પેટ્રોલ-ડીઝલના વધતા જતા ભાવને લઇને દેશભરમાં વિરોધ પ્રદર્શન, તસવીરોમાં જુઓ અસર

તેલંગાણામાં પણ કોંગ્રેસ કાર્યકર્તાએ દેશભરમાં વધી રહેલા પેટ્રોલ, ડીઝલના ભાવને લઇને વિરોધ-પ્રદર્શન શરૂ કરી દેવામાં આવ્યું છે. (ફોટો સાભાર: ANI)

આંધ્રપ્રદેશમાં પણ સીપીઆઇ અને સીપીએમના કાર્યકર્તાઓએ ભારત બંધનું ખુલીને સમર્થન કર્યું અને વધતા જતા પેટ્રોલ ડીઝલના ભાવ વિરૂદ્ધ વિરોધ પ્રદર્શન કર્યું. (ફોટો સાભાર: ANI)

આંધ્રપ્રદેશના વિજયવાડામાં વધતા જતા પેટ્રોલ ડીઝલના ભાવના વિરોધમાં સીપીઆઇના કાર્યકર્તાઓ અને નેતા રસ્તા પર ઉતરી આવ્યા હતા અને ધરણા પ્રદર્શન કરી રહ્યા છે. (ફોટો સાભાર: ANI)

તો બીજી તરફ બિહારની રાજધાની પટનામાં પણ ભારત બંધ દરમિયાન બંધની ખૂબ અસર જોવા મળી. પેટ્રોલ-ડીઝલના લીધે ભાવના વિરોધમાં કોંગ્રેસ કાર્યકર્તાઓએ સવારે જ દુકાનોને તાળા લગાવવાનું શરૂ કરી દીધું. (ફોટો સાભાર: ANI)

પટનામાં બંધના લીધે આજે સવારેથી જ દુકાનો બંધ છે રસ્તા વેરાન ભાસી રહ્યા છે. મળતી માહિતી અનુસાર બિહારના કેટલાક ભાગમાં પ્રદર્શનકારીઓ દ્વારા કેટલાક ભાગોમાં આગચંપી અને ટ્રેન રોકવાના પણ સમાચાર પ્રાપ્ત થયા છે.

તો બીજી તરફ જન અધિકારી પાર્ટી લોકતાંત્રિક કાર્યકર્તા દ્વારા બંધના સમર્થનમાં રાજેંદ્ર નગર ટર્મિનલ રેલવે સ્ટેશન બ્લોક કરવાના પણ સમાચાર મળ્યા છે. બંધના સમર્થનમાં કાર્યકર્તા રેલવેના પાટા પર સૂઇ ગયા હતા. જેના લીધે લાંબા સમય સુધી રેલ સેવા પ્રભાવિત થઇ. (ફોટો સાભાર: ANI)

કોંગ્રેસ દ્વારા ભારત બંધના આહવાનને જોતાં કર્ણાટકમાં પણ ખુલીને સમર્થન મળી રહ્યું છે. (ફોટો સાભાર: ANI)

કર્ણાટકમાં આજે બધી સ્કૂલ-કોલેજો બંધ છે અને દુકાનોથી માંડીને શાકમાર્કેટ પણ બંધ છે. જેના લીધે સામાન્ય લોકોને સમસ્યાનો સામનો કરવો પડી રહ્યો છે. (ફોટો સાભાર: ANI)

માનવામાં આવી રહ્યું છે કે કોંગ્રેસની પૂર્વ અધ્યક્ષ સોનિયા ગાંધી પણ રાજઘાટ પહોંચી ગયા છે. ત્યાં અન્ય વિપક્ષી પાર્ટીઓના મુખ્ય નેતાઓની સાથે વિરોધ પ્રદર્શન કરશે. (ફોટો સાભાર: ANI)

રાજઘાટ પર આ પ્રદર્શન સવારે લગભગ 9 વાગ્યાથી શરૂ ગયું છે. ભારત બંધને લઇને કોંગ્રેસી નેતાઓએ પોતાના કાર્યકર્તાઓને અપીલ કરી છે કે તે શાંતિપૂર્વક પ્રદર્શન કરે અને કોઇપણ પ્રકારના હિંસક પ્રદર્શનમાં સામેલ ન થાય. (ફોટો સાભાર: ANI)

ઓડિશાના સંભલપુરમાં કોંગ્રેસ કાર્યકર્તાએ એક ટ્રેન રોકીને પેટ્રોલ અને ડીઝલના વધતા જતા ભાવનો વિરોધ વ્યક્ત કર્યો. (ફોટો સાભાર: ANI)

ઓડિશાના ભુવનેશ્વરમાં પણ વિપક્ષી દળોએ ઓઇલની કિંમતમાં થઇ રહેલા વધારા વિરૂદ્ધ વિરોધ પ્રદર્શન કર્યું અને બાઇક રેલી કાઢીને વિરોધ નોધાવ્યો. (ફોટો સાભાર: ANI)

ગુજરાતમાં કેટલીક જગ્યાએ લોકોએ ટાયર સળગાવી પોતાનો વિરોધ નોંધાવ્યો અને બધી દુકાનો અને સ્ટોલ્સને બંધ કરવાની અપીલ કરી. સામાન્ય દિવસોની તુલનામાં રસ્તા પર ભીડ પણ ઓછી છે. (ફોટો સાભાર: ANI)

અહીં સવારથી જ રસ્તાઓ સુમસામ થઇ ગયા છે. ટ્રાંસપોર્ટની સુવિધા પણ સંપૂર્ણપણે ઠપ્પ થઇ ગઇ છે. રસ્તા પર ના તો લોકો જોવા મળે છે ના તો લોકો. (ફોટો સાભાર: ANI)