Robin Bus: വീണ്ടും പിഴ...! റോബിനെ വിടാതെ പിന്തുടർന്ന് എം വി ഡി

Robin bus issue: കോയമ്പത്തൂരില്‍നിന്ന് പത്തനംതിട്ടയിലേക്കുള്ള മടക്കയാത്രയ്ക്കിടെ മൈലപ്രയില്‍വെച്ചാണ് എം.വി.ഡി. ഉദ്യോഗസ്ഥര്‍ ബസ് തടഞ്ഞത്.

പത്തനംതിട്ട: 'റോബിന്‍' ബസിനെ വിടാതെ പിന്തുടർന്ന് മോട്ടോര്‍ വാഹനവകുപ്പ്(എം.വി.ഡി). വ്യാഴാഴ്ച പുലര്‍ച്ചെയാണ് എം.വി.ഡി. പെര്‍മിറ്റ് ലംഘനം ചൂണ്ടിക്കാട്ടി ബസ് തടഞ്ഞ് പിഴ ഈടാക്കിയത്. മുന്‍പ് ചുമത്തിയ പിഴയടക്കം 15,000 രൂപയാണ് ഈടാക്കിയത്. 

കോയമ്പത്തൂരില്‍നിന്ന് പത്തനംതിട്ടയിലേക്കുള്ള മടക്കയാത്രയ്ക്കിടെ മൈലപ്രയില്‍വെച്ചാണ് എം.വി.ഡി. ഉദ്യോഗസ്ഥര്‍ ബസ് തടഞ്ഞത്. കഴിഞ്ഞദിവസമാണ് തമിഴ്‌നാട് മോട്ടോര്‍ വാഹനവകുപ്പ് കസ്റ്റഡിയിലെടുത്തിരുന്ന റോബിന്‍ ബസ്   പത്തനംതിട്ട-കോയമ്പത്തൂര്‍ റൂട്ടില്‍ സര്‍വീസ് പുനരാരംഭിച്ചത്. ഇരുസംസ്ഥാനങ്ങളിലും കഴിഞ്ഞദിവസം മോട്ടോര്‍ വാഹനവകുപ്പിന്റെ പരിശോധന ഉണ്ടായിരുന്നില്ല. ബുധനാഴ്ചയിലെ സര്‍വീസിനിടെയും ബസിന് നിരവധിയിടങ്ങളില്‍ ജനങ്ങളുടെ സ്വീകരണം ലഭിച്ചിരുന്നു.