ഇന്ന് ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോലിക്ക് 33-ാം ജന്മദിനം. ജന്മദിനം ആഘോഷിക്കുന്ന കോലിയുടെ ഒരു അതിഗംഭീര ഇന്നിങ്സാണ് ക്രിക്കറ്റ് ആരാധകർ ഇന്ന് സ്കോട്ട്ലാൻഡിനെതിരെയുള്ള മത്സരത്തിൽ നിന്ന് പ്രതീക്ഷിക്കുന്നത്. 2008 ഇന്ത്യൻ ജേഴ്സിയിൽ കളിച്ച് തുടങ്ങിയ കോലി രാജ്യത്തിനായി 254 ഏകദിനങ്ങളും 96 ടെസ്റ്റ് മത്സരങ്ങളും 92 ടി20 മത്സരങ്ങളും കളിച്ചിട്ടുണ്ട്. അറിയാം ആ നീണ്ട കരിയറിലെ കോലിയുടെ മികച്ച നേട്ടങ്ങൾ ഏതൊക്കെയാണെന്ന്
വിരാട് കോലി 57 മത്സരങ്ങളിൽ നിന്ന് മാൻ ഓഫ് ദി മാച്ച് പുരസ്കാരം നേടിട്ടുണ്ട്. ചരിത്രത്തിൽ താരത്തിന്റെ സ്ഥാനം മൂന്നാമതാണ്.
ഒരു കലണ്ടർ വർഷത്തിൽ 2,000ത്തിൽ അധികം നേടുന്ന വളരെ വിരളമുള്ള താരങ്ങളിൽ ഒരാളാണ്. ഒരു വർഷത്തിൽ ഏറ്റവും കൂടുതൽ റൺസെടുത്ത താരങ്ങളിൽ കോലിക്ക് മുകളിലായി മുൻ ശ്രീലങ്കൻ താരം കുമാർ സംഗക്കാരയും മുൻ ഓസ്ട്രേലയൻ ക്യാപ്റ്റൻ റിക്ക് പോണ്ടിങുമാണുള്ളത്.
ഓസ്ട്രേലിയക്കെതിരെ 15 സെഞ്ചുറികൾ നേടിയ താരമാണ് കോലി. ഒരു ടീമിനെതിരെ ഇത്രയധികം സെഞ്ചുറി നേടിട്ടുള്ള നാലാമത്തെ താരമാണ് കോലി
സച്ചിൻ തെൻഡുൽക്കർക്കും റിക്ക് പോണ്ടിങിന് ശേഷം ഏറ്റവും കൂടുതൽ സെഞ്ചുറികൾ സ്വന്തമാക്കിയ താരമാണ് കോലി
അന്തരാഷ്ട്ര ക്രിക്കറ്റിൽ 23,150 റൺസ് നേടിയ ഏഴാമത്തെ താരം
