Chandra Grahan 2025: ନୂଆ ବର୍ଷରେ ଏହି ଦିନ ଚନ୍ଦ୍ରଗ୍ରହଣ, ଜାଣନ୍ତୁ ତାରିଖ ସହ ସମୟ

2025 ର ଚନ୍ଦ୍ରଗ୍ରହଣ କେବେ ଘଟିବ?

ଜ୍ୟୋତିଷ ଶାସ୍ତ୍ର ଅନୁଯାୟୀ, 2025 ବର୍ଷର ପ୍ରଥମ ଚନ୍ଦ୍ରଗ୍ରହଣ ଫାଲଗୁଣ ମାସର ପୂର୍ଣ୍ଣିମା ତିଥିରେ ପଡିବ । 2025 ମସିହା ଫାଲଗୁଣ ମାସର ପୂର୍ଣ୍ଣିମା ତିଥି 14 ମାର୍ଚ୍ଚରେ ପଡୁଛି । ଏଥି ସହିତ, ନୂଆ ବର୍ଷରେ ପଡୁଥିବା ଏହି ଚନ୍ଦ୍ରଗ୍ରହଣ ଭାରତରେ ଦୃଶ୍ୟମାନ ହେବ ନାହିଁ । ଏହି କାରଣରୁ ଏହି ଚନ୍ଦ୍ରଗ୍ରହଣର ସୂତାକ ଅବଧି ମଧ୍ୟ ଭାରତରେ ବୈଧ ହେବ ନାହିଁ।

କେଉଁ ଦେଶରେ ଚନ୍ଦ୍ରଗ୍ରହଣ ଦୃଶ୍ୟମାନ ହେବ

ଜ୍ୟୋତିଷ ଶାସ୍ତ୍ର ଅନୁଯାୟୀ, ଚନ୍ଦ୍ରଗ୍ରହଣ ମାର୍ଚ୍ଚ 14 ସକାଳ 9:29 ରୁ ଆରମ୍ଭ ହୋଇ ଅପରାହ୍ନ 3:29 ପର୍ଯ୍ୟନ୍ତ ଚାଲିବ। ଏହା ଅଷ୍ଟ୍ରେଲିଆ, ଉତ୍ତର ଆମେରିକା, ଦକ୍ଷିଣ ଆମେରିକା, ୟୁରୋପ, ଆଟଲାଣ୍ଟିକ୍ ମହାସାଗର ଏବଂ ଏସିଆର କିଛି ଅଂଶରେ ଦୃଶ୍ୟମାନ ହେବ।

କେଉଁ ଜିନିଷଗୁଡିକ ମନେ ରଖିବା ଉଚିତ

ଜ୍ୟୋତିଷଙ୍କ ଅନୁଯାୟୀ, ଚନ୍ଦ୍ରଗ୍ରହଣ ସମୟରେ ରାହୁଙ୍କ ପ୍ରଭାବ ପୃଥିବୀ ଉପରେ ଥାଏ । ଏପରି ପରିସ୍ଥିତିରେ ରୋଷେଇ ଏବଂ ଖାଦ୍ୟ ଗ୍ରହଣ କରିବାକୁ ବାରଣ କରାଯାଇଥାଏ । କିନ୍ତୁ ଗର୍ଭବତୀ ମହିଳା, ଶିଶୁ ଏବଂ ରୋଗୀମାନେ ଆବଶ୍ୟକ ହେଲେ ଖାଦ୍ୟ ଗ୍ରହମ କରିପାରନ୍ତି।

ଚନ୍ଦ୍ରଗ୍ରହଣ ସମୟରେ ଦେବାଦେବୀଙ୍କ ମୂର୍ତ୍ତି ଛୁଇଁବା କିମ୍ୱା ପୂଜା କରିବା ଉଚିତ୍ ନୁହେଁ। 

ଚନ୍ଦ୍ରଗ୍ରହଣ ସମୟରେ ଆପଣଙ୍କ ଆରାଧ୍ୟ ଦେବାଦେବୀଙ୍କ ନାମ ଜପ କରିବା ଉଚିତ୍ ।

ଚନ୍ଦ୍ରଗ୍ରହଣ ସମୟରେ ଶୋଇବା ମଧ୍ୟ ନିଷେଧ । ଏଥିସହ ଏହି ସମୟରେ କଇଞ୍ଚି, ଛୁଞ୍ଚି ଏବଂ ଛୁରୀ ପରି ତୀକ୍ଷ୍ଣ ଜିନିଷ ବ୍ୟବହାର କରିବା ଉଚିତ୍ ନୁହେଁ ।