ବିଶ୍ୱସନୀୟତାର ପରିଚୟ ଦେଖାଇଲା କୁକୁର । ଏକ ଦୋକାନ ଭିତରକୁ ପଶିବାକୁ ଉଦ୍ୟମ କରୁଥିବା ସାପକୁ କଲା କୁକୁର ବିରୋଧ । ଯାହା ଫଳରେ ନାଗ ସାପ ସହ କୁକୁର ମଧ୍ୟରେ ଚାଲିଥିଲା ଘମାଘୋଟ ଲଢ଼େଇ ।
Trending Photos
ରାଧାଶ୍ୟାମ ଆଚାର୍ଯ୍ୟ, ବ୍ରହ୍ମପୁର: ବିଶ୍ୱସନୀୟତାର ପରିଚୟ ଦେଖାଇଲା କୁକୁର । ଏକ ଦୋକାନ ଭିତରକୁ ପଶିବାକୁ ଉଦ୍ୟମ କରୁଥିବା ସାପକୁ କଲା କୁକୁର ବିରୋଧ । ଯାହା ଫଳରେ ନାଗ ସାପ ସହ କୁକୁର ମଧ୍ୟରେ ଚାଲିଥିଲା ଘମାଘୋଟ ଲଢ଼େଇ ।
ଗଞ୍ଜାମ ଜିଲ୍ଲା ରଣ୍ଢା ଛକ ନିକଟରେ ସାପ ଓ କୁକୁର ମଧ୍ୟରେ ଲଢେଇ ହୋଇଥିବା ଦେଖିବାକୁ ମିଳିଥିଲା । ଏକ ନାଗ ସାପଟି ଜଣେ ବ୍ୟବସାୟୀଙ୍କ ଦୋକାନ ଭିତରକୁ ପସିବାକୁ ଉଦ୍ୟମ କରୁଥିବା ବେଳେ ସେଠିକାର କୁକୁରଟି ପ୍ରତିରୋଧ କରିଥିଲା ଯାହା ଫଳରେ ଉଭୟ ଙ୍କ ମଧ୍ୟରେ ଏକ ଘଣ୍ଟା ଧରି ଲଢେଇ ହୋଇଥିଲା । ସାପ ଓ କୁକୁର ମଧ୍ୟରେ ଲଢେଇ ସମସ୍ତଙ୍କୁ ଚକ୍କିତ କରିଥିବା ବେଳେ ଉଭୟଙ୍କ ଲଢେଇରେ ମୃତ୍ୟୁ ଘଟିଛି । ସ୍ଥାନୀୟ ଲୋକେ ଉଭୟ ସାପ ଓ କୁକୁରର ଶବକୁ ପରେ ଦାହ କରିଛନ୍ତି ।
ସୁଚନା ମୁତାବକ ଗତକାଲି ଅପରାହ୍ନରେ ଏକ ମୋବାଇଲ ଦୋକାନ ଭିତରକୁ ନାଗ ସାପଟି ପସିବାକୁ ଉଦ୍ୟମ କରୁଥିବା ବେଳେ ହଟାତ ସାପ ଉପରେ କୁକୁରର ନଜର ପଡିଥିଲା । ଦୋକାନ ମାଲିକ ଠାରୁ ଆହାର ପାଇଥିବା କୁକୁରଟି ବା କେମିତି ଭୁଲି ଯାଇଥାନ୍ତା ମାଲିକର ସହାୟତାକୁ । ହଟାତ୍ ଉଠିଯାଇ ସାପକୁ ଦୋକାନ ଭିତରକୁ ପସିବାକୁ ଆରମ୍ଭ କରିଥିଲା ବିରୋଧ । ଯାହା ଫଳରେ ସାପ କୁକୁର ମଧ୍ୟରେ ଲଢେଇ ହୋଇଥିବା ବେଳେ ସାପଟି କୁକୁରକୁ ଚୋଟ ପରେ ଚୋଟ ମାରି ଚାଲିଥିଲା । ରକ୍ତାକ୍ତ ଅବସ୍ଥାରେ ମଧ୍ୟ ସାପଟି ନିଜ ଲକ୍ଷରୁ ନ ଓହରି ଯାଇ ସାପକୁ ସାମନା କରିଥିଲା । ଆଉ ଶେଷରେ ଉଭୟଙ୍କ ମୃତ୍ୟୁ ଘଟିଥିବା ଦେଖିବାକୁ ମିଳିଛି ।
କୁକୁରଟିର ବିଶ୍ୱସନୀୟତାକୁ ସ୍ଥାନୀୟ ଲୋକେ ପ୍ରଶଂସା କରିବା ସହ କୁକୁରଟିର ମୃତ ଦେହ ଉଦ୍ଧାର କରି ପୋତି ଦେଇଥିବା ବେଳେ ନାଗ ସାପର ମଧ୍ୟ ଶବ ଦାହ କରିଛନ୍ତି ।