ଏହି ଦିନ ଖୋଲିବ ତାଜମହଲ ସହିତ ପର୍ଯ୍ୟଟନ ସ୍ଥାନ

ନୂଆଦିଲ୍ଲୀ: ସମଗ୍ର ବିଶ୍ୱରେ କୋରୋନା ମହାମାରୀର ରୂପ ନେଇଛି | ଫଳରେ ସମ୍ପୂର୍ଣ୍ଣ ବିଶ୍ୱ ବିପର୍ଯ୍ୟସ୍ତ ହୋଇ ପଡ଼ିଛି। ଦେଶରେ ମଧ୍ୟ କୋରୋନା ସମ୍ପର୍କିତ ମାମସା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏହି ସମୟ ମଧ୍ୟରେ ଜରୁରୀ କାର୍ଯ୍ୟ ଥିଲେ ହିଁ ବାହାରକୁ ଆସିବାକୁ କହିଛନ୍ତି। ତେବେ ଜୁଲାଇ ୧ ତାରିଖ ଠାରୁ ଦେଶରେ ଅନଲକ-୧ ଆରମ୍ଭ ହୋଇଛି। ଏହି ସମୟରେ କେନ୍ଦ୍ର ସରକାର ଦେଶର ସମସ୍ତ ପର୍ଯ୍ୟଟନସ୍ଥଳୀ ଖୋଲିବାକୁ ନିଷ୍ପତ୍ତି ନେଇଛନ୍ତି। ଆଗ୍ରାରେ ପର୍ଯ୍ୟଟନ ଶିଳ୍ପ ସହିତ ଜଡିତ ଲୋକମାନେ କେନ୍ଦ୍ର ସଂସ୍କୃତି ମନ୍ତ୍ରଣାଳୟର ତାଜମହଲ ଏବଂ ଅନ୍ୟାନ୍ୟ ASI ସଂରକ୍ଷିତ ସ୍ମାରକୀକୁ ଜୁଲାଇ ୬ରୁ ଖୋଲିବା ନିଷ୍ପତ୍ତିକୁ ସ୍ୱାଗତ କରିଛନ୍ତି |

ପର୍ଯ୍ୟଟନ ଶିଳ୍ପ ପ୍ରସ୍ତୁତି ଆରମ୍ଭ କରିଥିବାବେଳେ କିଛି ଲୋକ ସନ୍ଦେହ ପ୍ରକଟ କରିଛନ୍ତି ଏବଂ କୋଭିଡ-19 ସଂକ୍ରମଣର ବିସ୍ତାର ଏପର୍ଯ୍ୟନ୍ତ କାର୍ଯ୍ୟକାରୀ ହୋଇ ନ ଥିବାରୁ କିଛି ସ୍ୱାସ୍ଥ୍ୟ କର୍ମୀ ଆଶ୍ଚର୍ଯ୍ୟ ପ୍ରକଟ କରିଛନ୍ତି। କେନ୍ଦ୍ର ସଂସ୍କୃତି ମନ୍ତ୍ରୀ ପ୍ରହ୍ଲାଦ ସିଂ ଗୁରୁବାର ଟ୍ୱିଟ କରି କହିଛନ୍ତି ଯେ ଆବଶ୍ୟକୀୟ ସତର୍କତା ଏବଂ ସମ୍ପୂର୍ଣ୍ଣ ସୁରକ୍ଷା ବ୍ୟବସ୍ଥା ସହିତ ASI ସ୍ମାରକୀ ଖୋଲାଯାଇପାରିବ |

କୋରୋନାରେ ପ୍ରଭାବିତ ପର୍ଯ୍ୟଟନକୁ ତ୍ୱରାନ୍ୱିତ କରିବା ପାଇଁ ସ୍ଥାନୀୟ ହୋଟେଲମାନେ ଆଗ୍ରାକୁ ବିମାନ ଚଳାଚଳ, ଆନ୍ତର୍ଜାତୀୟ ବିମାନ ଉଡ଼ାଣ ଏବଂ ଦେଶର ଗୁରୁତ୍ୱପୂର୍ଣ୍ଣ ଗନ୍ତବ୍ୟସ୍ଥଳ ସହିତ ଆଗ୍ରାକୁ ସଂଯୋଗ କରିବାକୁ ଦାବି କରିଛନ୍ତି। ପର୍ଯ୍ୟଟନ ଋତୁ ସାଧାରଣତଃ ସେପ୍ଟେମ୍ବରର ଶେଷ ସପ୍ତାହରୁ ଆରମ୍ଭ ହୋଇଥାଏ |

Add Zee News as a Preferred Source

ସମ୍ପ୍ରତି ସମସ୍ତ ପ୍ରମୁଖ ହୋଟେଲଗୁଡ଼ିକର ରକ୍ଷଣାବେକ୍ଷଣ ଏବଂ ମରାମତି କାର୍ଯ୍ୟ ଚାଲିଛି | ଆନ୍ତର୍ଜାତୀୟ ଆବଶ୍ୟକତା ପୂରଣ ପାଇଁ ପରିମଳ ମାନର ନବୀକରଣ ଉପରେ ଗୁରୁତ୍ୱ ଦିଆଯାଉଛି।

ପର୍ଯ୍ୟଟନ ଶିଳ୍ପ ସହିତ ଜଡିତ ଅଖିଲେଶ ଦୁବେ କହିଛନ୍ତି, "ଯଦି ସେମାନେ SOP ଫ୍ରେମ୍ କରନ୍ତି, ପରିଦର୍ଶକଙ୍କ ସଂଖ୍ୟା ଠିକ୍ କରନ୍ତି ତେବେ ଏହା ବିପଦଜନକ ହେବ ନାହିଁ। ବିମାନବନ୍ଦର, ମଲ୍, ହୋଟେଲ ଖୋଲିପାରିବ। ତେଣୁ ସ୍ମାରକୀ କାହିଁକି ନୁହେଁ। ଘରୋଇ ପରିଦର୍ଶକଙ୍କ ପାଇଁ ଆଗ୍ରା ପସନ୍ଦର ସ୍ଥାନ ଭାବେ ପରିତିଚ। ସପ୍ତାହ ଶେଷରେ ପର୍ଯ୍ୟଟକମାନେ ଶତାଧିକ ସଂଖ୍ୟାରେ ବୁଲିବାକୁ ଆସିଥାନ୍ତି। ଲୋକମାନେ ଟ୍ୟାକ୍ସି ଏବଂ ବେସରକାରୀ କାର୍ ଯୋଗେ ଆଗ୍ରାକୁ ଆସନ୍ତି। 

ବାର୍ଷିକ ୭୦ ଲକ୍ଷରୁ ଅଧିକ ପର୍ଯ୍ୟଟକ ତାଜମହଲ ପରିଦର୍ଶନ କରନ୍ତି। ୧୫ ବର୍ଷରୁ କମ୍ ପିଲାମାନଙ୍କ ପାଇଁ ପ୍ରବେଶ ମାଗଣା | ପ୍ରତ୍ନତାତ୍ତ୍ୱିକ ସର୍ଭେ ଅଫ୍ ଇଣ୍ଡିଆ (ASI) ଦୈନିକ କେବଳ ୫ ହଜାର ପର୍ଯ୍ୟଟକଙ୍କୁ ତାଜମହଲ ପରିଦର୍ଶନ କରିବାକୁ ଅନୁମତି ଦେଇଛି। ପୂର୍ବାହ୍ଣ ଓ ଅପରାହ୍ଣରେ ଦିନର ଦୁଇଟି ପର୍ଯ୍ୟାୟରେ ୨୫୦୦ ପର୍ଯ୍ୟଟକଙ୍କୁ ଅନୁମତି ଦେବାକୁ ନିଷ୍ପତ୍ତି ନିଆଯାଇଛି। ମାସ୍କ ଏବଂ ସାମାଜିକ ଦୂରତା ବାଧ୍ୟତାମୂଳକ ହେବ | କୌଣସି ଗୋଷ୍ଠୀଗତ ଫଟୋଗ୍ରାଫ୍ ପାଇଁ ଅନୁମତି ଦିଆଯିବ ନାହିଁ | କଣ୍ଟେନମେଣ୍ଟ ଜୋନରେ ସ୍ମାରକୀଗୁଡିକ ବନ୍ଦ ରହିବ |

କୋରୋନା ମାମଲା ଦିନକୁ ଦିନ ବୃଦ୍ଧି ପାଇବା ହେତୁ ମାର୍ଚ୍ଚ ମାସ ଶେଷରୁ ହିଁ ସ୍ମାରକୀ ବନ୍ଦ ରହିଛି। କେବଳ ଏହି ସ୍ମାରକୀ ନୁହେଁ, ଦେଶର ସମସ୍ତ ସ୍ମରକୀ, ପର୍ଯ୍ୟଟନ ସ୍ଥଳ ଗୁଡ଼ିକ ବନ୍ଦ ରହିଥିଲା। ତେବେ ଏହି ସ୍ଥାନ ଗୁଡ଼ିକ ଆସନ୍ତା ୬ ତାରିଖରୁ ଖୋଲିବାକୁ ସରକାର ନିଷ୍ପତ୍ତି ନେଇଥିବା ସୂଚନା ରହିଛି।