• ଟିକାକରଣ କାର୍ଯ୍ୟକ୍ରମକୁ ଉଦଘାଟନ କରିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ଭିଡ଼ିଓ କନଫରେନସିଂ ଜରିଆରେ ଉଦଘାଟନ କଲେ ମୋଦି
  • ପ୍ରଥମ ଦିନରେ ୩ ଲକ୍ଷ ସ୍ୱାସ୍ଥ୍ୟକର୍ମୀଙ୍କୁ ଦିଆଯିବ ଟିକା
  • ଏଥର ବର୍ଷ ଗଣତନ୍ତ୍ର ଦିବସରେ ରହିବେନି ବିଦେଶୀ ଅତିଥି
  • ଆଜି ଦିଲ୍ଲୀ ଓ ଏହାର ଆଖପାଖ ଅଞ୍ଚଳରେ ଘନ କୁହୁଡ଼ି ।
  • ଲେଉଟିବ ଶୀତ! ଆସନ୍ତା ଦୁଇ ଦିନ ୭ ଜିଲ୍ଲାକୁ ଘନ କୁହୁଡି ସମ୍ଭାବନା
  • ରାମସେତୁର ରହସ୍ୟ ଖୋଜିବ ପ୍ରତ୍ନତତ୍ତ୍ୱ ସର୍ବେକ୍ଷଣ ସଂସ୍ଥା

ହାଇକୋର୍ଟରୁ ଆସ୍ୱସ୍ତି ମିଳିବା ପରେ ଆଜି ଏସସିବି ମେଡିକାଲରୁ ଡିସଚାର୍ଜ ହେଲେ ଆର୍ଶୀବାଦ

ଆଜି ଅପରାହ୍ନ ସମୟରେ ମେଡିକାଲର ଆଇସିୟୁ ବିଭାଗରୁ ଡିସଚାର୍ଜ ହେଲେ

ହାଇକୋର୍ଟରୁ ଆସ୍ୱସ୍ତି ମିଳିବା ପରେ ଆଜି ଏସସିବି ମେଡିକାଲରୁ ଡିସଚାର୍ଜ ହେଲେ ଆର୍ଶୀବାଦ
ସୌଜନ୍ୟ: ସୋସିଆଲ ମିଡିଆ

ଜଗନ୍ନାଥ ପାତ୍ର, ଭୁବନେଶ୍ୱର: ହାଇକୋର୍ଟରୁ ଆସ୍ୱସ୍ଥି ମିଳିବା ପରେ ଆଜି ଏସସିବି ମେଡିକାଲରୁ ଡିସଚାର୍ଜ ହେଲେ ଆର୍ଶୀବାଦ ବେହେରା । ଆଜି ଅପରାହ୍ନ ସମୟରେ ମେଡିକାଲର ଆଇସିୟୁ ବିଭାଗରୁ ଡିସଚାର୍ଜ ହେଲେ । ଡିସଚାର୍ଜ ସମୟରେ ଆର୍ଶୀବାଦଙ୍କ ପରିବାର ଓ ଶୁଭେଚ୍ଛୁ ମାନଙ୍କ ଭିଡ଼ ଲାଗିଥିଲା । ଗତ ସେପ୍ଟମ୍ବର ୧୯ ତାରିଖରେ ସିବିଆଇ ଦ୍ୱାରା ଗିରଫ ହୋଇଥିଲେ ଆର୍ଶୀବାଦ ବେହେରା । ଏହା ପରେ ଗିରଫଦାରୀକୁ ଚ୍ୟାଲେଞ୍ଜ କରି ଜାମିନ ଲାଗି ହାଇକୋର୍ଟର ଦ୍ୱାରସ୍ଥ ହୋଇଥିଲେ । ଗତକାଲି ହାଇକୋର୍ଟ ସର୍ତ୍ତମୂଳକ ଜାମିନ ପ୍ରଦାନ କରିଥିଲେ । ଏହାପରେ ଆଜି ଏସସିବି ମେଡିକାଲରୁ ଡିସଚାର୍ଜ ହୋଇଛନ୍ତି । ତେବେ ସ୍ୱାସ୍ଥ୍ୟଗତ କାରଣକୁ ନେଇ ମେଡିକାଲରେ ଭର୍ତ୍ତି ହୋଇଥିବା ବେଳେ ଗତକାଲି ଜାମିନ ପାଇବା ପରେ କିପରି ସଙ୍ଗେ ସଙ୍ଗେ ସୁସ୍ଥ ହୋଇଗଲେ ତାହାକୁ ନେଇ ଏକ ଚର୍ଚ୍ଚା ମଧ୍ୟ ଆରମ୍ଭ ହୋଇଛି । 

ଓଡ଼ିଶା କ୍ରିକେଟ୍ ଆସୋସିଏସନ ନିର୍ବାଚନ ପାଇଁ ନାମାଙ୍କନ ଭରିବାର ଦିନକ ପୂର୍ବରୁ ଓସିଏର ପୂର୍ବତନ ସମ୍ପାଦକ ଆଶୀର୍ବାଦ ବେହେରାଙ୍କୁ ଗିରଫ କରିଥିଲା ସିବିଆଇ । ଅର୍ଥତତ୍ତ୍ୱ ଚିଟଫଣ୍ଡ ମାମଲାରେ ଲିଙ୍କ୍ ନେଇ ସିବିଆଇ ଓଡ଼ିଶାର ଏହି ମୋଷ୍ଟ୍ ପାୱାରଫୁଲ୍ କ୍ରୀଡ଼ା ସଂଗଠକଙ୍କୁ ଗିରଫ କରିଥିଲା । ତାଙ୍କ ବିରୋଧରେ କୋର୍ଟ ଜାମିନ ବିହୀନ ଗିରଫ ପରୱାନା ଜାରି କରିବା ପରେ ତାଙ୍କୁ ଗିରଫ କରାଯାଇଥିଲା । ତାଙ୍କ ସହ ହୋଟେଲ ମାଲିକ କମଳାକାନ୍ତ ଦାସଙ୍କୁ ମଧ୍ୟ ସିବିଆଇ ଗିରଫ କରିଥିଲା । 
ଓଡ଼ିଶା ପ୍ରିମିୟର୍ ଲିଗ୍ ରେ ଅର୍ଥତତ୍ତ୍ୱ ଚିଟ୍ ଫଣ୍ଡ୍  କମ୍ପାନୀଠାରୁ ଆଣିଥିବା କୋଟିଏ ଟଙ୍କା ଅଭିଯୋଗରେ ସେମାନଙ୍କୁ ଗିରଫ କରାଯାଇଛି । ଏହି ତିନି ଜଣଙ୍କ ବିରୋଧରେ ଆଇପିସି ଓ ମନି ସାର୍କୁଲେସନ ସ୍କିମ(ନିରୋଧୀ) ଆକ୍ଟ ୧୯୭୮ ସମ୍ଵନ୍ଧିତ ଧାରା ଆଧାରରେ ଚାର୍ଜସିଟ୍ ଦାଖଲ କରାଯାଇଥିଲା । ୨୦୧୪ ମସିହା ଅଗଷ୍ଟ ୧୬ ତାରିଖରେ ସିବିଆଇ ଓସିଏ ଏବଂ ଆଶୀର୍ବାଦଙ୍କ ବାସଭବନରେ ଚଢ଼ାଉ କରିଥିଲା ।