ପରିସ୍ରା ଲାଗିଲେ କାହିଁକି କାନି ଆଙ୍ଗୁଠି ଦେଖାନ୍ତି? କେବେ ଭାବିଛନ୍ତି ଏହା ବିଷୟରେ, ଜାଣନ୍ତୁ ଉତ୍ତର

Little finger: ଆପଣ ନିଶ୍ଚୟ ଦେଖିଥିବେ କିମ୍ବା ନିଜେ ଏହା କରିଥିବେ ନିଶ୍ଚୟ, ଯେତେବେଳେ କାହାକୁ ପରିସ୍ରା ଲାଗେ ସେ ନିଜ କାନି ଆଙ୍ଗୁଠି ସାହାଯ୍ୟରେ ଏହା ବିଷୟରେ ସଂକେତ ଦେଇଥାଏ, ଅର୍ଥାତ୍ କାନି ଆଙ୍ଗୁଠି ଦେଖାଇ ଏହା କହିବାକୁ ଚାହିଁଥାନ୍ତି ଯେ ସେ ପରିସ୍ରା ଯିବାକୁ ଚାହାଁନ୍ତି ।

Little finger: ଅନେକ କିଛି ବିଷୟ ଅଛି ଯାହାକୁ ଆମେ କହିବାକୁ ଭାଷାର ଆବଶ୍ୟକତା ନାହିଁ ଓ ସେଥି ପାଇଁ କେବଳ ଏକ ସଂକେତ ଦେବା ଯଥେଷ୍ଟ । ଆପଣ ଏକ ସଂକେତ ଦିଅନ୍ତି ଓ ପରବର୍ତ୍ତୀ ବ୍ୟକ୍ତି ଆପେ ଆପେ ବୁଝି ନିଅନ୍ତି ଯେ ଆପଣ କ'ଣ କହିବାକୁ ଚାହୁଁଛନ୍ତି । ଉଦାହରଣ ସ୍ୱରୂପ, ଯେତେବେଳେ ବି କାହାକୁ ପରିସ୍ରା ଲାଗେ, ସେ ହାତ ଟେକି କାନି ଆଙ୍ଗୁଠିରେ ସଂକେତ ଦେଇଥାଏ । ଏହା ଦ୍ୱାରା ସମସ୍ତେ ବୁଝି ନିଅନ୍ତି ଯେ ତାଙ୍କୁ ଟଏଲେଟ୍ ଲାଗିଛି । ବୋଧହୁଏ ଆପଣ ମଧ୍ୟ ଏହି ସାଙ୍କେତିକ ଭାଷା ବ୍ୟବହାର କରୁଥିବେ କିମ୍ବା ଯଦି କେହି ଆପଣଙ୍କ ସାମ୍ନାରେ ଏହା କରନ୍ତି ତେବେ ଆପଣ ସହଜରେ ଏହାକୁ ବୁଝି ଯାଉଥିବେ । କିନ୍ତୁ, ଆପଣ କେବେ ଭାବିଛନ୍ତି କି ଲୋକମାନେ ଏହି କାନି ଆଙ୍ଗୁଠିକୁ ଟଏଲେଟ୍ ଯିବା ସମୟରେ କ'ଣ ପାଇଁ ଦେଖାନ୍ତି ଓ ଏହା କରିବାର କାରଣ କ’ଣ? 

ଆପଣଙ୍କୁ କହିରଖୁଛୁ ଯେ କାହିଁକି ଲିଟିଲ୍ ଫିଙ୍ଗର ଦେଖାଇବା ଜରୁରୀ । ଅନେକ ରିପୋର୍ଟରେ ଏହା ପ୍ରକାଶ ପାଇଛି ଯେ କାନି ଆଙ୍ଗୁଠି ବା ଲିଟିଲ୍ ଫିଙ୍ଗର ଅର୍ଥ ହେଉଛି ଯେକୌଣସି ଜିନିଷକୁ ଧରିବାରେ ଏହି ଆଙ୍ଗୁଠି ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ୱେଷ୍ଟର୍ନ ଓଣ୍ଟାରିଓ ବିଶ୍ୱବିଦ୍ୟାଳୟ ଦ୍ୱାରା କରାଯାଇଥିବା ଏକ ଗବେଷଣା ଅନୁଯାୟୀ, ଯେତେବେଳେ ଆପଣ କିଛି ଧରିଥାନ୍ତି, ୩୩% କାମ କାନି ଆଙ୍ଗୁଠି ଦ୍ୱାରା କରାଯାଇଥାଏ । ଏଥି ସହିତ, ରିଙ୍ଗ ଫିଙ୍ଗର କାମ ୨୧ ପ୍ରତିଶତ ପର୍ଯ୍ୟନ୍ତ ଅଟେ ।

କେଉଁ ଅଙ୍ଗ ପାଇଁ କେଉଁ ଆଙ୍ଗୁଠି?
ଯଦି ଆପଣ ଶରୀରର ଅଙ୍ଗଗୁଡ଼ିକୁ ଦେଖନ୍ତି, ତେବେ ବୁଢା ଆଙ୍ଗୁଠି ଆପଣଙ୍କ ମସ୍ତିଷ୍କ, ଇଣ୍ଡେକ୍ସ ଫିଙ୍ଗର ଯକୃତ, ମଝି ଆଙ୍ଗୁଠି ହାର୍ଟ, ରିଙ୍ଗ ଫିଙ୍ଗର ହରମୋନ୍ ଓ ଲିଟିଲ ଫିଙ୍ଗର ହଜମକୁ ପ୍ରତିପାଦିତ କରେ ।

ଟଏଲେଟ ପାଇଁ କାନି ଆଙ୍ଗୁଠି ସଂକେତ କାହିଁକି?
ଏହାର ଉତ୍ତର ହେଉଛି ପ୍ରତ୍ୟେକ ସଙ୍କେତ ଭାଷାରେ କିଛି ବା ଅନ୍ୟ ଅଙ୍ଗଭଙ୍ଗୀର କିଛି ଅର୍ଥ ରହିଛି ଓ ସେହିପରି ଇସାରାରେ ମଧ୍ୟ କଥାବାର୍ତ୍ତା କରାଯାଇଥାଏ । ଉଦାହରଣ ସ୍ୱରୂପ, ଇଣ୍ଡୋନେସିଆରେ କାନି ଆଙ୍ଗୁଠି ଦେଖାଇବା କିଛି ଖରାପ ଜିନିଷର ସଙ୍କେତ ଅଟେ । ସେହିପରି ଜାପାନରେ ଏହି ଆଙ୍ଗୁଠି ଦେଖାଇବା ଅର୍ଥ ଏକ ଝିଅ ସହିତ ଜଡିତ । ବ୍ରିଟେନ ଓ ଅଷ୍ଟ୍ରେଲିଆରେ ଏହା ଜଣେ ପୁରୁଷର ଶକ୍ତି ଇତ୍ୟାଦି ପାଇଁ ବ୍ୟବହୃତ ହୁଏ । ସେହିଭଳି, ଯେତେବେଳେ ଭାରତରେ ଏହାର ସଂକେତକୁ ଦେଖାଯାଏ, ସେତବେଳେ ଏହା ଟଏଲେଟ କିମ୍ବା ପରିସ୍ରା ଯିବାର ସଙ୍କେତ ବୋଲି ମାନାଯାଏ, ଏଥିପାଇଁ ଟଏଲେଟ ଯିବା ସମୟରେ ଲିଟିଲ ଫିଙ୍ଗର ବା କାନି ଆଙ୍ଗୁଠି ବ୍ୟବହାର କରାଯାଏ । ତେବେ ଚୀନ୍‌ର କାହାକୁ ଏହି ଆଙ୍ଗୁଠି ଦେଖାଇବା ଅତ୍ୟନ୍ତ ଆପତ୍ତିଜନକ ବୋଲି ବିବେଚନା କରାଯାଏ ।