കാലിഫോര്ണിയ: അമേരിക്കയിലെ വടക്കൻ കാലിഫോർണിയയിലുള്ള യൂട്യൂബ് ആസ്ഥാനത്ത് വനിതാ അക്രമി നടത്തിയ വെടിവയ്പിൽ നാല് പേർക്ക് പരിക്കേറ്റു. അമേരിക്കൻ സമയം ഉച്ചക്ക് 12.45നാണ് സംഭവം. പരിക്കേറ്റവരെ സാന്ഫ്രാന്സിസ്കോയിലെ ആശുപത്രിയില് പ്രവേശിപ്പിച്ചു. ഇതില് ഒരാളുടെ നില ഗുരുതരമാണെന്നാണ് റിപ്പോര്ട്ട്.
കൈത്തോക്കുമായെത്തിയ സ്ത്രീ വെടിയുതിര്ക്കുകയായിരുന്നു. പിന്നീട് കെട്ടിടത്തിനുള്ളിലേക്ക് ഓടിക്കയറിയ സ്ത്രീയെ പിന്നീട് മരിച്ച നിലയില് കണ്ടെത്തുകയായിരുന്നു. സ്ത്രീയെ ആക്രമണത്തിന് പ്രേരിപ്പിച്ചത് എന്താണെന്ന് വ്യക്തമായിട്ടില്ല. 30 വയസ് പ്രായമുള്ള സ്ത്രീയാണ് വെടിവയ്പ് നടത്തിയത്. ഇവരെക്കുറിച്ചുള്ള വിവരങ്ങള് ഒന്നും തന്നെ പൊലീസിന് ഇതുവരെ ലഭിച്ചിട്ടില്ല.
1,700 ജീവനക്കാരാണ് യൂട്യൂബ് ആസ്ഥാനത്ത് ജോലിചെയ്യുന്നത്. സംഭവത്തെ തുടര്ന്ന് എല്ലാവരെയും ഒഴിപ്പിച്ചു. പോലീസ് നടപടികള് തുടരുകയാണ്.
സംഭവത്തില് യു.എസ് പ്രസിഡന്റ് ഡൊണാള്ഡ് ട്രംപ് ദുഖം രേഖപ്പെടുത്തി.
Was just briefed on the shooting at YouTube’s HQ in San Bruno, California. Our thoughts and prayers are with everybody involved. Thank you to our phenomenal Law Enforcement Officers and First Responders that are currently on the scene.
— Donald J. Trump (@realDonaldTrump) April 3, 2018