ICU ରେ ଗାୟକ Bappi Lahiri

ନୂଆଦିଲ୍ଲୀ: ସଙ୍ଗୀତକାର-ଗାୟକ ବାପି ଲେହରିଙ୍କୁ କୋଭିଡ -19 ପଜିଟିଭ୍ ଭାବେ ଚିହ୍ନଟ ହେବା ପରେ ଡାକ୍ତରଖାନାରେ ଭର୍ତ୍ତି କରାଯାଇଛି। ସେ ବର୍ତ୍ତମାନ ଆଇସିୟୁ (ICU) ରେ ଅଛନ୍ତି। ବର୍ତ୍ତମାନ ତାଙ୍କ ଅବସ୍ଥା ସ୍ଥିର ଥିବା କୁହାଯାଉଛି। ତାଙ୍କ ଝିଅ ରିମା ଲେହରି ବନସାଲ ଗୁରୁବାର ଦିନ ଏହା ସ୍ପଷ୍ଟ କରିଛନ୍ତି ।

ରିମା ଲେହରି (Reema Lahiri)  ଏକ ବିବୃତ୍ତି ଜାରି କରିଛନ୍ତି ଯେଉଁଥିରେ ସେ କହିଛନ୍ତି, ବାପି ଦା ବହୁତ ସତର୍କ ରହୁନ୍ତି କିନ୍ତୁ ତାଙ୍କ ଠାରେ କୋରୋନା ଭାଇରସର ସାମାନ୍ୟ ଲକ୍ଷଣ ରହିଛି । ଡକ୍ଟର ଉଡବାଡିଆଙ୍କ ତତ୍ତ୍ୱାବଧାନରେ ତାଙ୍କୁ ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଛି। ଚିକିତ୍ସା ଜାରି ରହିଥିବା ବେଳେ ତାଙ୍କର ଶୀଘ୍ର ସୁସ୍ଥତା କାମନା କରିଛନ୍ତି । ତାଙ୍କ ସୁସ୍ଥତା ଓ ଦୀର୍ଘ ଜୀବନ ପାଇଁ ସମର୍ଥକ ଓ ଫ୍ୟାନ୍ସ ମାନଙ୍କ ସହାୟତା ଲୋଡ଼ିଛନ୍ତି ।

Also Read: Multiple Myeloma Blood କ୍ୟାନସରରେ ପୀଡ଼ିତ ଅଭିନେତ୍ରୀ ତଥା ସାଂସଦ କିରଣ ଖେର

ବାପି ଲେହରି (Bappi Lahiri) , ମୁଖ୍ୟତଃ Bollywood ବଲିଉଡ ଜଗତର ଡିସ୍କୋ ରାଜା ଭାବରେ ବେଶ ପରିଚିତ।  ଯିଏ ଅଶୀ ଦଶକ ଏବଂ ନବେ ଦଶକର ହିନ୍ଦୀ ଚଳଚ୍ଚିତ୍ରରେ ସଙ୍ଗୀତର ଡିସ୍କୋ ଧାରା ପାଇଁ ମୂଳଦୁଆ ପକାଇଥିଲେ । ସଙ୍ଗୀତକାର ଭାବରେ ବାପି ଲେହରିଙ୍କ ସବୁଠାରୁ ବଡ ହିଟ୍ ହେଉଛି 'ଡିସକୋ ଡାନ୍ସର୍ (Disco Dancer) ', 'ନମକ୍ ହହାଲ୍', 'ଡ୍ୟାନ୍ସ ଡ୍ୟାନ୍ସ', 'ଶରାବି', 'ସାହେବ', 'ହିମତୱାଲା', 'ବାରଦାତ୍' ଏବଂ 'ଚଲତେ ଚଲତେ' ଭଳି ଚଳଚ୍ଚିତ୍ର ପାଇଁ ସାଉଣ୍ଡଟ୍ରାକ୍ ଦେଇଛନ୍ତି।  ବଲିଉଡ ଫିଲ୍ମ 'ଡାର୍ଟି ପିକଚର ' (Dirty Picture) ରୁ ବ୍ଲକବଷ୍ଟର ଗୀତ'  ଉ ଲାଲା ଉ ଲା ଲା 'ସହିତ ଗାୟକ ଭାବରେ ପୁଣିଥରେ ନିଜର ଜଲୱା ଦେଖାଇଥିଲେ।