Trending Photos
ବ୍ରହ୍ମପୁର: ବିଶ୍ୱ ପର୍ଯ୍ୟଟନ ମାନଚିତ୍ରରେ ଗୋପାଳପୁର ବେଳାଭୂମି ସ୍ଥାନ ପାଇଛି । ହେଲେ ଅନେକ ସମୟରେ ଅପରିଷ୍କାର ଯୋଗୁ ଧିରେ ଧିରେ ଏଠାକୁ ବୁଲି ବାକୁ ଆସୁଥିବା ପର୍ଯ୍ୟଟକ ମୁହଁ ଫେରାଉଛନ୍ତି । ଯାହା ଫଳରେ ଗୋପାଳପୁର ବେଳାଭୂମିକୁ ସୁସ୍ଥ ,ସୁନ୍ଦର ସାଙ୍ଗକୁ ପାଷ୍ଟିକ ଓ ପରିମଳ ମୁକ୍ତ କରିବା ଲାଗି ଅଣ୍ଟା ଭିଡିଛି ହୋଟେଲ ମାଲିକ ସଂଘ ।
ଆଜି ଗୋପାଳପୁର ଅଞ୍ଚଳରେ ଥିବା ହୋଟେଲ ଗୁଡିକର ମାଲିକ ଓ କର୍ମଚାରୀ ମିଶି ବେଳାଭୂମି ସଫେଇ କରିବା ସହ ବାହାରୁ ଆସୁଥିବା ପର୍ଯ୍ୟଟକ ମାନଙ୍କୁ ଦେଇଛନ୍ତି ସଚେତନତାର ବାର୍ତ୍ତା । ଆଗକୁ ନୁଆବର୍ଷ ଓ ବେଳାଭୂମି ମହୋତ୍ସବ ରହିଥିବା ବେଳେ ଲକ୍ଷାଧିକ ଲୋକଙ୍କ ବେଳାଭୂମିକୁ ସମାଗମ ରହିଥିବ। ତେବେ ଗୋପାଳପୁର କୁ ବିଶ୍ୱସ୍ତରୀୟ ଏକ ସୁନ୍ଦର ବେଳାଭୂମିର ବାର୍ତ୍ତା ପହଞ୍ଚାଇବା ଲାଗି ଏଭଳି ପଦକ୍ଷେପ ହାତକୁ ନିଆଯାଇଥିବା କହିଛନ୍ତି ସଂଘ କର୍ମକର୍ତ୍ତା ।