Jio Dhan Dhana Dhan Offer: જિયો યૂઝર્સને મોજ, IPL 2024 શરૂ થતાં પહેલા આવી ધાંસૂ ઓફર

નવી દિલ્હીઃ Reliance Jio New Plan Launch: દિગ્ગજ ટેલીકોમ કંપની રિલાયન્સ જિયોએ પોતાના ગ્રાહકો માટે એક નવી ઓફર લોન્ચ કરી છે. જિયોનો આ પ્લાન તે યૂઝર્સ માટે ખુબ ફાયદાકારક રહેશે, જે ક્રિકેટ પ્રેમી છે. જિયોએ ક્રિકેટ લવર્સને ધ્યાનમાં રાખતા IPL 2024 શરૂ થતાં પહેલા Jio Dhan Dhana Dhan Offer લોન્ચ કરી છે. જિયોની આ ઓફર ગ્રાહકોને 60 દિવસ સુધી હાઈ સ્પીડ ઈન્ટરનેટ સર્વિસ ઉપલબ્ધ કરાવશે.

હકીકતમાં જિયો તરફથી આવનાર Jio Dhan Dhana Dhan Offer માત્ર Jio AirFiber Plus યૂઝર્સ માટે છે. આ પ્લાનમાં કંપની પોતાના ગ્રાહકોને 60 દિવસ સુધી એર ફાઇબર સર્વિસને અત્યારની તુલનામાં ત્રણ ગણી વધુ સ્પીડથી ઈન્ટરનેટ ડેટા ઉપલબ્ધ કરાવશે. 

મેચ જોવાની આવશે અસલી મજા
તમને જણાવી દઈએ કે જિયોએ પોતાની આ નવી ઓફરને Tata IPL 2024 શરૂ થતાં પહેલા લોન્ચ કરી છે. તેવામાં તેનો સીધો ફાયદો ક્રિકેટપ્રેમીને મળવાનો છે. જિયોની આ નવી ઓફર્સની મદદથી તમે કોઈ ચિંતા વગર ટી20 મેચનું સીધુ પ્રસારણ જોઈ શકો છો. 

આ પણ વાંચોઃ Car AC Cooling Tips: ગરમીમાં કારની કેબિન બની જશે 'શિમલા', AC ને આ રીતે કરો સેટ

તમને જણાવી દઈએ કે TATA IPL 2024 ને જિયો સિનેમામાં લાઇવ ટેલિકાસ્ટ કરવામાં આવશે. તેવામાં જિયોની નવી ઓફરને લઈને યૂઝર્સમાં ગજબની આતૂરતા છે. આ ઓફરમાં કંપનીએ પોતાના બેઝ પ્લાનથી લઈને ટોપ  પ્લાન સુધીમાં મળનાર ઈન્ટરનેટ સ્પીડને વધારી દીધી છે.

કંપનીએ વધારી ઈન્ટરનેટ સ્પીડ
બેઝ પ્લાનમાં અત્યાર સુધી 30 Mbps ની જગ્યાએ  100 Mbps ની સ્પીડ.
100 Mbps વાળા પ્લાનમાં હવે 300 Mbps ની સ્પીડ મળશે.
300 Mbps વાળા પ્લાનમાં હવે 500 Mbps ની સ્પીડ મળશે.
500 Mbps વાળા પ્લાનમાં હવે 1 Gbps ની સ્પીડ મળશે.

જો તમે પણ જિયોની આ ઈન્ટરનેટ સ્પીડનો લાભ લેવા ઈચ્છો છો તો તે માટે તમારી પાસે જિયો એર ફાઇબર પ્લસનો 6 મહિના કે 12 મહિનાવાળો પ્લાન હોવો જોઈએ. યૂઝર્સના રિચાર્જ પર નવી ડેટા સ્પીડ ઓટોમેટિક અપગ્રેડ થઈ જશે. ડેટા સ્પીડ અપગ્રેડ થયા બાદ યૂઝર્સને મેલ અને એસએમએસ પણ પ્રાપ્ત થશે.