વાઈબ્રન્ટ ગુજરાત સમિટ-2019, જૂઓ એક્સક્લૂસિવ તસવીરો

વાઈબ્રન્ટ ગુજરાત ગ્લોબલ સમિટની શરૂઆત વર્ષ 2003માં કરવામાં આવી હતી. ત્યાર બાદથી સતત દર બે વર્ષે આ સમિટનું આયોજન કરવામાં આવે છે.

વાઈબ્રન્ટ ગુજરાત ગ્લોબલ સમિટ વૈશ્વિક રોકાણને આર્ષવા માટે આયોજિત કરાય છે. જેમાં દેશ-વિદેશના ઉદ્યોગપતિઓ, સ્ટાર્ટ-અપ કંપનીઓ, રોકાણકારો અને વિવિધ સરકારી વિભાગો ભાગ લેતા હોય છે.

ગાંધીનગર શહેરમાં મહાત્મા મંદિરની પાસે બનાવાયેલા વિશેષ ડોમમાં વિવિધ સેમિનારનું આયોજન કરાશે. 

વાઈબ્રન્ટ ગુજરાત ગ્લોબલ સમિટમાં 15 દેશ ભાગીદાર બન્યા છે. તેમની હાજરીમાં વિવિધ સમિટનું આયોજન કરાશે.   

વાઈબ્રન્ટ સમિટમાં 115થી વધુ દેશના પ્રતિનિધીમંડળ સમિટના વિવિધ કાર્યક્રમોમાં ભાગ લેવા આવવાના છે. તેમના માટે અમદાવાદ અને ગાંધીનગરમાં વિવિધ આયોજન કરાયા છે. 

વાઈબ્રન્ટ સમિટ ગુજરાતમાં વિદેશી રોકાણને આકર્ષવા માટે આયોજિત કરાય છે. આથી, તેમાં દુનિયાભરની ટોચની કંપનીઓના લગભગ 45 જેટલા CEO પણ ભાગ લેવા આવવાના છે. 

આ સમિટમાં ભારતની ટોચની 19 કંપનીઓના ઉદ્યોગ સંચાલકો પણ ભાગ લેવા આવશે. 

વાઈબ્રન્ટ સમિટ-2019માં આ વખતે 26,000થી વધુ કંપનીઓ ભાગ લેવાની છે અને તેના માટે 30,000થી વધુ વ્યક્તિગત રજિસ્ટ્રેશન નોંધાયા છે. 

વાઈબ્રન્ટ ગુજરાત સમિટમાં ભાગ લેનારા વિવિધ દેશો અને કંપનીઓ સાથે રાજ્યમાં રોકાણ માટે એમઓયુ કરવામાં આવશે. 

વાઈબ્રન્ટ ગુજરાત સમિટને કારણે રાજ્યમાં મોટાપાયે વિદેશી રોકાણ આવે છે. દર બે વર્ષે યોજાતી આ ઈવેન્ટને કારણે રાજ્યમાં અનેક મલ્ટીનેશનલ કંપનીઓએ રોકાણ કર્યું છે અને રાજ્યના યુવાનોને રોજગાર પૂરો પાડ્યો છે. 

વાઈબ્રન્ટ સમિટના કાર્યક્રમને લઈને ગાંધીનગર શહેરને રોશનીથી શણગારવામાં આવ્યું છે. જેને જોવા માટે મોટી સંખ્યામાં લોકો રાત્રે ઉમટી પડે છે. 

વાઈબ્રન્ટ સમિટની સાથે-સાથે સેક્ટર-17 ખાતે બનાવવામાં આવેલા વિવિધ ડોમમાં ટ્રેડ શોનું આયોજન પણ કરવામાં આવે છે. આ ટ્રેડ શોમાં દેશ-વિદેશની કંપનીઓ અને રાજ્ય સરકાર તથા કેન્દ્ર સરકારના વિવિધ વિભાગો દ્વારા સ્ટોલ ખોલવામાં આવે છે અને અહીં તેમની ઉપલબ્ધીઓ અને ઈનોવેશન દર્શાવામાં આવે છે. (તમામ તસવીરો - પ્રવીણ ઈન્દ્રેકર)