Father's Day 2021: ଏହି ଫିଲ୍ମ ମାଧ୍ୟମରେ ନିଜ ପିତାଙ୍କୁ କୁହନ୍ତୁ ଆପଣଙ୍କ ଜୀବନରେ ତାଙ୍କର ମହତ୍ତ୍ୱ

ଯଦି ଆପଣ ଏହି ଫାଦର୍ସ ଡେ'ରେ ଆପଣଙ୍କ ପିତାଙ୍କ ସହ ଏକ ବଲିଉଡ ଫିଲ୍ମ ଦେଖିବାକୁ ଯୋଜନା କରୁଛ, ତେବେ ଆମେ ଆପଣଙ୍କ ପାଇଁ ଏକ ତାଲିକା ପ୍ରସ୍ତୁତ କରିଛୁ ।ବଲିଉଡରେ ଏଭଳି ଅନେକ ଫିଲ୍ମ ତିଆରି ହୋଇଛି ଯାହା ପିତା ଓ ସନ୍ତାନ ମାନଙ୍କ ସମ୍ପର୍କ ଉପରେ ଆଧାରିତ ।

ନୂଆଦିଲ୍ଲୀ: ୨୦ ଜୁନରେ ଅର୍ଥାତ୍ ଆଜି (ରବିବାର) ସାରା ବିଶ୍ୱ ନିଜ ପିତାଙ୍କ ସହିତ ପିତୃ ଦିବସ (Fathers Day 2021) ପାଳନ କରୁଛି । ଏହି ଦିନ ଆପଣ ନିଜ ପିତାଙ୍କୁ କୁହନ୍ତୁ ଯେ ସେ ଆପଣଙ୍କ  ଜୀବନରେ କେତେ ଗୁରୁତ୍ୱପୂର୍ଣ୍ଣ । ଏହି ବିଶେଷ ଉତ୍ସବରେ, ସମସ୍ତେ ନିଜ ପିତାଙ୍କୁ କିଛି ବିଶେଷ ଉପହାର (Gift) ଦେଇ ନିଜର ପ୍ରେମ ବ୍ୟକ୍ତ କରିଥାନ୍ତି । ଆପଣ ମଧ୍ୟ ନିଶ୍ଚୟ ଭାବୁଥିବେ ଯେ ଆପଣ ଆପଣଙ୍କ ପିତାଙ୍କୁ ଉପହାର ସ୍ୱରୂପ କ’ଣ ଦେବେ । 

ଏହି କୋରୋନା ମହାମାରୀ (Coronavirus pandemic) ସମୟରେ ଘରୁ ବାହାରକୁ ଯିବା ନିରାପଦ ନୁହେଁ । ତେଣୁ ଯଦି ସମ୍ଭବ ଆପଣଙ୍କ ପିତାଙ୍କ ସହିତ ଘରେ ରହି ଏହି ଫାଦର୍ସ ଡେ' ପାଳନ କରନ୍ତୁ । ଆଜି ଆମେ ଆପଣଙ୍କୁ ଏପରି କିଛି ପ୍ରସିଦ୍ଧ ବଲିଉଡ ଫିଲ୍ମ ବିଷୟରେ କହିବୁ, ଯାହା ପିତା ଓ ପୁତ୍ରଙ୍କ ସୁନ୍ଦର ସମ୍ପର୍କ ଉପରେ ଆଧାରିତ । ଯଦି ଆପଣ ଏହି ଫାଦର୍ସ ଡେ'ରେ ଆପଣଙ୍କ ପିତାଙ୍କ ସହ ଏକ ବଲିଉଡ ଫିଲ୍ମ (Bollywood film) ଦେଖିବାକୁ ଯୋଜନା କରୁଛନ୍ତି, ତେବେ ଆମେ ଆପଣଙ୍କ ପାଇଁ ଏକ ତାଲିକା ପ୍ରସ୍ତୁତ କରିଛୁ ।

ଏହି ଫିଲ୍ମଗୁଡ଼ିକ ପିତା ଓ ତାଙ୍କ ପିଲାମାନଙ୍କ ମଧ୍ୟରେ ଗଠିତ ଅବିସ୍ମରଣୀୟ ସମ୍ପର୍କକୁ ଦର୍ଶାଏ । ବଲିଉଡରେ ଏଭଳି ଅନେକ ଫିଲ୍ମ ନିର୍ମାଣ କରାଯାଇଛି ଯାହା ପିତା ଓ ତାଙ୍କ ସନ୍ତାନଙ୍କ ସମ୍ପର୍କ ଉପରେ ଆଧାରିତ । ଏହି ଫିଲ୍ମରେ ପିତା ଓ ତାଙ୍କ ପିଲାମାନଙ୍କର ଆକର୍ଷଣୀୟ କେମେଷ୍ଟ୍ରି ପ୍ରଦର୍ଶିତ ହୋଇଛି । ଜାଣନ୍ତୁ ଏହିପରି କିଛି ବଲିଉଡ ଫିଲ୍ମ ବିଷୟରେ..

୧. ଦଙ୍ଗଲ (୨୦୧୬)
୨୦୧୬ ମସିହାରେ ରିଲିଜ ହୋଇଥିବା ଏହି ଫିଲ୍ମ 'ଦଙ୍ଗଲ' ସମସ୍ତଙ୍କ ହୃଦୟରେ ଏକ ଭିନ୍ନ ପ୍ରଭାବ ପକାଇଛି । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ନୀତେଶ ତିୱାରୀ । ଦଙ୍ଗଲରେ ମହାବୀର ସିଂ ଫୋଗାଟ ଭୂମିକାରେ ଆମୀର ଖାନ ସମସ୍ତଙ୍କ ହୃଦୟ ଜିତିଥିଲେ ।

ଯଦିଓ ଏହି ଫିଲ୍ମରେ ମହିଳା ରେସଲର ଗୀତା ଓ ବବିତା ଫୋଗାଟଙ୍କ ସଂଘର୍ଷର କାହାଣୀଦେଖାଯାଇଛି, କିନ୍ତୁ ଏହି ଫିଲ୍ମ ମାଧ୍ୟମରେ ଦର୍ଶାଯାଇଛି ଯେ ମହାବୀର ସିଂ ଫୋଗାଟ ନିଜ ଝିଅମାନଙ୍କୁ ରେସଲର ବନାଇବା ପାଇଁ କେତେ ସଂଘର୍ଷ କରିଥିଲେ । ଏହି ଫିଲ୍ମରେ ଆମୀର ଖାନଙ୍କ ସହ ଫାତିମା ସାନା ଶେଖ ଓ ସାନିଆ ମଲହୋତ୍ରାଙ୍କ ଭଳି ଅଭିନେତାମାନେ ମୁଖ୍ୟ ଭୂମିକାରେ ଥିଲେ ।

୨. ପା (୨୦୦୯)
୨୦୦୯ ମସିହାରେ ଆସିଥିବା ଅମିତାଭ, ଅଭିଷେକ ଓ ବିଦ୍ୟା ବାଲାନଙ୍କ ଫିଲ୍ମ 'ପା' ସମସ୍ତଙ୍କୁ ଭାବପ୍ରବଣ କରିଥିଲା । ଏହି ଫିଲ୍ମଟି ବକ୍ସ ଅଫିସରେ ହିଟ୍ ହୋଇଥିଲା । 'ପା' ଅନେକ ରେକର୍ଡ ଭାଙ୍ଗି ପ୍ରଶଂସକଙ୍କ ହୃଦୟରେ ବଲିଉଡ ପ୍ରତି ଅଧିକ ସମ୍ମାନ ବଢ଼ାଇଥିଲା ।

ଏହି ଫିଲ୍ମରେ ପିତା ଓ ପୁତ୍ରର ଅନନ୍ୟ ସମ୍ପର୍କ ଚିତ୍ରିତ ହୋଇଥିଲା, ଯେଉଁମାନେ ପରସ୍ପରର ଅତି ଘନିଷ୍ଠ ଏବଂ ଭଲ ବନ୍ଧୁ ଥିଲେ । ଏହି କାହାଣୀଟି ଏକ ୧୩ ବର୍ଷର ଅସୁସ୍ଥ ଶିଶୁ ବିଷୟରେ ଥିଲା, ଯିଏ ଆତ୍ମବିଶ୍ୱାସରେ ପରିପୂର୍ଣ୍ଣ ।

୩. ପିକୁ (୨୦୧୫)
ଅମିତାଭ ବଚ୍ଚନ ଓ ଦୀପିକା ପାଦୁକୋନଙ୍କ ଅଭିନୀତ ୨୦୧୫ ରେ ରିଲିଜ ହୋଇଥିବା 'ପିକୁ' ଫିଲ୍ମରେ ବାପା ଓ ଝିଅ ମଧ୍ୟରେ ସୁନ୍ଦର ସମ୍ପର୍କ ଦେଖାଯାଇଛି । ଏହି ଫିଲ୍ମରେ ଅମିତାଭ ବଚ୍ଚନ ଓ ଦୀପିକା ପାଦୁକୋନ ବାପା ଓ ଝିଅ ଭୂମିକାରେ ଅଭିନୟ କରିଛନ୍ତି ।

ଏହି ଫିଲ୍ମରେ ଦର୍ଶାଯାଇଛି ଯେ ଜଣେ ଝିଅ କିପରି ମା ’ନହେବା ଯୋଗୁଁ ଅସୁସ୍ଥ ପିତାଙ୍କ ପ୍ରତ୍ୟେକ ଛୋଟ ଓ ବଡ ଜିନିଷର ଯତ୍ନ ନିଏ । ଝିଅ ବାପାଙ୍କ ପ୍ରେମ ପାଇଁ ନିଜର ଇଚ୍ଛା ସହିତ ମଧ୍ୟ ଆପୋଷ ବୁଝାମଣା କରିପାରେ । ଏହି ଫିଲ୍ମରେ ଅମିତାଭ ବଚ୍ଚନ ଓ ଦୀପିକା ପାଦୁକୋନଙ୍କ ବ୍ୟତୀତ ଇରଫାନ ଖାନ ମଧ୍ୟ ମୁଖ୍ୟ ଭୂମିକାରେ ଅଛନ୍ତି ।

୪. ୧୦୨ ନଟ ଆଉଟ (୨୦୧୮)
ବଲିଉଡ ସୁପରଷ୍ଟାର ଅମିତାଭ ବଚ୍ଚନ ଓ ଋଷି କପୁରଙ୍କ ଏହି ଫିଲ୍ମ ୨୦୧୮ ମସିହାରେ ରିଲିଜ ହୋଇଥିଲା । ଏହି ଫିଲ୍ମରେ ଅମିତାଭ ବଚ୍ଚନ ୧୦୨ ବର୍ଷ ବୟସ୍କ ପିତାଙ୍କ ଭୂମିକାରେ ଅଭିନୟ କରିଥିବାବେଳେ ଋଷି କପୁର ତାଙ୍କ ୭୫ ବର୍ଷର ପୁଅ ଭୂମିକାରେ ଅଭିନୟ କରିଥିଲେ । ଏହି ଫିଲ୍ମରେ ପିତା ଓ ପୁତ୍ରର ଆକର୍ଷଣୀୟ କେମେଷ୍ଟ୍ରି ପ୍ରଦର୍ଶିତ ହୋଇଛି ।

୫. ମେ ଏସା ହି ହୁଁ (୨୦୦୫)
୨୦୦୫ ମସିହାରେ ଆସିଥିବା ଅଜୟ ଦେବଗନ୍ ଓ ସୁସ୍ମିତା ସେନଙ୍କ ଫିଲ୍ମ 'ମେ ଏସା ହି ହୁଁ ' ଏକ ହିଟ୍ ବୋଲି ପ୍ରମାଣିତ ହୋଇଥିଲା । ଏହି ଫିଲ୍ମରେ ଅଜୟ ମାନସିକ ଅସୁସ୍ଥ ପିତାଙ୍କ ଭୂମିକାରେ ଅଭିନୟ କରନ୍ତି, ଯିଏ ତାଙ୍କ ଝିଅଙ୍କୁ ଗଭୀର ଭାବରେ ପ୍ରେମ କରନ୍ତି ।

ସେ ନିଜ ଝିଅକୁ ତାଙ୍କ ହେପାଜତରେ ରଖିବା ପାଇଁ କଠିନ ସଂଘର୍ଷ କରନ୍ତି ଓ କୋର୍ଟରେ ପ୍ରମାଣ କରିଛନ୍ତି ଯେ ସେ ନିଜ ଝିଅର ଯତ୍ନ ନେଉଥିବା ଜଣେ ଭଲ ପିତା ହୋଇପାରିବେ ।