Photos : એન્જિનિયર્સ માટે ચેલેન્જિંગ હતું સિક્કીમ એરપોર્ટ બનાવવું, 4500 ફૂટની ઊંચાઈ પર સર્જ્યો અજુબો

આ એરપોર્ટ ગંગટોકથી અંદાજે 33 કિલોમીટર દૂર છે, અને 201 એકરથી વધુ જમીનમાં ફેલાયેલું છે. તે સમુદ્ર તળથી 4500 ફુટની ઊંચાઈ પર આવેલ પાક્યોંગ ગામથી અંદાજે 2 કિલોમીટર ઉપર એક પહાડીની ચોટી પર બનાવવામાં આવ્યું છે. તેને બનાવવાનો ખર્ચ અંદાજે 605 કરોડ રૂપિયા જેટલો આવ્યો છે.  

સિક્કીમના મુખ્ય સચિવ એ.કે.શ્રીવાસ્તવે જણાવ્યું કે, ભારત-ચીન સીમાથી અંદાજે 60 કિલોમીટર દૂરઆવેલું છે આ એરપોર્ટ,

સિક્કીમના આ એરપોર્ટને વર્ષ 2008માં મંજૂરી મળી ગઈ હતી અને 9 વર્ષ બાદ તેનું કામ પૂરુ થયું છે. 

201 એકરમાં ફેલાયેલ આ એરપોર્ટમાં જિયોટેક્નિકલ એન્જિનિયરિંગ ટેકનિકનો ઉપયોગ કરાયો છે. આ એરપોર્ટની ખાસિયત એ છે કે, તે અહીંની માટીમાં એરપોર્ટની જરૂરિયાતના હિસાબે બદલાવ કરીને બનાવવામાં આવ્યું છે. અહીં પર જિયોટેક્નિકલ એન્જિનિયરિંગ ટેકનિકની સાથે જ સ્લોપ સ્ટેબલાઈઝેશન ટેકનિક પણ લગાવવામાં આવશે.

એરપોર્ટનું ઈન્ટીરિયર બહુ જ સુંદર છે. એક અધિકારીના જણાવ્યા અનુસાર, આ એરપોર્ટ પર સ્પાઈસજેટને રીજનલ કનેક્ટિવિટી વધારવા માટે ‘ઉડે દેશ કા હર નાગરિક’ સ્કીમ અંતર્ગત ઓપરેશનની પરમિશન મળી છે. જેનું ભાડુ 2600 રૂપિયા છે. 4 ઓક્ટોબરથી સ્પાઈસ જેટ અહીંથી પહેલી ફ્લાઈટ શરૂ કરશે. 

આગામી દિવસોમાં મુખ્ય રનવેની પાસે 75 મીટર લાંબી એક અન્ય પટ્ટીનું નિર્માણ કરવામાં આવશે, જ્યાં ભારતીય વાયુસેના પોતાના વિમાન ઉતારી શકશે. 

સિક્કીમમાં ફ્લાઈટની સર્વિસ ન હોવાને કારણે લોકો ટુરિસ્ટ્સ આ રાજ્યમાં આવવાનું પસંદ કરતા ન હતા. પરંતુ હવે સિક્કીમના ટુરિઝમમાં પણ વધારો થાય તેવી શક્યતા છે. બાદમાં પાક્યોંગથી ભૂટાન, નેપાળ અને થાઈલેન્ડ સુધી ફ્લાઈટ શરૂ કરવામાં આવશે. જેનાથી સિક્કીમ આવવા-જવા માટે 4-5 કલાક જેટલો સમય બચી જશે.