દીપિકા પાદુકોણના સ્વાગતમાં નણંદે આપી શાનદાર પાર્ટી, કોકટેલ લુક થયો Viral

14 અને 15 નવેમ્બરે ઈટાલીમાં બે રીતિ-રિવાજોથી લગ્ન કર્યા બાદ દીપિકા પાદુકોણ અને રણવીર સિંહ પરત આવી ગયા છે. 21 નવેમ્બરે દીપિકાના માતા-પિતાએ નવા કપલ માટે બેંગલુરૂમાં રિસેપ્શન પાર્ટી રાખી હતી. દીપિકા-રણવીરના લગ્નની ઉજવણી હજુ 1 ડિસેમ્બર સુધી ચાલશે. 

24 નવેમ્બરે રણવીર સિંહની બહેને બંન્નેના સ્વાગતમાં મુંબઈમાં કોકટેલ પાર્ટી રાખી જેમાં દીપિકાએ ફરી એકવાર સબ્યસાચીનો ડ્રેસ પહેર્યો. 

રેડ અને પિંક કલરના લહેંગા પર દીપિકાએ ફ્યૂઝન મેકઅપ અને હેર સ્ટાઇલ કરી. દીપિકાનો આ કોકટેલ લુક સોશિયલ મીડિયા પર વાયરલ થઈ રહ્યો છે. 

બહેનની પાર્ટીમાં રણવીરે ખૂબ મસ્તી કરી. રણવીર આ પાર્ટીમાં પોતાની દુલ્હન દીપિકાની સાથે ડીજેના તાલ પર નાચતો જોવા મળ્યો. 

ઈટાલીમાં થયેલા લગ્ન અને બેંગલુરૂ રિસેપ્શનમાં રોયલ લુકમાં જોવા મળેલા રણવીરે બહેનની પાર્ટીમાં એકદમ રોકિંગ સ્ટાઇલ કરી. 

કલરફુલ શેરવાનીની સાથે રણવીરે આઈ મેકઅપ કર્યો અને ગળામાં હાર પણ પહેર્યો હતો. પાર્ટીમાંથી સામે આવેલા વીડિયોમાં રણવીર ખૂબ મસ્તી કરી રહ્યો છે. 

 

મહત્વનું છે કે, બેંગલુરૂ બાદ રણવીર અને દીપિકા 28 નવેમ્બરે મુંબઈમાં લગ્નની પાર્ટી આપશે. આ પાર્ટી માટે ઘણા સિતારાને આમંત્રણ આપવામાં આવ્યું છે. 

(ફોટો સાભાર : @sabyasachiofficial)