വീട്ടിൽ ഔഷധ സസ്യങ്ങൾ വളർത്താം. പനിക്കൂർക്ക, തുളസിയില, മഞ്ഞൾ, ആര്യവേപ്പ് എന്നിവ എളുപ്പത്തിൽ വീട്ടിൽ വളർത്താവുന്ന ഔഷധ സസ്യങ്ങളാണ്.
പനി, ചുമ, കഫക്കെട്ട് എന്നിവയ്ക്ക് തുളസിയില ഇട്ട് തിളപ്പിച്ച വെള്ളം കുടിക്കുന്നത് നല്ലതാണ്. തുളിസിയില ഇട്ട് വെള്ളം തിളപ്പിച്ച് ആവി പിടിക്കുന്നത് ജലദോഷം മാറാൻ സഹായിക്കും.
പനി, ജലദോഷം എന്നിവയ്ക്ക് പനിക്കൂർക്കയുടെ നീര് നെറ്റിയിൽ പുരട്ടുന്നതും കഴിക്കുന്നതും നല്ലതാണ്. വീട്ടിൽ എളുപ്പത്തിൽ വളർത്താവുന്ന ഒരു ഔഷധ സസ്യമാണിത്.
ത്വക്ക് രോഗങ്ങൾക്ക് ഒരു മികച്ച പ്രതിവിധിയാണ് ആര്യവേപ്പ്. അണുബാധ ഉണ്ടാകാതിരിക്കുന്നതിന് മുറിവിൽ ആര്യവേപ്പ് അരച്ച് പുരട്ടാം. മുഖക്കുരു മൂലമുള്ള പാടുകൾ മായ്ക്കുന്നതിനും മുടി നന്നായി വളരുന്നതിനും ആര്യവേപ്പ് ഉപയോഗിക്കുന്നത് ഗുണം ചെയ്യും.
ഉദരസംബന്ധമായ പ്രശ്നങ്ങൾക്ക് മഞ്ഞൾ വളരെ നല്ലതാണ്. അണുക്കളെ നശിപ്പിക്കാനും ഭക്ഷ്യ വസ്തുക്കളിലെ വിഷമാലിന്യങ്ങൾ നീക്കം ചെയ്യാനും മഞ്ഞൾ മികച്ചതാണ്.
