ଏହା ଏପରି ଏକ ଅଦ୍ଭୁତ ମନ୍ଦିର, ଯେଉଁଠାରେ ରାତିରେ ଅଟକି ଯାଉଥିବା ଭକ୍ତ ହୋଇଯାନ୍ତି ପଥର!

ଏହି ରହସ୍ୟମୟ ମନ୍ଦିର ରାଜସ୍ଥାନର (Rajasthan) ବାରମର୍ (Barmer) ଜିଲ୍ଲାରେ ଅଛି । ଏହି ମନ୍ଦିରକୁ 'କିରାଡୁ ମନ୍ଦିର' (Kiradu Temple) ମଧ୍ୟ କୁହାଯାଏ । କୁହାଯାଏ ଯେ ଖ୍ରୀଷ୍ଟପୂର୍ବ ୧୧୬୧ ମସିହାରେ ଏହି ସ୍ଥାନର ନାମ 'କିରାଟ କୁପ' ଥିଲା । ରାଜସ୍ଥାନରେ ଥାଇ ମଧ୍ୟ ଏହି ମନ୍ଦିର ଦକ୍ଷିଣ ଭାରତୀୟ ଶୈଳୀରେ ନିର୍ମିତ ହୋଇଥିଲା । ଲୋକମାନେ ଏହି ମନ୍ଦିରକୁ ରାଜସ୍ଥାନର ଖଜୁରାହୋ ବୋଲି ମଧ୍ୟ କହିଥାନ୍ତି ।

ଏହା ପାଞ୍ଚଟି ମନ୍ଦିରର ଏକ ସମାହାର । ଏଠାରେ ଥିବା ଅଧିକାଂଶ ମନ୍ଦିର ବର୍ତ୍ତମାନ ଧ୍ୱଂସାବଶେଷରେ ଅଛି । ଶିବ ମନ୍ଦିର ଓ ବିଷ୍ଣୁ ମନ୍ଦିରର ଅବସ୍ଥା ଭଲ ଥିବାବେଳେ ଏହି ମନ୍ଦିର କିଏ ନିର୍ମାଣ କଲା? ଏ ବିଷୟରେ ଅଧିକ ସୂଚନା ଉପଲବ୍ଧ ନାହିଁ । ତଥାପି, ମନ୍ଦିର ନିର୍ମାଣ ସମ୍ବନ୍ଧରେ ଲୋକମାନଙ୍କର ନିଜ ନିଜର ମାନ୍ୟତା ରଖିଛନ୍ତି ।

କୁହାଯାଏ ଯେ ଏହି ମନ୍ଦିରରେ ଏକଦା ଏପରି ଘଟଣା ଘଟିଥିଲା ଯେ ଯାହାର ଭୟ ଆଜି ମଧ୍ୟ ଲୋକଙ୍କ ମଧ୍ୟରେ ରହିଛି । କୁହାଯାଏ ଯେ ବହୁ ବର୍ଷ ପୂର୍ବେ ଜଣେ ସାଧୁ ନିଜ ଶିଷ୍ୟମାନଙ୍କ ସହିତ ଏହି ମନ୍ଦିରରେ ପହଞ୍ଚିଥିଲେ । ଦିନେ ସେ ଶିଷ୍ୟମାନଙ୍କୁ ମନ୍ଦିରରେ ଛାଡି ନିଜେ ବୁଲିବାକୁ ଗଲେ । ଏହି ସମୟରେ ହଠାତ୍ ଜଣେ ଶିଷ୍ୟଙ୍କ ସ୍ୱାସ୍ଥ୍ୟ ଖରାପ ହୋଇଗଲା । ସାଧୁଙ୍କର ଅନ୍ୟ ଶିଷ୍ୟମାନେ ଗ୍ରାମବାସୀଙ୍କ ସାହାଯ୍ୟ ଲୋଡିଥିଲେ, କିନ୍ତୁ ସେମାନଙ୍କୁ କେହି ସାହାଯ୍ୟ କରିନଥିଲେ । ଯେତେବେଳେ ସାଧୁ ଏହା ଜାଣିଥିଲେ ସେ କ୍ରୋଧିତ ହୋଇ ଗ୍ରାମବାସୀଙ୍କୁ ଅଭିଶାପ ଦେଇଥିଲେ ଯେ ସନ୍ଧ୍ୟା ପରେ ସମସ୍ତେ ପଥରରେ ପରିଣତ ହେବେ ।

ଲୋକକଥା ଅନୁଯାୟୀ, ଜଣେ ମହିଳା ମାଙ୍କ ଶିଷ୍ୟମାନଙ୍କୁ ସାହାଯ୍ୟ କରିଥିଲେ । ସାଧୁ ଏଥିରେ ସନ୍ତୁଷ୍ଟ ହୋଇ ମହିଳାଙ୍କୁ କହିଥିଲେ ଯେ ସେ ସନ୍ଧ୍ୟା ପୂର୍ବରୁ ଗାଁ ଛାଡି ଚାଲି ଯାଆନ୍ତୁ ଓ ପଛକୁ ନ ବୋଲି ଦେଖିବା ଉଚିତ୍ । ଯେତେବେଳେ ମହିଳା ଜଣକ ଯାଉଥିଲେ, ସେ କୌତୁହଳ ପୂର୍ବକ ପଛକୁ ଚାହିଁ ଦେଇଥିଲେ । ଯେଉଁଥିପାଇଁ ସେ ମଧ୍ୟ ପଥରରେ ପରିଣତ ହୋଇଥିଲେ ।

ସେହି ମହିଳାଙ୍କ ମୂର୍ତ୍ତି ଏବେ ମଧ୍ୟ ମନ୍ଦିର ନିକଟରେ ସ୍ଥାପିତ ହୋଇଛି । ଏହି ଅଭିଶାପ ଯୋଗୁଁ ନିକଟସ୍ଥ ଗାଁର ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା । ଯେଉଁଥିପାଇଁ ଆଜି ବି ଲୋକଙ୍କ ମଧ୍ୟରେ ଏକ ବିଶ୍ୱାସ ଅଛି ଯେ ଯିଏ ସନ୍ଧ୍ୟାରେ ଏହି ମନ୍ଦିରରେ ପାଦ ରଖେ କିମ୍ବା ରହେ ସେ ମଧ୍ୟ ପଥରରେ ପରିଣତ ହେବ । ଏହି କାରଣରୁ ସନ୍ଧ୍ୟା ପରେ କେହି ଏହି ମନ୍ଦିରରେ ରହିବାକୁ ସାହସ କରନ୍ତି ନାହିଁ ।