• ରାଜ୍ୟରେ ଆଜି ୬୧୬୪ କରୋନା ପଜିଟିଭ୍ ଚିହ୍ନଟ
  • କ୍ୱାରେଣ୍ଟାଇନରୁ ୩୫୭୫ ଓ ଲୋକାଲ କଣ୍ଟାକ୍ଟରୁ ୨୫୮୯ ଜଣ ଆକ୍ରାନ୍ତ ଚିହ୍ନଟ
  • ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧ ହଜାର ୧ ଶହ ୩୨ ପଜିଟିଭ ଚିହ୍ନଟ
  • ମହାରାଷ୍ଟ୍ରରେ ବେକାବୁ କୋରୋନା
  • ଆଜି ରାତି ୮ଟାରୁ ମେ ୧ ଯାଏ ରାଜ୍ୟ କଡ଼ା କଟକଣା
  • ବ୍ରେକ ଦି ଚେନ ଅଭିଯାନ ସମୟରେ ବିନା କାରଣରେ ଘରୁ ବାହାରିଲେ ୧୦ ହଜାର ଯାଏ ଜରିମାନା
  • କେବଳ ଜରୁରୀ ସେବା ଯୋଗାଣକାରୀ ଘରୋଇ ଗାଡ଼ିକୁ ମିଳିବ ଅନୁମତି
  • ନାସିକର ଜାକିର ହୁସେନ ହସ୍ପିଟାଲରେ ଅକ୍ସିଜେନ୍ ଅଭାବରେ ମୃତକଙ୍କ ସଂଖ୍ୟା ୨୪କୁ ବୃଦ୍ଧି
  • ତଦନ୍ତ ପାଇଁ ୩ ଜଣିଆ କମିଟି ଗଠନ
  • ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଲେଖାଏଁ ଅନୁକମ୍ପାମୂଳକ ସହାୟତା ରାଶି ଘୋଷଣା

ଦୁଷ୍କର୍ମକାରୀ ଶିକ୍ଷକକୁ ଓଡ଼ିଶାରେ ଖୋଜୁଛି ସିବିଆଇ

ଓଡ଼ିଶାରେ ଲୁଚିଛି ନାବାଳିକା ଦୁଷ୍କର୍ମକାରୀ ଶିକ୍ଷକ

ଦୁଷ୍କର୍ମକାରୀ ଶିକ୍ଷକକୁ ଓଡ଼ିଶାରେ ଖୋଜୁଛି ସିବିଆଇ
ଦୁଷ୍କର୍ମକାରୀକୁ ଓଡ଼ିଶାରେ ଖୋଜୁଛି ପୋଲିସ

ଭୁବନେଶ୍ୱର, ସରୋଜ ବେହେରା: ଓଡ଼ିଶାରେ ଲୁଚିଛି ନାବାଳିକା ଦୁଷ୍କର୍ମକାରୀ ଶିକ୍ଷକ । ଶିକ୍ଷାନୁଷ୍ଠାନରେ ଥିବା ନାବାଳିକାଙ୍କୁ ନିଜ କାମନାର ଶିକାର କରି ଫେରାର ଥିବା ଏଭଳି ଜଣେ ଶିକ୍ଷକ ଓଡ଼ିଶାରେ ଲୁଚି ରହିଥବା ସନ୍ଦେହ କରିଛି ସିବିଆଇର ସ୍ୱତନ୍ତ୍ର କ୍ରାଇମବ୍ରାଞ୍ଚ । ଅଭିଯୁକ୍ତ ଦୁଷ୍କର୍ମକାରୀ ଧବଲ ତ୍ରିବେଦୀ ଦେଶର ବିଭିନ୍ନ ରାଜ୍ୟରେ ଶିକ୍ଷାନୁଷ୍ଠାନକୁ ଟାର୍ଗେଟ କରିଥାଏ । ସେଠାରେ ପଢୁଥିବା ଯୁବତୀ ଓ ନାବାଳିକାକୁ ନିଜ ଶିକାର କରିଥାଏ । ୨୦୧୨ରେ ଗୁଜରାଟର ପଢାରୀ ଥାନାରେ ତାଙ୍କୁ ଏଭଳି ଏକ ଦୁଷ୍କର୍ମ ଘଟଣାରେ ଗିରଫ କରାଯାଇଥିଲା । ହେଲେ ଜାମିନରେ ପାରୋଲରେ ଫେରିବା ପରେ ସେ ଫେରାର ହୋଇଯାଇଥିଲେ । ପରେ ପୁଣି ଏଭଳି ଘଟଣା ଘଟାଇ ସେ ଗୁଜରାଟର ନୀଧି ଖକ୍କରଙ୍କୁ ଅପହରଣ କରି ନେଇ ଫେରାର ହୋଇଯାଇଥିଲା ।  

୨୦୧୪ରେ ସମ୍ପୃକ୍ତ ଅଭିଯୁକ୍ତ ନିଜ ନାଁକୁ ବଦଳାଇ ଟିଡିକେ ଚନ୍ଦ୍ରା କରି ହରିୟାଣାରେ ମଧ୍ୟ ଅନୁରୂପ ଘଟଣା ଘଟାଇଥିଲା । ଗୁଜରାଟର ନୀଧି ଖକ୍କର ଅପହରଣ ପରେ ରାଜ୍ୟ ସରକାର ଏହାର ସିବିଆଇ ତଦନ୍ତ କରି ଅଭିଯୁକ୍ତଙ୍କୁ ଧରିବା ପାଇଁ କୁହାଯାଇଥିଲା । ସେବେଠାରୁ ସିବିଆଇର ସ୍ୱତନ୍ତ୍ର ଅପରାଧ ଶାଖା ଅଭିଯୁକ୍ତ ଧବଲ ତ୍ରିବେଦୀଙ୍କୁ ଖୋଜିବାରେ ଲାଗିଛି । ସେ ଓଡ଼ିଶାର କୌଣସି ସ୍କୁଲରେ ଶିକ୍ଷକ ଭାବେ ଲୁଚି ରହିଥିବା ସନ୍ଦେହ କରି ରାଜ୍ୟ ସରକାରଙ୍କ ସ୍କୁଲ ଓ ଗଣ ଶିକ୍ଷା ବିଭାଗକୁ ଚିଠି ଲେଖିଛି ସିବିଆଇ । ସିବିଆଇର ଚିଠି ମିଳିବା ପରେ ଏ ନେଇ ବିଭାଗୀୟ କର୍ତ୍ତୃପକ୍ଷ ରାଜ୍ୟର ସମସ୍ତ ବ୍ଲକ ଏଜୁକେସନ ଅଫିସରଙ୍କୁ ଏ ନେଇ ଅବଗତ କରିଛନ୍ତି । ଯଦି ଏ ଭଳି କୌଣସି ଲୋକ ଦୃଷ୍ଟିକୁ ଆସେ ସେ ନେଇ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାସ ।