ଫରେଷ୍ଟ୍ରୀ କଲେଜରେ ପଢୁଛ କାହିଁ ? ‘ଜୋତା ସଫା କରିବା ପାଇଁ’

ଶାନ୍ତସ୍ବରୂପ ରାଉତ, ଭୁବନେଶ୍ବର : ଫରେଷ୍ଟ୍ରୀ କଲେଜରେ ପଢୁଛ କାହିଁ, ଜୋତା ସଫା କରିବା ପାଇଁ । ଆଜି କିଛି ଏଭଳି ଢଙ୍ଗରେ ଆନ୍ଦୋଳନ କରିଛନ୍ତି ଫରେଷ୍ଟ୍ରୀ ଛାତ୍ରଛାତ୍ରୀ  । ଓୟୁଏଟି କ୍ୟାମ୍ପସରେ ଫରେଷ୍ଟ୍ରୀ ଛାତ୍ରଛାତ୍ରୀ ମାନେ ଆଜି ଜୋତା ପଲିସ୍ କରି ଅଭିନବ ଉପାୟରେ ନିଜ ଦାବୀ ପୂରଣ କରିବା ପାଇଁ ପ୍ରତିବାଦ କରିଛନ୍ତି ।

ଜୋତା ପଲିସ୍ (Shoe Polish) କରି ନାରାବାଜି ଦେଇ ଆନ୍ଦୋଳନ କରିଛନ୍ତି । ଫରେଷ୍ଟ ବିଭାଗର ବିଭିନ୍ନ ପଦପଦବୀରେ ନିଯୁକ୍ତି ପାଇଁ ସର୍ବନିମ୍ନ ଶିକ୍ଷାଗତ ଯୋଗ୍ୟତା ବିଏସସି (BSC)ରଖିବାକୁ ସେମାନେ ଦାବି କରିଛନ୍ତି । ଏହା ଦାବିରେ ଗତ ୪ ଦିନ ହେବ ସେମାନେ ଓୟୁଏଟି କ୍ୟାମ୍ପସ (OUAT Campus) ରେ ଆନ୍ଦୋଳନ ଜାରି ରଖିଛନ୍ତି । ଗତକାଲି ବୁଧବାର ସେମାନେ କଳାଦିବସ ଭାବେ ପ୍ରତିବାଦ କରିଥିଲେ, ଆଉ ଆଜି ସୁ ପଲିସି କରିଛନ୍ତି ।

ତେବେ Forest Range Officer, Assistant Conservator of Forest, Assistant Manager of Ofdc ଏବଂ Junior Manager of Ofdc ପ୍ରମୁଖ ପଦବୀ ପାଇଁ ସର୍ବନିମ୍ନ ଶିକ୍ଷାଗତ ଯୋଗ୍ୟତା ବିଏସସି କରିବାକୁ ସେମାନେ ଦାବି ରଖିଛନ୍ତି । ଦାବି ପୂରଣ ନହେବା ଯାଏଁ ଏପରି ଭିନ୍ନ ଭିନ୍ନ ଶୈଳିରେ ଆନ୍ଦୋଳନ ଜାରି ରଖିବେ ବୋଲି ଛାତ୍ରଛାତ୍ରୀ କହିଛନ୍ତି । 

Edited: Zee Odisha Desk