Trending Photos
5
12
5
5 "SOCIAL MEDIA")
Benefits of omm chanting:
ଆଧୁନିକ ଜୀବନଶୈଳୀ ପାଇଁ ମାନସିକ ଚାପ ବୃଦ୍ଧି ପାଇଛି । ପେଶାଦାର ଓ ପାରିବାରିକ ଚାପ କାରଣରୁ ଜୀବନ ଅସ୍ତବ୍ୟସ୍ତ ହୋଇପଡିଛି । ବିଭିନ୍ନ ସମୟରେ କରାଯାଇଥିବା ସର୍ବେକ୍ଷଣ ଅନୁସାରେ ଦେଶରେ ଅବସାଦ ଜନିତ ଆତ୍ମହତ୍ୟାର ମାମଲା ବଢିବାରେ ଲାଗିଛି । ଚାପଗ୍ରସ୍ତ ଜୀବନ ହିଁ ପରବର୍ତ୍ତି କାଳରେ ଅବସାଦର କାରଣ ହୋଇଥାଏ । ଏକାନ୍ନବତୀ ପରିବାର ବା ବଡ଼ ପରିବାରର ଅବଧାରଣ ଧିରେ ଧିରେ ଲୋପ ପାଇଁ ଛୋଟ ପରିବାର ବଢିବାରେ ଲାଗିଛି । ପୂର୍ବରୁ ଏକାନ୍ନବତୀ ପରିବାରରେ ଜଣେ ସଦସ୍ୟ ନିଜ ଚିନ୍ତା ବା ସମସ୍ୟାକୁ ପରିବାରର ଅନ୍ୟ ସଦସ୍ୟଙ୍କ ସହିତ ବାଣ୍ଟି ପାରୁଥିଲେ । ବର୍ତ୍ତମାନ ପରିବାର ଛୋଟ ହୋଇଯିବା ସହିତ କାହା ସହିତ ନିଜ ସମସ୍ୟା ବାଣ୍ଟିବାର ସୁଯୋଗ ନାହିଁ । ଏଭଳି ପରିସ୍ଥିତିରେ ମାନସିକ ଚାପ ଓ ଅବସାଦରୁ ବଂଚିବାର ଉପାୟ ହେଉଛି ଧ୍ୟାନ । ଚାପରୁ ମୁକ୍ତି ପାଇବାର ଭଲ ରାସ୍ତା ହେଉଛି ଓମ୍ ଜପ । ତେବେ କେମିତି ଜପିବେ ଓମ୍ ? ଏହା ଏକ ବଡ଼ ପ୍ରଶ୍ନ । ଆସନ୍ତୁ ଜାଣିବା କେମିତି ଓମ୍ ଜପ ଚାପରୁ ମୁକ୍ତି ଦେଇଥାଏ ଓ ଏହି ମନ୍ତ୍ରକୁ ଆପଣ କେମିତି ଜପିବେ ।
ଓମ’ଜପିବାର ସଠିକ ପଦ୍ଧତି
• ନିଜ ପିଠି ଏବଂ ବେକକୁ ସିଧାକରି ବସନ୍ତୁ, ଆଖି ବନ୍ଦ କରି ଦୀର୍ଘ ଓ ଗଭୀର ନିଶ୍ୱାସ ନିଅନ୍ତୁ
• ତାପରେ ନିଶ୍ୱାସ ଛାଡିବା ସହିତ ଓମ୍ ଶବ୍ଦ ଜପ କରନ୍ତୁ ।
• ଏଥିପାଇଁ ପ୍ରଥମେ ପାଟିକୁ ପୁରା ଖୋଲନ୍ତୁ ଓ ଯେଉଁ ଶବ୍ଦ ଆସିବ ତାହାର ଧ୍ୱନୀ 'ଅ' ହେବ ।
• ତା’ପରେ ପାଟି ଏବଂ ଓଠକୁ ଗୋଲାକାର କରନ୍ତୁ, ‘ଅ’ ର ଶବ୍ଦ ‘ଉ’ ରେ ପରିବର୍ତ୍ତିତ ହେବ ।
• ତା’ପରେ ପାଟି ବନ୍ଦ କରି ଧ୍ୱନି କରନ୍ତୁ, ଏବେ ସେହି ଧ୍ୱନି ‘ମ’ ରେ ପରିବର୍ତ୍ତିତ ହେବ ।
• ଏହିପରି ଓମ୍ ଉଚ୍ଚାରଣ କରନ୍ତୁ ।
• ପୂର୍ଣ୍ଣ ଏକାଗ୍ରତା ସହିତ ୨୧ ଥର ଓମ୍ ଜପ କରନ୍ତୁ
ଓମ୍ ଜପର ଲାଭ
• ଓମ୍ ଜପ କରିବା ଦ୍ୱାରା ମନକୁ ଶାନ୍ତି ମିଳିଥାଏ । ଭଲ ନିଦ ହୁଏ ଓ ଭାବନାତ୍ମକ ସନ୍ତୁଳନ ବଜାୟ ରହିତାଏ ।
• ଚାପଗ୍ରସ୍ତ ପରିସ୍ଥିତିରେ ମନ ଶାନ୍ତ ରହିଥାଏ
• ଏକାଗ୍ରତା ବଢିଥାଏ ।
• ସ୍ମୃତି ଶକ୍ତି ଏବଂ ଏକାଗ୍ରତା ବଢିଥାଏ ।
• ନକାରାତ୍ମକ ଚିନ୍ତାଧାରା ଦୂର ହୋଇ ସକରାତ୍ମକତା ବୃଦ୍ଧି ପାଇତାଏ ।
• ରକ୍ତଚାପକୁ ନିୟନ୍ତ୍ରଣ କରିବାରେ ମଧ୍ୟ ସାହାଯ୍ୟ କରିଥାଏ ।
ଏହି ଟିପ୍ସଗୁଡିକୁ ନିଶ୍ଚୟ ଅନୁସରଣ କରନ୍ତୁ
• ଆମେ ଯାହା ଭାବୁ, ତାହା ହୋଇଥାଉ, ତେଣୁ ନିଜର ଚିନ୍ତାଧାରା ପ୍ରତି ଧ୍ୟାନ ଦେବା ଆବଶ୍ଯକ ।
• ଅଭିଯୋଗ ମନକୁ ବିଚଳିତ କରିଥାଏ ଓ କୃତଜ୍ଞତା ମନକୁ ଶାନ୍ତ କରିଥାଏ ।
• ଦିନସାରା ଉତ୍ସାହ, ଉତ୍ସାହ, ଆନନ୍ଦ, ପ୍ରେମ ଏବଂ ସାହସରେ ପରିପୂର୍ଣ୍ଣ ରୁହ ଏବଂ ଯାହାକୁ ମଧ୍ଯ ଭେଟୁଛନ୍ତି ସେମାନଙ୍କ ମନରେ ଉତ୍ସାହ ଭର ।
• ଯେତିକି ଆବଶ୍ୟକ ସେତିକି କୁହ, ମିଠା କଥା କୁହ କାରଣ ତୁମର ଶବ୍ଦ ସୁଗନ୍ଧ ଭଳି ବିତରିତ ହେବ ।
