ପଶ୍ଚିମବଙ୍ଗରେ ବିଜେପିର ଖେଳ ବିଗାଡ଼ିବ ଶିବସେନା, 'ଦିଦି'ଙ୍କ ପାଇଁ ସହଜ ହେବ ଲଢ଼େଇ!

କୋଲକାତା: West Bengal Assembly Polls 2021: ଆଉ କିଛି ମାସ ପରେ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ହେବାରେ ଅଛି । ଏଥିପାଇଁ ଜୋରଦାର ପ୍ରସ୍ତୁତିରେ ଲାଗିଛନ୍ତି ସମସ୍ତ ରାଜନୈତିକ ଦଳ । ନିର୍ବାଚନ ପୂର୍ବରୁ ରାଜ୍ୟରେ ବିଜେପି (BJP) ର ଶୀର୍ଷ ନେତୃତ୍ୱଙ୍କ ସକ୍ରିୟତା ରାଜନୈତିକ ପାରା ବଢ଼ାଇଦେଇଛି । ଏହି ବିଧାନସଭା ନିର୍ବାଚନରେ ବିଜେପି ଓ ତୃଣମୂଳ କଂଗ୍ରେସ (TMC) ମଧ୍ୟରେ ଲଢ଼େଇ ଜୋରଦାର ହୋଇପାରେ ବୋଲି ଅନୁମାନ କରାଯାଉଛି । ଏହା ମଧ୍ୟରେ ଶିବସେନା (Shiv Sena) ପଶ୍ଚିମବଙ୍ଗ ବିଧାନସଭା ନିର୍ବାଚନ ଲଢ଼ିବ ବୋଲି ଘୋଷଣା କରିଛି । ରବିବାର ଟ୍ୱିଟ୍ କରି ଶିବସେନା ସାଂସଦ ସଞ୍ଜୟ ରାଉତ (Sanjay Raut) ଏହି ସୂଚନା ଦେଇଛନ୍ତି । ବର୍ତ୍ତମାନ ପ୍ରଶ୍ନ ଉଠୁଛି ଯେ ହିନ୍ଦୁତ୍ୱବାଦୀ ଦଳ ଭାବେ ପରିଚିତ ଶିବସେନା ପଶ୍ଚିମବଙ୍ଗରେ ପ୍ରଭାବ ନଥିବା ସତ୍ତ୍ୱେ କାହିଁକି ନିର୍ବାଚନରେ ଏଣ୍ଟ୍ରି ମାଡିଛି? ଦଳ କ'ଣ ବିଜେପିର ଭୋଟ କାଟିବା ପାଇଁ ଏହି ନିର୍ବାଚନ ଲଢ଼ିବ? ସଞ୍ଜୟ ରାଉତ ନିଜ ଟ୍ୱିଟରେ ଲେଖିଛନ୍ତି, "ଶିବସେନା ମୁଖ୍ୟ ଉଦ୍ଧବ ଠାକରେ (Uddhav Thackeray) ଙ୍କ ସହ ଆଲୋଚନା କରିବା ପରେ ଦଳ ବଙ୍ଗଳା ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବ ବୋଲି ନିଷ୍ପତ୍ତି ନିଆଯାଇଛି । ଆମେ ଶୀଘ୍ର କୋଲକାତାରେ ପହଞ୍ଚୁଛୁ।"

ଅଧିକ ପଢ଼ନ୍ତୁ:-ଏହି ୬ଟି କାରଣରୁ ଏଥର ହାରିପାରନ୍ତି ମମତା ବାନାର୍ଜୀ

ସେପଟେ ମହାରାଷ୍ଟ୍ରରେ ଶିବସେନା, କଂଗ୍ରେସ (Congress) ଏବଂ ଏନସିପି (NCP) ର ମିଳିତ ସରକାର ଚାଲୁଛି । ଏହି ମେଣ୍ଟ ସରକାରରେ ଉଦ୍ଧବ ଠାକରେ ମୁଖ୍ୟମନ୍ତ୍ରୀ (Uddhav Thackeray) ଅଛନ୍ତି । ବେଙ୍ଗଲରେ ଶିବସେନା ସାଧାରଣ ସମ୍ପାଦକ ଅଶୋକ ସରକାର କହିଛନ୍ତି ଯେ, "ଆମ ଦଳ ୨୯୪ଟି ଆସନ ମଧ୍ୟରୁ ଅତି କମରେ ୧୦୦ଟି ଆସନରେ ନିର୍ବାଚନ ଲଢ଼ିବାକୁ ନିଷ୍ପତ୍ତି ନେଇଛି । ଉଦ୍ଧବ ଠାକରେ, ଆଦିତ୍ୟ ଠାକରେ, ଅନିଲ ଦେଶାଇ ଏବଂ ସଞ୍ଜୟ ରାଉତ ବଙ୍ଗଳାକୁ ଆସି ପ୍ରଚାର କରିବେ ।"

ଅଧିକ ପଢ଼ନ୍ତୁ:-ଚିରାଗ ପାସୱାନଙ୍କୁ ବଡ଼ ଝଟକା ଦେଲା ବିଜେପି, ଏଲଜେପିରୁ ଦୁଇ ଡଜନରୁ ଅଧିକ ନେତାଙ୍କ ଇସ୍ତଫା

ସେ ଆହୁରି କହିଛନ୍ତି ଯେ, "ଫେବୃଆରୀ ୧ରେ ବଙ୍ଗଳାର ନେତାଙ୍କ ସହ ଆଲୋଚନା ପାଇଁ ଦିଲ୍ଲୀ ଡକାଯାଇଛି । ମୁଁ ବର୍ତ୍ତମାନ ମାଲଦା ଠାରେ କ୍ୟାମ୍ପ କରୁଛି । ଏଠାରୁ ମୁଁ ଆଲିପୁରଦାର ଏବଂ ଅନ୍ୟ ଉତ୍ତର ବଙ୍ଗ ଜିଲ୍ଲାକୁ ଯାତ୍ରା କରିବି । ଆସନ୍ତା ଦୁଇ ସପ୍ତାହ ମଧ୍ୟରେ ମାଲଦା ଜିଲ୍ଲାରେ ପ୍ରାୟ ୧୨୦୦୦ ବିଜେପି ସମର୍ଥକ ଶିବସେନାରେ  ଯୋଗଦେବେ । ଶିବସେନା କୋଲକାତା, ଉତ୍ତର ୨୪ ପରଗନା, ଦକ୍ଷିଣ ୨୪ ପରଗନା, ଝାରଗ୍ରାମ, ପୁରଲିଆ, ମେଦିନାପୁର, ନଦିଆ, ମାଲଦା, ମୁର୍ସିଦାବାଦ, ଆଲିପୁରଦାର ଏବଂ ଅନ୍ୟାନ୍ୟ ଜିଲ୍ଲାରେ ନିର୍ବାଚନ ଲଢ଼ିବ ।"

ଅଧିକ ପଢ଼ନ୍ତୁ:-LIC ର ଏହି ପଲିସିରେ ନିବେଶ କରି ତୁରନ୍ତ ପାଇପାରିବେ ପ୍ରତି ମାସରେ ୬ ହଜାର ଟଙ୍କା, ଜାଣନ୍ତୁ କେମିତି...

ଅନ୍ୟପଟେ ପଶ୍ଚିମବଙ୍ଗରେ ଶିବସେନା ନିର୍ବାଚନ ଲଢ଼ିବ ବୋଲି ଘୋଷଣା କରିବା ପରେ ବଙ୍ଗଳା ବିଜେପି ଉପାଧ୍ୟକ୍ଷ ଜୟ ପ୍ରକାଶ ମଜୁମଦାର କହିଛନ୍ତି ଯେ ରାଜ୍ୟରେ ଶିବସେନାର କୌଣସି ଉପସ୍ଥିତି ନାହିଁ । ଏହାର ଏକମାତ୍ର ଏଜେଣ୍ଡା ହେଉଛି ବିଜେପି ବିରୋଧରେ ଟିଏମସିକୁ ସାହାଯ୍ୟ କରିବା କିନ୍ତୁ ଏହି ରଣନୀତି କାମ କରିବ ନାହିଁ ।

ଅଧିକ ପଢ଼ନ୍ତୁ:-ଭାଙ୍ଗିଯିବ କି ଶିବରାଜ ସରକାର?

ସୂଚନାଯୋଗ୍ୟ, ଏହା ପୂର୍ବରୁ ଶିବସେନା ବିହାର ବିଧାନସଭା ନିର୍ବାଚନରେ ​​ମଧ୍ୟ ପ୍ରତିଦ୍ୱନ୍ଦ୍ୱିତା କରିଥିଲା । ବିହାର ନିର୍ବାଚନରେ ​​ଶିବସେନା ୨୨ ଜଣ ପ୍ରାର୍ଥୀଙ୍କୁ ମୈଦାନରେ ଓହ୍ଲାଇଥିଲା । ଯେଉଁଥିରୁ ୨୧ ଜଣ ପ୍ରାର୍ଥୀ NOTA ଭୋଟ୍ ଠାରୁ କମ୍ ପାଇଥିଲେ । ସମସ୍ତ ୨୨ ଶିବସେନା ପ୍ରାର୍ଥୀଙ୍କୁ କେବଳ ୨୦,୧୯୫ ଭୋଟ୍ ମିଳିଥିଲା । ଯାହା ମୋଟ ଭୋଟର ୦.୦୫ ପ୍ରତିଶତ ଥିଲା । ସେହିପରି ୨୦୧୫ରେ ବିହାର ବିଧାନସଭା ନିର୍ବାଚନରେ ​​ଶିବସେନା ପ୍ରାର୍ଥୀଙ୍କ ସ୍ଥିତି ଅତ୍ୟନ୍ତ ଶୋଚନୀୟ ଥିଲା । ସେତେବେଳେ ଶିବସେନା ୭୩ ଜଣ ପ୍ରାର୍ଥୀଙ୍କୁ ମୈଦାନରେ ଓହ୍ଲାଇଥିଲା ।