• ଏପ୍ରିଲ ଶେଷ କିମ୍ବା ମେ ପ୍ରଥମ ସପ୍ତାହରେ ଓଡ଼ିଶାରେ କୋରୋନା ପିକ୍‌ରେ ରହିପାରେ
  • ଅକ୍ସିଜେନ୍, ବେଡ, ICU ଯଥେଷ୍ଟ ପରିମାଣର ରହିଛି
  • ରାଜ୍ୟରେ କୋଭିଡ ସ୍ଥିତି ନେଇ DMET ସି.ବି.କେ. ମହାନ୍ତିଙ୍କ ସୂଚନା
  • ଓଡ଼ିଶାରେ ମାଟ୍ରିକ ପରୀକ୍ଷା ବାତିଲ
  • ମହାମାରୀ ଭିତରେ ମାଟ୍ରିକ ପରୀକ୍ଷା ବାତିଲ କଲେ ମନ୍ତ୍ରୀ ସମୀର ଦାସ।
  • ମୂଲ୍ୟାଙ୍କନ ନେଇ ଖୁବ୍‌ଶୀଘ୍ର ନିଷ୍ପତ୍ତି ନେବ ବୋର୍ଡ: ରାମାଶିଷ ହାଜରା
  • କଟକରେ କୁମ୍ଭମେଳା ଫେରନ୍ତା ଆଉ ୧୩ ପଜିଟିଭ ଚିହ୍ନଟ
  • ଆଜିଠୁ ବ୍ରହ୍ମପୁରରେ ଘରକୁ ଘର ବୁଲି ଲୋକଙ୍କ ସ୍ବାସ୍ଥ୍ୟ ଯାଞ୍ଚ
  • ସମ୍ବଲପୁର ବିଶ୍ଵ ବିଦ୍ୟାଳୟ ୫ ଦିନ ପାଇଁ ବନ୍ଦ
  • ବିଶ୍ବବିଦ୍ୟାଳୟର ବିଭିନ୍ନ ବିଭାଗରେ କରୋନା ଚିହ୍ନଟ ହେବା ପରେ ନିଷ୍ପତ୍ତି

ହୋଟେଲରେ ଯୁବତୀଙ୍କୁ ଅସଦାଚରଣ

ଭୁବନେଶ୍ୱର କଟକରୋଡ ସ୍ଥିତ ଏକ ହୋଟେଲରେ ବଙ୍ଗୀୟ ଯୁବତୀଙ୍କୁ ଅସଦଚରଣ ଅଭିଯୋଗ

ହୋଟେଲରେ ଯୁବତୀଙ୍କୁ ଅସଦାଚରଣ
ସୌଜନ୍ୟ: ସୋସିଆଲ ମିଡିଆ

ସରୋଜ ବେହେରା, ଭୁବନେଶ୍ୱର: ଭୁବନେଶ୍ୱର କଟକରୋଡ ସ୍ଥିତ ଏକ ହୋଟେଲରେ ବଙ୍ଗୀୟ ଯୁବତୀଙ୍କୁ ଅସଦଚରଣ ଅଭିଯୋଗ । ଲକ୍ଷ୍ମୀସାଗର ଥାନାରେ ଅଭିଯୋଗ ପରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ପୋଲିସ । ହୋଟେଲ ଆଶିର୍ବାଦରୁ ପୋଲିସ ସିସିଟିଭି ଜବତ କରିବା ସହ ହୋଟେଲ ରୁମରୁ ଆପତ୍ତିଜନକ ସାମଗ୍ରୀ ଜବତ କରିଛି । ହୋଟେଲରେ ଅନେକ ସମୟରେ ଯୁବତୀମାନଙ୍କୁ ଆଣି ଦେହ ବ୍ୟବସାୟରେ ଲିପ୍ତ କରୁଥିଲେ ଏଜେଣ୍ଟମାନେ । ଏଥିରେ ହୋଟେଲର ମ୍ୟାନେଜର ଓ କର୍ମଚାରୀମାନେ ମଧ୍ୟ ସମ୍ପୃକ୍ତ ଥିବା କହିଛନ୍ତି କେୟାର ଟେକର । ଅନେକ ଦିନ ହେବ ଏଠାକୁ ଏଭଳି ଢଙ୍ଗରେ ଯୁବତୀମାନଙ୍କୁ ଆଣି ବ୍ୟବସାୟ କରାଯାଉଥିଲା । ଗତକାଲି କୌଣସି କାରଣ ଯୋଗୁଁ ଯୁବତୀଙ୍କ ସହ ଗ୍ରାହକଙ୍କ ବଚସା ହେବା ପରେ କଥା ପଦାକୁ ଆସିଥିଲା ବୋଲି କହିଛନ୍ତି ହୋଟେଲର କେୟାର ଟେକର ।

ଏହା ପୂର୍ବରୁ ମଧ୍ୟ କଟକରୋଡର ଏକାଧିକ ହୋଟେଲରେ ଏଭଳି ଗ୍ରାହକମାନେ ଆସି ରାତି ରଙ୍ଗିନ କରିଥାନ୍ତି । ଅନେକ ଥର କମିଶନରେଟ ପୋଲିସ ପକ୍ଷରୁ ଚଢାଉ ମଧ୍ୟ କରାଯାଇଛି । ଏହା ପରେ ମଧ୍ୟ ଏସବୁ ହୋଟେଲରେ ମ୍ୟାନେଜର ଓ ମାଲିକଙ୍କ ସହ ମିଶି ଦେହ ବ୍ୟାପାର ଜୋରଦାର ଚାଲିଛି । ହୋଟେଲର ରେଜିଷ୍ଟ୍ରାରକୁ ଯାଞ୍ଚ କଲାବେଳେ ଅନେକ ଗ୍ରାହକ ଓ ଦେହଜୀବୀ ନିୟମିତ ଆସୁଥିବା ଦେଖିବାକୁ ମିଳିଛି । ଏବେ ପୋଲିସ ସେମାନଙ୍କ ବିରୋଧରେ କି କାର୍ଯ୍ୟାନୁଷ୍ଠାନ ନେଉଛି ତାହା ଉପରେ ସମସ୍ତଙ୍କ ନଜର ରହିଛି ।

ବିଶେଷ କରି ହୋଟେଲରୁ ଆସୁଥିବା ଏହି ଯୁବତୀ ମାନେ ବଙ୍ଗୀୟ ହୋଇଥିବା ବେଳେ କିଛି ଦିନ ସେମାନେ ଏଠାରେ ରହିବା ପରେ ପୁଣି ପଶ୍ଚିମବଙ୍ଗ ଚାଲିଯାଆନ୍ତି । ଏଭଳି କି ବାଂଲାଦେଶରୁ ଅନେକ ଯୁବତୀଙ୍କୁ ଅଣାଯାଇ ଏହି ବ୍ୟବସାୟରେ ଲିପ୍ତ କରାଯାଉଥିବା ଅଭିଯୋଗ ମଧ୍ୟ ହୋଇଛି । ଆଗକୁ ନୂଆ ବର୍ଷ । ଲୋକେ ଉପଭୋଗ କରିବା ପାଇଁ ଏଭଳି ଛୋଟ ଛୋଟ ହୋଟେଲକୁ ପସନ୍ଦ କରିଥାନ୍ତି । ଏଭଳି ପରିସ୍ଥିତିରେ ପୋଲିସ ସତର୍କ ନ ହେଲେ ଆଗାମୀ ସମୟରେ କୌଣସି ଅଘଟଣ ନ ଘଟିବ ତାହା ଏଡାଇ ଦିଆଯାଇ ନ ପାରେ ।