• ଶିମିଳିପାଳ ଅଗ୍ନିକାଣ୍ଡ ଘଟଣା; ହସ୍ପତକ୍ଷେପ କଲେ କେନ୍ଦ୍ରମନ୍ତ୍ରୀ ପ୍ରକାଶ ଜାଭେଡକର
  • ଉମରକୋଟର ବିବାହ ଭୋଜି ଖାଇ ୫୦ରୁ ଊର୍ଦ୍ଧ୍ୱ ଅସୁସ୍ଥ
  • ରାଜ୍ୟରେ ନୂଆ ମଦ ଲାଇସେନ୍ସ ନୀତିକୁ ନେଇ ବିବାଦ
  • ଲଟେରୀ ଜରିଆରେ ନିଷ୍ପତ୍ତି ପରେ ଅଡୁଆରେ ପୁରୁଣା ବ୍ୟବସାୟୀ
  • ବାଲେଶ୍ୱରରେ ବାପା ମାଆଙ୍କୁ ଗୋଡ଼ାଇ ଗୋଡ଼ାଇ ଆକ୍ରମଣ, ବାପା ମୃତ
  • VCରେ ମୁଖ୍ୟମନ୍ତ୍ରୀଙ୍କ ଦ୍ୱାରା ଅନୁସୂଚିତ ଜନଜାତି ଓ ଜାତି ବିଭାଗରେ 5T କାର୍ଯ୍ୟକ୍ରମ
  • ୫୦ ହଜାର ଛାତ୍ରଛାତ୍ରୀଙ୍କ ବ୍ୟାଙ୍କ ଆକାଉଣ୍ଟକୁ ଗଲା ୧୦୧ କୋଟି
  • ଗୁଜରାଟ ଲୋକାଲ ବଡି ନିର୍ବାଚନରେ BJPର ବିପୁଳ ବିଜୟ
  • ରାୟଗଡ଼ ବ୍ଲକ JEଙ୍କ ୨ କୋଟି ମୂଲ୍ୟର ସମ୍ପତ୍ତି ଠାବ
  • ମାର୍ଚ୍ଚ ୩ରୁ ୩୧ ପର୍ଯ୍ୟନ୍ତ ଭୁବନେଶ୍ୱରରେ ହେବ ରେଳବାଇ ପରୀକ୍ଷା

ରାତିପାହିଲେ ଟିକାକରଣ; ଜାଣନ୍ତୁ କିଏ ନେବେ ଓ କିଏ ନେବେନି ଟିକା...

ଭୁବନେଶ୍ୱରରେ ପୂର୍ବରୁ ୫ ଟି କେନ୍ଦ୍ର କରାଯାଇଥିବା ବେଳେ ବର୍ତ୍ତମାନ ଏମ୍ସ ହସ୍ପିଟାଲ କୁ ମିଶାଇ ଟିକା କେନ୍ଦ୍ର ସଂଖ୍ୟା ୬କୁ ବୃଦ୍ଧି ପାଇଛି । ରାଜଧାନୀରେ ଗୋଟିଏ କେନ୍ଦ୍ରରେ ଦୈନିକ ଶହେ ଜଣଙ୍କୁ ଟିକା ଦିଆଯିବ । 

ରାତିପାହିଲେ ଟିକାକରଣ; ଜାଣନ୍ତୁ କିଏ ନେବେ ଓ କିଏ ନେବେନି ଟିକା...

ସରୋଜ ବେହେରା, ଭୁବନେଶ୍ୱର: ରାତିପାହିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଧିବଦ୍ଧ ଭାବେ ସମଗ୍ର ଦେଶରେ ଉଦଘାଟନ କରିବେ କୋରୋନା ବିରୋଧୀ ଟିକାକରଣ କାର୍ଯ୍ୟକ୍ରମ । ପ୍ରଥମ ଦିନରେ ଓଡିଶାର ୧୬୧ ସମେତ ଦେଶର ମୋଟ ୩ ହଜାର ୦୦୬ଟି ଟିକାକରଣ କେନ୍ଦ୍ରରେ ପ୍ରାୟ ୩ ଲକ୍ଷ ସ୍ବାସ୍ଥ୍ୟକର୍ମୀଙ୍କୁ ଟିକା ଦେବାକୁ ଯୋଜନା କରାଯାଇଛି । ହେଲେ ଏହା ପୂର୍ବରୁ କେନ୍ଦ୍ର ସରକାର ରାଜ୍ୟଗୁଡ଼ିକୁ କେତୋଟି ନିର୍ଦ୍ଦେଶନାମା ଜାରି କରିଛନ୍ତି ।

ନିର୍ଦ୍ଦେଶନାମା ଗୁଡ଼ିକ ହେଲା; 

  • ୧୮ ବର୍ଷ ବୟସରୁ କମ ବୟସ୍କ ଗର୍ଭବତୀ କିମ୍ବା ଗର୍ଭବତୀ ଅଛନ୍ତି କି ନାହିଁ ଠିକ ଭାବେ ଜାଣି ନଥିବା ଲୋକ, ସ୍ତନ୍ୟପାନ କରାଉଥିବା ମା’ ଟିକା ନେବେ ନାହିଁ । 
  • ଯେଉଁ କମ୍ପାନୀର ଟିକା ଜଣେ ବ୍ୟକ୍ତି ପ୍ରଥମ ଥର ନେଇଥିବେ ଦ୍ୱିତୀୟ ଡୋଜ୍‌ ବେଳେ ସମାନ ଟିକା ନେବାକୁ ବାଧ୍ୟ 
  • ଯଦି ଜଣେ ବ୍ୟକ୍ତି କୋରୋନା ଟିକା ବ୍ୟତୀତ ଅନ୍ୟ ରୋଗ ପାଇଁ ଟିକା ନେବାର ଥିବ, ତା’ହେଲେ ଦୁଇଟି ଟିକା ମଧ୍ୟରେ ଅନୂନ୍ୟ ୧୪ ଦିନର ବ୍ୟବଧାନ ରହିବା ଆବଶ୍ୟକ 
  • ଯଦି କୌଣସି ବ୍ୟକ୍ତିଙ୍କ ଶରୀରରେ କୋରୋନା ଲକ୍ଷଣ ଦେଖାଯାଇଛି ବା ସେ କୋରୋନାରେ ଆକ୍ରାନ୍ତ ହୋଇଛନ୍ତି, ତା’ହେଲେ ତାଙ୍କୁ ସୁସ୍ଥ ହେବାର ୪ ରୁ ୮ ସପ୍ତାହ ପରେ ଟିକା ଦିଆଯିବ 
  • ସେଭଳି ପ୍ଳାଜମା ଥେରାପି ଦ୍ୱାରା ସୁସ୍ଥ ହୋଇଥିବା ବ୍ୟକ୍ତି ଓ ଅନ୍ୟାନ୍ୟ ରୋଗରେ ହସ୍ପିଟାଲରେ ଭର୍ତ୍ତି ହୋଇଥିବା ଲୋକ ସୁସ୍ଥ ହେବାର ୪ରୁ ୮ ସପ୍ତାହ ପରେ ଟିକା ନେବେ
  • ଟିକାକରଣ କାର୍ଯ୍ୟକ୍ରମର ସମସ୍ତ ତଥ୍ୟ ସ୍ୱାସ୍ଥ୍ୟ ମନ୍ତ୍ରଣାଳୟ ତିଆରି କରିଥିବା କୋ-ୱିନ ଆପ୍‌ରେ ରହିବ 
  • ଏହି ଆପ୍‌ ଦ୍ୱାରା କେତେ ଟିକା ମହଜୁଦ ଅଛି, ଏହାକୁ କେତେ ଡିଗ୍ରୀ ତାପମାତ୍ରାରେ ସଂରକ୍ଷିତ ରଖାଯାଇଛି ଓ କିଏ ଏହି ଟିକା ନେଲେ, ସେ ବିଷୟରେ ତଥ୍ୟ ଜାଣିହେବ 
  • ଟିକାକରଣ ସମ୍ପର୍କିତ ତଥ୍ୟ ଲୋକଙ୍କୁ ଦେବା ପାଇଁ ୨୪ ଘଣ୍ଟିଆ ହେଲ୍ପ ଲାଇନ ନଂ ୧୦୭୫ ମଧ୍ୟ ଜାରି କରାଯାଇଛି  

ସେପଟେ ଓଡିଶାରେ କୋଭିସିଲ୍ଡ଼ (Covishield) ୪ ଲକ୍ଷ ୮ ହଜାର ଡୋଜ ଏବଂ  ୨୦ହଜାର କୋଭାକ୍ସିନ ଡୋଜ (Covaxin Dose) ଆସିଥିବା ବେଳେ ସବୁ ଜିଲ୍ଲା ସମେତ ଭୁବନେଶ୍ୱର କ୍ୟାପିଟାଲ ହସ୍ପିଟାଲ (Bhubaneswar Capital Hospital) ଓ ରାଉରକେଲା ଇସ୍ପାତ ଜେନେରାଲ ହସ୍ପିଟାଲ (Rourkela Ispat General Hospital) କୁ ମିଶାଇ ମୋଟ ୩୨ଟି କେନ୍ଦ୍ରକୁ ଟିକା ପଠାଯାଇଛି । ଟିକାକରଣ (Vaccination) ପାଇଁ ରାଜ୍ୟରେ ମୋଟ ୧୬୦ଟି ଟିକା କେନ୍ଦ୍ର( Vaccination Center) ସ୍ଥାପନ କରାଯାଇଥିବା ବେଳେ ଭୁବନେଶ୍ବର ବ୍ୟତୀତ ଅନ୍ୟ ସବୁଠି କୋଭିସିଲ୍ଡ଼ ଟିକା (Covishield Vaccine) ପ୍ରଦାନ କରାଯିବ ।

Also Read;  ରାଜ୍ୟକୁ ପୁଣି ଫେରିଲାଣି ଥଣ୍ଡା; ଶୀତ ଲହରି ନେଇ ୟେଲୋ ୱାର୍ଣ୍ଣିଂ ଜାରି

ଭୁବନେଶ୍ୱରରେ ପୂର୍ବରୁ ୫ ଟି କେନ୍ଦ୍ର କରାଯାଇଥିବା ବେଳେ ବର୍ତ୍ତମାନ ଏମ୍ସ ହସ୍ପିଟାଲ (AIIMS Hospital) କୁ ମିଶାଇ ଟିକା କେନ୍ଦ୍ର ସଂଖ୍ୟା ୬କୁ ବୃଦ୍ଧି ପାଇଛି । ଭୁବନେଶ୍ୱରରେ ଗୋଟିଏ କେନ୍ଦ୍ରରେ ଦୈନିକ ଶହେ ଜଣଙ୍କୁ ଟିକା ଦିଆଯିବ । ଭୁବନେଶ୍ୱରରେ ପ୍ରଥମ ପର୍ଯ୍ୟାୟରେ ମୋଟ ୨୬ ହଜାର ସ୍ବାସ୍ଥ୍ୟକର୍ମୀ (Health worker) ପଞ୍ଜିକରଣ (Registration) କରିଛନ୍ତି । ୯ହଜାର ଲୋକଙ୍କୁ ପ୍ରଥମ ପର୍ଯ୍ୟାୟରେ ଟିକାଦାନ କରାଯିବ ବୋଲି ସୂଚନା ଦେଇଛନ୍ତି ବିଏମସି କମିଶନର (BMC Commissioner) । 

ପ୍ରଥମ ଦିନରେ ମୋଟ୍ ୬୦୦ ଲୋକଙ୍କ ଟିକାକରଣ (Vaccination) କରାଯିବ । ରାଜଧାନୀରେ ପ୍ରସ୍ତୁତ ହୋଇଥିବା ସମସ୍ତ ଟିକାକେନ୍ଦ୍ର ବୁଲି ଦେଖିବା ପରେ କାର୍ଯ୍ୟର ଅଗ୍ରଗତିକୁ ନେଇ ଆଗକୁ ସୁଫଳ ମିଳିବ ବୋଲି ସମସ୍ତେ ଆଶା ରଖିଥିବା ବିଏମସି କମିଶନର କହିଛନ୍ତି । ଓଡ଼ିଶାରେ ପ୍ରଥମ ପର୍ଯ୍ୟାୟରେ ୧୬୧ଟି ସ୍ଥାନରେ ଟିକାକରଣ କାର୍ଯ୍ୟ ଶେଷ କରିବା ପାଇଁ ରାଜ୍ୟ ସରକାର( Odisha Government) ତତ୍ପରତା ପ୍ରକାଶ କରିଛନ୍ତି ।  

Also Read; ଫାଇଜର ଟିକା ନେଇ ଚାଲିଗଲା ୧୩ ଜଣଙ୍କ ଜୀବନ !

ରାଜଧାନୀ ଭୁବନେଶ୍ବରରେ ପ୍ରଥମ ପର୍ଯ୍ୟାୟରେ ମୋଟ୍ ୬ଟି ହସ୍ପିଟାଲରେ ଆସନ୍ତାକାଲିଠୁ ଆରମ୍ଭ କରାଯିବ ଟୀକାକରଣ (Vaccination) । ସମୁଦାୟ ୯ ହଜାର ସ୍ବାସ୍ଥ୍ୟକର୍ମୀଙ୍କୁ ପ୍ରଥମ ପର୍ଯ୍ୟାୟରେ ରାଜଧାନୀରେ ଟିକା ଦେବାକୁ ଯୋଜନା କରାଯାଇଛି ।  

Edited; Zee Odisha News