କପିଲ ଶର୍ମା ଶୋ'ରେ ଅତିଥି ହୋଇ ଆସିଥିଲେ ସ୍ମୃତି ଇରାନୀ, କିନ୍ତୁ ସେଟକୁ ଯିବାକୁ ଦେଲେ ନାହି ଗାର୍ଡ, ଜାଣନ୍ତୁ କ'ଣ ହେଲା ତା'ପରେ...

ନୂଆଦିଲ୍ଲୀ: ଟିଭି ଅଭିନେତ୍ରୀରୁ ରାଜନେତ୍ରୀ ପାଲଟିଥିବା ସ୍ମୃତି ଇରାନୀ (Smriti Zubin Irani ) 'ଦି କପିଲ ଶର୍ମା ଶୋ' (The Kapil Sharma Show) ରେ ଅତିଥି ଭାବରେ ଯୋଗଦେବାର କଥା ଥିଲା କିନ୍ତୁ ବର୍ତ୍ତମାନ ତାହା ହେବ ନାହିଁ । ସ୍ମୃତି (Smriti Irani) ବିନା ସୁଟିଂରେ ଫେରିଛନ୍ତି । ସ୍ମୃତି ଇରାନୀ ତାଙ୍କ ପୁସ୍ତକ 'ଲାଲ ସଲାମ' (Lal Salaam) ର ପ୍ରମୋଶନ ପାଇଁ ଏହି ଶୋ'କୁ ଆସିବାକୁ ଯାଉଥିଲେ କିନ୍ତୁ ଗାର୍ଡମାନେ ତାଙ୍କୁ ଭିତରକୁ ଯିବାକୁ ଦେଇ ନଥିଲେ । ପରିଶେଷରେ ସ୍ମୃତି ଇରାନୀଙ୍କୁ ଫେରିବାକୁ ପଡିଲା  ।

ସୂଚନାନୁସାରେ, ସୁଟିଂ ପାଇଁ କେନ୍ଦ୍ର ମନ୍ତ୍ରୀ ପ୍ରବେଶ ଦ୍ୱାରରେ ପହଞ୍ଚିବା ପରେ ସେଠାରେ ଥିବା ସୁରକ୍ଷା କର୍ମୀ ଆନ୍ନା ତାଙ୍କୁ ଚିହ୍ନି ପାରିନଥିଲେ । ସ୍ମୃତି (Smriti Irani) ତାଙ୍କୁ କହିଥିଲେ ଯେ ସେଟରେ ଏପିସୋଡର ସୁଟିଂ ପାଇଁ ତାଙ୍କୁ ନିମନ୍ତ୍ରଣ କରାଯାଇଛି, ସେ ହେଉଛନ୍ତି ଶୋ’ର ବିଶେଷ ଅତିଥି । ଏହା ଉପରେ ଗାର୍ଡ କହିଥିଲା ଯେ, 'ଆମେ କୌଣସି ଆଦେଶ ପାଇ ନାହୁଁ, ଦୁଃଖିତ ମ୍ୟାଡାମ୍, ଆପଣ ଭିତରକୁ ଯାଇପାରିବେ ନାହିଁ ।'

ଯଦିଓ ଅନେକ ଲୋକ କୁହନ୍ତି ଯେ ସ୍ମୃତି ଇରାନୀ (Smriti Irani) ଙ୍କ ଡ୍ରାଇଭର ଓ ଦି କପିଲ ଶର୍ମା ଶୋ’(The Kapil Sharma Show) ର ଗାର୍ଡଙ୍କ ମଧ୍ୟରେ ଏହି ସବୁ ଭୁଲ ବୁଝାମଣା ଘଟିଛି । କପିଲ ଶର୍ମା କିମ୍ବା ସ୍ମୃତି ଇରାନୀ ଏହା ବିଷୟରେ ଜାଣି ନଥିଲେ । ଅବଶ୍ୟ, ଯେତେବେଳେ କପିଲ (Kapil Sharma) ଓ ତାଙ୍କ ପ୍ରୋଡକଶନ ଦଳ ଏହା ବିଷୟରେ ଜାଣିଲେ, ସେଟରେ ହଇଚଇ ସୃଷ୍ଟି ହୋଇଥିଲା ।

ଚର୍ଚ୍ଚାରେ ସ୍ମୃତି ଇରାନୀଙ୍କ ଓଜନ ହ୍ରାସ 

ସ୍ମୃତି ଇରାନୀ ନିକଟରେ ବହୁତ ଓଜନ ହ୍ରାସ କରିଛନ୍ତି । 'କ୍ୟୁକି ସାସ୍ ଭି କଭି ବାହୁ ଥି'ରୁ ଲୋକପ୍ରିୟତା ହାସଲ କରିଥିବା ସ୍ମୃତି ଇରାନୀ ବର୍ତ୍ତମାନ ବହୁତ ପତଳା ହୋଇଯାଇଛନ୍ତି । ତାଙ୍କର ପୂର୍ବର ଓ ବର୍ତ୍ତମାନର ଫଟୋଗୁଡ଼ିକ ଭାଇରାଲ୍ ହେବାରେ ଲାଗିଛି ଏବଂ ପ୍ରଶଂସକମାନେ କମେଣ୍ଟ ସେକଶନରେ ଓଜନ ହ୍ରାସ ଟିପ୍ସ ମାଗିଛନ୍ତି ।