ബലന്‍ ഡി ഓര്‍ സാധ്യത പട്ടികയിലെ ആദ്യ മൂന്ന് സ്ഥാനങ്ങളില്‍ നിന്ന് മെസി പുറത്ത്

സൂറിച്ച്: ബലന്‍ ഡി ഓര്‍ സാധ്യത പട്ടികയിലെ ആദ്യ മൂന്ന് സ്ഥാനങ്ങളില്‍ നിന്ന് മെസി പുറത്ത്. ലോകകപ്പിലെ മോശം പ്രകടനത്തെ തുടര്‍ന്നാണ് മെസി പുറത്തായത്. 

ലോകകപ്പിന് തൊട്ട് മുന്‍പ് ക്രിസ്റ്റ്യാനോ റൊണാള്‍ഡോ, മെസി, മുഹമ്മദ് സലാ എന്നിവരാണ് ആദ്യ മൂന്നിലുണ്ടായിരുന്നത്. എന്നാല്‍ ലോകകപ്പിന് ശേഷവും ക്രിസ്റ്റ്യാനോ സ്ഥാനം നിലനിര്‍ത്തി. ലൂക്കാ മോഡ്രിച്ച്, കിലിയന്‍ എംബാപ്പെ എന്നിവര്‍ ആദ്യ മൂന്നിലേക്ക് കയറി.

ലോകകപ്പിലെ തകര്‍പ്പന്‍ പ്രകടനമാണ് എംബാപ്പെയേയും മോഡ്രിച്ചിനേയും മെസിയെ പിന്തള്ളാന്‍ സഹായിച്ചത്. ക്രിസ്റ്റ്യാനോ പട്ടികയില്‍ ഒന്നാമതാണ്. മോഡ്രിച്ചും എംബാപ്പെയും യഥാക്രമം രണ്ടും മൂന്നും സ്ഥാനങ്ങളിലുണ്ട്. മെസി നാലാമതാണ്. അവസാനഘട്ടത്തിലേക്ക് ആദ്യ മൂന്ന് സ്ഥാനക്കാരെയാണ് പരിഗണിക്കുക. 

ആദ്യ മൂന്നില്‍ തിരിച്ചെത്താന്‍ മെസിക്ക് ഇനിയും സമയമുണ്ട്. സീസണില്‍ മികച്ച തുടക്കവും സ്പാനിഷ് കോപ്പയും നേടിയാല്‍ മെസിക്ക് ആദ്യ മൂന്നില്‍ തിരിച്ചെത്താം.