close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

କମ୍ପ୍ୟୁଟର ଅଛି, ବିଦ୍ୟୁତ୍ ସଂଯୋଗ ନାହିଁ, କେମିତି ଚାଲିଛି କମ୍ପ୍ୟୁଟର ଶିକ୍ଷା ?

ରାଜ୍ୟ ସରକାର ଶିକ୍ଷାକୁ ପ୍ରଧାନ୍ୟ ଦେବା ସହ ଶିକ୍ଷା ବ୍ୟବସ୍ଥାକୁ ସୁଦୃଢ କରିବା ପାଇଁ ବ୍ୟାପକ ପନ୍ଥା ଗ୍ରହଣ କରୁଥିଲା ବେଳେ କଟକ ସହର ଭଳି ଜାଗାରେ ଏହାର ବ୍ୟତିକ୍ରମ ଦେଖିବାକୁ ମିଳୁଛି । ସ୍କୁଲରେ ପିଲା ଅଛନ୍ତି । ପାଠ ପଢ଼ା ମଧ୍ୟ  ଚାଲିଛି । କିନ୍ତୁ ସ୍କୁଲରେ ପଙ୍ଖା ଥାଇ ମଧ୍ୟ ବୁଲୁନି । ବଲବ୍ ଥାଇ ମଧ୍ୟ ଜଳୁନି । ଏଭଳି  ଶ୍ରେଣୀଗୃହରେ ବସି ପାଠ ପଢୁଛନ୍ତି  କଟକ ସହର ମଧ୍ୟ ଭାଗରେ ଥିବା ଥୋରିଆ ସାହି ବାଳିକା ଉଚ୍ଚ ବିଦ୍ୟାଳୟର ପିଲାମାନେ ।

କମ୍ପ୍ୟୁଟର  ଅଛି, ବିଦ୍ୟୁତ୍ ସଂଯୋଗ ନାହିଁ, କେମିତି ଚାଲିଛି କମ୍ପ୍ୟୁଟର ଶିକ୍ଷା ?

କଟକ: ରାଜ୍ୟ ସରକାର ଶିକ୍ଷାକୁ ପ୍ରଧାନ୍ୟ ଦେବା ସହ ଶିକ୍ଷା ବ୍ୟବସ୍ଥାକୁ ସୁଦୃଢ କରିବା ପାଇଁ ବ୍ୟାପକ ପନ୍ଥା ଗ୍ରହଣ କରୁଥିଲା ବେଳେ କଟକ ସହର ଭଳି ଜାଗାରେ ଏହାର ବ୍ୟତିକ୍ରମ ଦେଖିବାକୁ ମିଳୁଛି । ସ୍କୁଲରେ ପିଲା ଅଛନ୍ତି । ପାଠ ପଢ଼ା ମଧ୍ୟ  ଚାଲିଛି । କିନ୍ତୁ ସ୍କୁଲରେ ପଙ୍ଖା ଥାଇ ମଧ୍ୟ ବୁଲୁନି । ବଲବ୍ ଥାଇ ମଧ୍ୟ ଜଳୁନି । ଏଭଳି  ଶ୍ରେଣୀଗୃହରେ ବସି ପାଠ ପଢୁଛନ୍ତି  କଟକ ସହର ମଧ୍ୟ ଭାଗରେ ଥିବା ଥୋରିଆ ସାହି ବାଳିକା ଉଚ୍ଚ ବିଦ୍ୟାଳୟର ପିଲାମାନେ ।

ଏହି ସ୍କୁଲରେ  ଛାତ୍ରୀ ମାନଙ୍କ ଲାଗି ଭଲ କ୍ଲାସ ରୁମର ବ୍ୟବସ୍ଥା ରହିଛି  । ଏପିରିକି କମ୍ପ୍ୟୁଟର ଶିକ୍ଷା ମଧ୍ୟ ଦିଆଯାଉଛି । ମାତ୍ର ଏ ସବୁକୁ ବିଦ୍ୟୁତ୍ ସେବା ଠିକ୍  ନଥିବାରୁ ଛାତ୍ରୀ ମାନେ ଅସୁବିଧାର ସମ୍ମୁଖୀନ ହେଉଛନ୍ତି । ପିଲାମାନେ ଗରମରେ ପାଠ ପଢ଼ୁଛନ୍ତି, ଆଉ ଅଳ୍ପ ସମୟ ସ୍କୁଲରେ ରହି ଘରକୁ ବି ପଳାଉଛନ୍ତି । ମାଟ୍ରିକ୍ ପରୀକ୍ଷା ମୁଣ୍ଡ ଉପରେ ଥିଲେ ବି ଏଥିପ୍ରତି ନା କାହାର ନଜର ନାହିଁ  । 

ଥୋରିଆ ସାହି ସ୍ଥିତ ଏହି ବାଳିକା ଉଚ୍ଚ ବିଦ୍ୟାଳୟ ପ୍ରଥମେ କଟକ ମହାନଗର ନିଗମ ଅଧୀନରେ ଥିଲା । ପରେ ଏହି ସ୍କୁଲ ଜିଲ୍ଲା ଶିକ୍ଷା ଅଧିକାରୀଙ୍କ ଅଧୀନକୁ ଆସିଥିଲା । ସିଏମସି ଅଧୀନରେ ଥିବା ସମୟରେ ସ୍କୁଲର ସମସ୍ତ ବିଦ୍ୟୁତ୍ ବାବଦକୁ ଖର୍ଚ୍ଚ ଏକଜିକ୍ୟୁଟିଭ୍ ଅଫିସରଙ୍କୁ ଆସୁଥିଲା । ଯେତେବେଳେ ୨୦୧୫ ମସିହାରେ ଡିଇଓଙ୍କ ଅଧୀନକୁ ଆସିଥିଲା, ସେହି ସମୟରେ ବିଦ୍ୟୁତ୍ ବାବଦକୁ ଦେୟ ସେହି ଅଫିସରଙ୍କ ନାଁକୁ ସେସୁ ପରିବର୍ତ୍ତନ କରି ନ ଥିଲା, ଫଳରେ ସିଏମସି ଅଧୀନରେ ରହିଥିବା ସମୟରେ ଏହି ସ୍କୁଲର ବିଦ୍ୟତ୍ ବାବଦକୁ ଲକ୍ଷ ଲକ୍ଷ ଟଙ୍କା ବାକି ରହିଥିଲା । 

ପରବର୍ତ୍ତୀ ସମୟରେ ଏହି ଟଙ୍କାକୁ ସେଟଲମେଣ୍ଟ ନ କରିବା ଯୋଗୁଁ ଏବେ ଏହି ବାକି ଟଙ୍କା ୧୪ ଲକ୍ଷ ୧୫ ହଜାର ୧୪୮ରେ ପହଞ୍ଚିଲାଣି । ଏ ବାବଦରେ ଜିଲ୍ଲାପାଳଙ୍କ ଠାରୁ ଡିଇଓଙ୍କ ଯାଏଁ ଦୃଷ୍ଟି ଆକର୍ଷଣ କରାଯାଇଥିବା କହିଛନ୍ତି ସ୍କୁଲର ପ୍ରଧାନ ଶିକ୍ଷୟିତ୍ରୀ । କେବଳ ନିର୍ବାଚନ ମତାଦାନ ଲାଗି ମଝିରେ କିଛି ସମୟ ପାଇଁ ବିଦ୍ୟୁତ୍ ସରବରାହ ସ୍ୱାଭାବିକ ହୋଇଥିଲା । ମାତ୍ର ନିର୍ବାଚନ ପରେ ପୁଣି ବିଦ୍ୟୁତ୍ ସେବା କାଟ୍ କରିଥିବା କହିଛନ୍ତି ସ୍କୁଲ କର୍ତ୍ତୃପକ୍ଷ । ଅନ୍ୟପଟେ ଏହି ପ୍ରସଙ୍ଗରେ ଡିଇଓଙ୍କ ସହ ଆଲୋଚନା କରିବାକୁ ଜିଲ୍ଲାପାଳ କହିଛନ୍ତି ।