ବୁର୍ଲା ମେଡ଼ିକାଲରେ ଡାକ୍ତର ପଜିଟିଭ ଚିହ୍ନଟ ହେବା ପରେ VIMSARର କେତେକ ବିଭାଗକୁ ସାନିଟାଇଜ କରିବା ପାଇଁ ଏଭଳି ପଦକ୍ଷେପ ନିଆଯାଇଛି ।
Trending Photos
ଅଜୟ କୁମାର ନାଥ, ସମ୍ବଲପୁର: ଆଜି ଠାରୁ ଆସନ୍ତା ୧୯ ତାରିଖ ପର୍ଯ୍ୟନ୍ତ ବୁର୍ଲା VIMSARର ସମସ୍ତ OPDକୁ ବନ୍ଦ କରାଯାଇଛି । ଏହି ସମୟ ମଧ୍ୟରେ OPD ସହ ଅସ୍ତ୍ରୋପଚାର ମଧ୍ୟ ବନ୍ଦ ରହିବ ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ବୁର୍ଲା ମେଡ଼ିକାଲରେ ଡାକ୍ତର ପଜିଟିଭ ଚିହ୍ନଟ ହେବା ପରେ VIMSARର କେତେକ ବିଭାଗକୁ ସାନିଟାଇଜ କରିବା ପାଇଁ ଏଭଳି ପଦକ୍ଷେପ ନିଆଯାଇଛି ।
ଅଗ୍ନିଶମ ବିଭାଗ ପକ୍ଷରୁ VIMSARକୁ ସମ୍ପୂର୍ଣ ସାନିଟାଇଜ କରାଯିବ । କାଜୁଆଲଟି ଓ ଜରୁରୀକାଳିନ ବିଭାଗ ଯଥାରୀତି ଖୋଲା ରହିବ । ରୋଗୀଙ୍କ ସହିତ ଜଣେ ଆଟେଣ୍ଡାଣ୍ଟକୁ କ୍ୟାମ୍ପସ ଭିତରକୁ ଯିବାକୁ ଅନୁମତି ମିଳିବ । ମେଡିକାଲ ପରିସରରେ ସମସ୍ତେ ମାସ୍କ ବ୍ୟବହାର କରିବା ବାଧ୍ୟତାମୂଳକ । ମେଡିକାଲରୁ ଗୋଟିଏ ହିଁ ଗେଟ ଖୋଲା ରହିବ । ଗେଟ ଓ ଡାକ୍ତରଖାନା ପରିସରରେ ଅତିରିକ୍ତ ସୁରକ୍ଷାକର୍ମୀ ନିୟୋଜିତ ରହିବେ । ବିଭିନ୍ନ ଡାକ୍ତରଖାନାରୁ ରେଫର ହୋଇ ଆସୁଥିବା ଗୁରୁତର ରୋଗୀଙ୍କୁ ଭର୍ତ୍ତି କରାଯିବ । ଏନେଇ ଜିଲ୍ଲା ପ୍ରଶାସନ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି ।