അഹമ്മദാബാദ്: ഗുജറാത്തിലെ ജാംനനഗറില്‍ റിലയന്‍സിന്‍റെ റിഫൈനറിയിലുണ്ടായ തീപിടിത്തത്തില്‍ രണ്ടു പേര്‍ മരിച്ചു. ആറു പേര്‍ക്കു ഗുരുതരമായി പരിക്കേറ്റു.
വ്യാഴാഴ്ച രാവിലെ പെട്രോൾ നിർമ്മാണ യൂനിറ്റിലെ ഫളൂയിഡ് കാറ്റലിറ്റിക് ക്രാക്കിങ് യൂനിറ്റിലാണ്(എഫ്.സി.സി.യു) അപകടമുണ്ടായത്.ഗ്യാസ് ചോര്‍ന്നതാണ് തീപിടിത്തത്തിന് കാരണമായതെന്നാണ് വിവരം. പരിക്കേറ്റവരെ ജാംനനഗറിലെ സര്‍ക്കാര്‍ ആശുപത്രിയില്‍ പ്രവേശിപ്പിച്ചതായി റിലയന്‍സ് അധികൃതര്‍ അറിയിച്ചു.
ദിനംപ്രതി 6,60,000 ബാരൽ പെട്രോൾ സംസ്‌ക്കരിച്ചെടുക്കുന്ന യൂനിറ്റാണിത്. സാങ്കേതിക തരാറുകൾ മൂലം അറ്റകുറ്റപ്പണി നടന്നുവരികയായിരുന്നു. മുകേഷ് അംബാനിയുടെ പേരിൽ രണ്ട് റിഫൈനറിയാണ് ജാംനഗറിൽ പ്രവർത്തിക്കുന്നത്.
