Petrol-Diesel Price Today: ପେଟ୍ରୋଲ, ଡିଜେଲର ନୂଆ ଦର ଜାରି କରିଛନ୍ତି ତୈଳ କମ୍ପାନୀ ଗୁଡିକ। ଗୁରୁବାର ମଧ୍ୟ ଅଶୋଧିକ ତୈଳ ଦର ମହଙ୍ଗା ହୋଇଛି। ତଥାପି ପୂର୍ବ ଧାରାରେ ଦେଶରେ ପେଟ୍ରୋଲ ଡିଜେଲ ଦରରେ କୌଣସି ପରିବର୍ତ୍ତନ କରାଯାଇନାହିଁ।
Trending Photos
12
6
8
12 "Petrol-Diesel Price Today: ତୈଳ ଦରରେ ବଡ଼ ପରିବର୍ତ୍ତନ, ରାଜ୍ୟର କେଉଁ ଜିଲ୍ଲାରେ ମିଳୁଛି ଶସ୍ତା ପେଟ୍ରୋଲ-ଡିଜେଲ")
Petrol-Diesel Price Today: ଗତ ଦିନରେ ଅଶୋଧିତ ତୈଳ ଦର ହ୍ରାସ ପାଇଥିବା ବେଳେ ବର୍ତ୍ତମାନ ତାହା କ୍ଷୀପ୍ର ଗତିରେ ବୃଦ୍ଧି ପାଉଛି। କ୍ରମାଗତ ତୃତୀୟ ଦିନ ପାଇଁ ଅଶୋଧିତ ମୂଲ୍ୟ ଗ୍ରୀନ ମାର୍କରେ କାରବାର କରୁଛି। ଉତ୍ପାଦନ ହ୍ରାସ ଆଶଙ୍କାରେ ଅଶୋଧିତ ମୂଲ୍ୟ ବୃଦ୍ଧି ପାଉଛି। ଅଶୋଧିତ ତୈଳ ବ୍ୟାରେଲ ପିଛା ୯୦ ଡଲାରରୁ ଅଧିକ ହୋଇଥିବାଦେଖାଯାଉଛି। ଦୁଇମାସ ଧରି ଅଶୋଧିତ ତୈଳର ମୂଲ୍ୟ ହ୍ରାସ ପାଇଥିଲା, କିନ୍ତୁ ଘରୋଇ ବଜାରରେ ପେଟ୍ରୋଲ-ଡିଜେଲ ମୂଲ୍ୟରେ କୌଣସି ପରିବର୍ତ୍ତନ ଦେଖାଗଲା ନାହିଁ।
ସବୁଦିନ ପରି ଗୁରୁବାର ସକାଳେ ମଧ୍ୟ ତୈଳ କମ୍ପାନୀ (BPCL, IOCL, HPCL) ଗୁଡିକ ପେଟ୍ରୋଲ ଡିଜେଲର ନୂଆ ଦର ଜାରି କରିଛନ୍ତି। WTI ଅଶୋଧିତ ବ୍ୟାରେଲ ପିଛା ୯୦ ଡଲାର ଉପରେ ରହିଛି। ଏଥି ସହିତ, ବ୍ରେଣ୍ଟ ଅଶୋଧିତ ତୈଳ ବ୍ୟାରେଲ ପିଛା ୯୩.୭୪ ଡଲାରରେ ପହଞ୍ଚିଛି। ତଥାପି ଦେଶରେ ପେଟ୍ରୋଲ ଡିଜେଲ ଦରରେ କୌଣସି ପରିବର୍ତ୍ତନ ହୋଇନାହିଁ। ତଥାପି ରାଜ୍ୟ ରାଜ୍ୟ ତୁଳନାରେ ଏଥିରେ ବ୍ୟବଧାନ ରହିଛି। ସ୍ଥାନୀୟ କର ଓ ଭ୍ୟାଟ ଅନୁସାରେ ଗୋଟିଏ ରାଜ୍ୟ କିମ୍ବା ସହରଠାରୁ ଅନ୍ୟ ରାଜ୍ୟରେ ତୈଳ ଦର କମ କିମ୍ବା ବେଶି ହୋଇଥାଏ।
Also Read: Govt Contractual Employees: ଅବସରପ୍ରାପ୍ତଙ୍କୁ ଅବସର ଓ ସ୍ଥାୟୀଙ୍କୁ ମିଳିଲା ଉପହାର
ଗୁରୁବାର ରାଜଧାନୀ ଭୁବନେଶ୍ୱରରେ ପେଟ୍ରୋଲ ଲିଟର ପିଛା ୧୦୩.୧୯ ଟଙ୍କା ଓ ଡିଜେଲ ୯୫.୧୨ ଟଙ୍କାରେ ବିକ୍ରି ହେଉଛି। ସିଲଭର ସିଟିରେ ଏହି ଦର କ୍ରମଶଂ ୧୦୩.୫୬ ଓ ୯୫.୧୨ ଟଙ୍କା ଅଛି। ମାଲକାନଗିରିବାସୀ ଉଭୟ ପେଟ୍ରୋଲ ଓ ଡିଜେଲ ଶହେରୁ ଊର୍ଦ୍ଧ୍ୱ ଟଙ୍କା ଦେଇ କିଣୁଛନ୍ତି। ସେଠାରେ ଗୋଟିଏ ଲିଟର ପେଟ୍ରୋଲ ପାଇଁ ଲୋକଙ୍କୁ ୧୦୯.୨୦ ଟଙ୍କା ଓ ଡିଜେଲ ପାଇଁ ୧୦୦.୫୬ ଟଙ୍କା ଦେବାକୁ ପଡୁଛି। ଅନ୍ୟ ଜିଲ୍ଲା ବିଷୟରେ କହିବାକୁ ଗଲେ, ପୁରୀରେ ପେଟ୍ରୋଲ ୧୦୩.୩୮ ଟଙ୍କା, ନୟାଗଡରେ ୧୦୩.୬୩ ଟଙ୍କା, କେନ୍ଦୁଝରରେ ୧୦୫.୩୦ ଟଙ୍କା, ସୁନ୍ଦରଗଡରେ ୧୩.୩୫ ଟଙ୍କା, ନବରଙ୍ଗପୁରରେ ୧୦୭.୬୮, ରାୟଗଡାରେ ୧୦୭.୪ ରହିଛି।
ସେହିପରି ବାଲେଶ୍ୱରରେ ଗୋଟିଏ ଲିଟର ପେଟ୍ରୋଲ ପାଇଁ ଲୋକେ ୧୦୩.୯୫ ଟଙ୍କା ଓ କେନ୍ଦ୍ରାପଡାରେ ୧୦୩.୨୬ ଟଙ୍କା ଗଣୁଛନ୍ତି। ତେବେ ରାଜ୍ୟର ଅଧିକାଂଶ ଜିଲ୍ଲାରେ ପେଟ୍ରୋଲ ଦର ୧୦୦ ଟଙ୍କା ଉପରେ ରହିଥିବା ଦେଖିବାକୁ ମିଳୁଛି। ଅନ୍ୟପଟେ ଡିଜେଲ ଦର ୯୪ ଟଙ୍କା ଉପରେ ରହିଛି। ସମ୍ବଲପୁରରେ ଲିଟର ପିଛା ଡିଜେଲ ୯୫.୧୮ ଟଙ୍କା, ଝାରସୁଗୁଡାରେ ୯୫.୦୨ ଟଙ୍କା, ପୁରୀରେ ୯୪.୯୪ ଟଙ୍କା, ବରଗଡରେ ୯୪.୪୮ ଟଙ୍କା, ବାଲେଶ୍ୱରରେ ୯୫.୫୦ ଟଙ୍କା, ଝାରସୁଗୁଡାରେ ୯୫.୦୨ ଟଙ୍କାରେ ବିକ୍ରି ହେଉଛି।
Also Read: PM Kisan samman nidhi Yojana: ଯୋଜନାରେ ହେଲା ବଡ଼ ପରିବର୍ତ୍ତନ, ଦ୍ୱାଦଶ କିସ୍ତି ଆସିବା ପୂର୍ବ
ପେଟ୍ରୋଲ ଏବଂ ଡିଜେଲର ନୂତନ ଦର ବିଷୟରେ ଜାଣିବା ପାଇଁ ତୈଳ କମ୍ପାନୀଗୁଡିକ ଏସଏମଏସ ସୁବିଧା ଦେଇଛନ୍ତି। ଦର ଯାଞ୍ଚ କରିବାକୁ, ଇଣ୍ଡିଆନ୍ ଅଏଲ୍ (IOC) ର ଗ୍ରାହକଙ୍କୁ RSP <ଡିଲର କୋଡ୍> ଲେଖି ଏହାକୁ 9224992249କୁ ପଠାଇବାକୁ ପଡିବ। ସେହିପରି HPCL ଗ୍ରାହକ SMS HPPRICE <ଡିଲର କୋଡ୍> ଲେଖି 9222201122 ଏବଂ BPCL ଗ୍ରାହକ RSP <ଡିଲର କୋଡ୍> ଲେଖି 9223112222 ପଠାଇଲେ ଏସଏମଏସ ମାଧ୍ୟମରେ ଆପଣଙ୍କ ସହରର ତୈଳ ଦର ବିଷୟରେ ତଥ୍ୟ ପାଇପାରିବେ।
