રાહુલે બીજેપી સાંસદોના ખભે મૂકી વડાપ્રધાન સામે ફોડી બંદૂક

નવી દિલ્હી : કોંગ્રેસ અધ્યક્ષ રાહુલ ગાંધીએ બીજેપીના રાષ્ટ્રીય અધ્યક્ષ અમિત શાહ પર નિશાન સાધ્યું છે. તેમણે અમિત શાહને હત્યાના આરોપી ગણાવીને જણાવ્યું છે કે આવા લોકો પાર્ટી અધ્યક્ષ છે. છત્તીસગઢની એક જનસભામાં રાહુલ ગાંધીએ આરોપ લગાવ્યો છે કે બીજેપી અમને ડરાવી રહી છે. પ્રેસ અને ન્યાયતંત્રમાં પણ બધાને ડરાવવામાં આવી રહ્યા છે. તેમણે કહ્યું કે,'સંસદ ભવનમાં બીજેપી સાંસદો સાથે મારી વાત થતી હોય છે અને તેઓ જણાવે છે કે તેઓ વડાપ્રધાન નરેન્દ્ર મોદી સામે એક શબ્દ પણ નથી બોલી શકતા.'

રાહુલ ગાંધીએ આરોપ લગાવ્યો છે કે કર્ણાટકમાં સંવિધાન પર આક્રમણ થઈ રહ્યું છે. તેમણે ફરી એકવાર જસ્ટિસ લોયાના મોતને શંકાસ્પદ ગણાવ્યું હતું અને આ રીતે તેમણે અમિત શાહ પર નિશાન સાધ્યું હતું. કોંગ્રેસ અધ્યક્ષે જણાવ્યું કે આખા દેશમાં ડરનો માહોલ છે અને કોઈ કંઈ બોલી શકે એમ નથી. પ્રેસની આઝાદી પણ છિનવાઈ ગઈ છે.

Today constitution is being attacked. In Karnataka on one side there are MLAs standing and on the other side the Governor. JDS has said its MLAs have been offered Rs 100 crore each: Rahul Gandhi pic.twitter.com/XjlbOh65kc

— ANI (@ANI) May 17, 2018

રાહુલ ગાંધીએ આરોપ મુક્યો છે કે વર્તમાન સરકાર માત્ર પૈસાદાર લોકોની જ લોન માફ કરે છે. તેમની પાસે જ્યારે ખેડૂતોની લોનમાફીની વાત આવે છે ત્યારે અરૂણ જેટલી કહે છે કે તેમની સરકાર લોન માફ કરવાની નીતિ પર કામ નહીં કરે. 

RSS is making way into all institutions in the country. Aisa Pakistan ya tanashahi mein hota hai: Congress President Rahul Gandhi in Chhattisgarh's Raipur pic.twitter.com/SJx51LSlwi

— ANI (@ANI) May 17, 2018

કોંગ્રેસ અધ્યક્ષે આરોપ લગાવ્યો છે હાલમાં સરકાર દરેક સંસ્થામાં સંઘના અને એક ખાસ વિચારધારાને વરેલા લોકોને સ્થાપિત કરી રહી છે. કોંગ્રેસે લાંબા સમય સુધી દેશમાં રાજ કર્યું છે પણ ક્યારેય કોઈ આવી હરકત નથી કરી.