સમાચાર ગુજરાતમાં જુઓ ગુજરાતભરના આજના મહત્વના સમાચાર.... આજે ગુજરાત વિધાનસભાના બજેટસત્રના ચોથા દિવસે ગૃહમાં દારૂબંધીનો મુદ્દો ઉઠ્યો હતો. ત્યારે રાજયમાં દારૂબંધીની સ્થિતિ પર ચોંકાવનારા આંકડા સામે આવ્યા છે. રાજ્યભરમાંથી બુટલેગરો અને દારૂના અડ્ડાઓ અંગે પોલીસને 9081 ફરિયાદો મળી છે. સૌથી વધુ ફરિયાદ અમદાવાદ જિલ્લામાં 4984 ફરિયાદો મળી હોવાનું સામે આવ્યું છે. સુરત જિલ્લામાં દારૂ અંગે 1989 ફરિયાદો મળી છે. તો મહીસાગર જિલ્લામાં દારૂ અંગે એક પણ ફરિયાદ મળી નથી. કોંગ્રેસના ધારાસભ્યોએ પૂછેલા સવાલો અંગે સરકારે લેખિતમાં આ જવાબ રજૂ કર્યો છે. જેને પગલે કોંગ્રેસ સત્તાપક્ષ સામે સવાલ ઉઠાવ્યો હતો.