાં મળેલી જીતથી ભારતીય જનતા પાર્ટી ગદગદ છે. આ સાથે પાર્ટીએ 2024ની લોકસભા ચૂંટણીની પણ તૈયારી કરી લીધી છે. આ વાત પીએમ મોદીના સંબોધનમાં પણ જોવા મળી છે. ભાજપના કાર્લાયપમાં પીએમ મોદીએ કહ્યું કે કેટલાક લોકો કહી રહ્યાં છે કે આજની હેટ્રિકે 2024ની હેટ્રિકની ગેરંટી આપી છે. આજના જનાદેશે તે પણ સાબિત કર્યું છે કે ભ્રષ્ટાચાર, તુષ્ટિકરણ અને પરિવારવાદને લઈને દેશની અંદર ઝીરો ટોલરેન્સ બની રહી છે. 

તેમણે કહ્યું કે આ ચૂંટણી પરિણામની ગૂંજ એમપી, રાજસ્થાન અને છત્તીસગઢ સુધી સીમિત નહીં રહે, આ પરિણામની ગૂંજ દૂર દૂર સુધી જશે. દુનિયામાં આ પરિણામની ગૂંજ સંભળાશે. દુનિયાના વિશ્વાસને વધુ મજબૂતી આપશે. દુનિયાભરના ઈન્વેસ્ટરોને પણ નવો વિશ્વાસ આપશે. 

સુશાસનની રાજનીતિનું નવુ મોડલ
પીએમ મોદીએ પોતાના સંબોધનમાં કહ્યું- આઝાદીના અમૃતકાળમાં જે વિકસિત ભારતનો સંકલ્પ લીધો છે, જનતાનું સમર્થન મળી રહ્યું છે. ભારતની જનતા પૂર્ણ બહુમત માટે સમજી વિચારીને મતદાન કરી રહી છે. ભાજપે સેવા અને સુશાસનની રાજનીતિનું નવુ મોડલ દેશની સામે લાવ્યું છે. 

Delhi: Prime Minister Narendra Modi says, "It is my suggestion to Congress and its allies to stop doing politics that strengthen anti-national elements and ideas to weaken the country." pic.twitter.com/D1IXloxLp9

— ANI (@ANI) December 3, 2023

ઈન્ડિયા ગઠબંધન પર પીએમ મોદીનો પ્રહાર
પીએમ મોદીએ કહ્યું- દેશની જનતાએ સ્પષ્ટ સંદેશ આપ્યો છે. એવા લોકો જે પોતાના તર્કોથી ભ્રષ્ટાચારિઓને કવચ આવે છે, એવા લોકો જે તપાસ એજન્સીઓને બદનામ કરવામાં રાત દિવસ લાગેલા છે, તે સમજી લે કે ભ્રષ્ટાચાર વિરુદ્ધ લડાઈને પણ જનસમર્થન છે. 

જનતા જનાર્દનને નમન: 3 રાજ્યોમાં ભાજપની ભવ્ય જીત બાદ PM મોદીએ જનતાનો માન્યો આભાર#PMModi #BJP #MadhyaPradeshElection2023 #RajasthanAssemblyElection2023 #chhatisgarhElection2023 pic.twitter.com/ScxrKJiuLx

— Zee 24 Kalak (@Zee24Kalak) December 3, 2023

કોંગ્રેસના સૂપડા સાફ
તેમણે કોંગ્રેસ પર નિશાન સાધતા કહ્યું- જે કોંગ્રેસે આદિવાસી સમાજને પૂછ્યું નહીં, આજે તે સમાજે કોંગ્રેસના સૂપડા સાફ કરી દીધા છે. આ ભાવના આજે આપણે છત્તીસગઢ, એમપી અને રાજસ્થાનમાં પણ જોઈ. જ્યાં આદિવાસી સીટો પર કોંગ્રેસના સૂપડા સાફ થઈ ગયા. તેમણે કહ્યું- રાજસ્થાનમાં મે ભવિષ્યવાણી કરી હતી કે રાજસ્થાનમાં કોંગ્રેસની સરકાર ફરી આવશે નહીં. મારો વિશ્વાસ ત્યાંની જનતા પર હતો અને આપણે પરિણામ જોઈ રહ્યાં છીએ.