Hema Malini: ଦୁଇ ଦିନରେ ଡ୍ରିମ୍ ଗର୍ଲଙ୍କୁ ମିଳିଲା ଦୁଇଟି ଆଓ୍ବାର୍ଡ, ଏହି ଉଲ୍ଲେଖନୀୟ କାର୍ଯ୍ୟ ପାଇଁ ସମ୍ମାନୀତ ହେଲେ ହେମା

Hema Malini: ବଲିଉଡ ଅଭିନେତ୍ରୀ ହେମା ମାଳିନୀ । ଅଭିନେତ୍ରୀଙ୍କୁ ମୁମ୍ବାଇରେ ପ୍ରାଇଡ୍ ଅଫ୍ ନେସନ୍ ଆୱାର୍ଡ (pride of nation award)ରେ ସମ୍ମାନିତ କରାଯାଇଛି। ଏହି ଅଭିନେତ୍ରୀଙ୍କୁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ସମ୍ମାନୀତ କରିଛନ୍ତି । ଏହି କାର୍ଯ୍ୟକ୍ରମରେ ମହାରାଷ୍ଟ୍ର ଉପ-ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ମଧ୍ୟ ଉପସ୍ଥିତ ଥିଲେ। ସାମାଜିକ କାର୍ଯ୍ୟକଳାପରେ ଉଲ୍ଲେଖନୀୟ ଅବଦାନ ପାଇଁ ଅଭିନେତ୍ରୀଙ୍କୁ ଏହି ସମ୍ମାନ ପ୍ରଦାନ କରାଯାଇଛି ।

ମିଡିଲ୍ ଇଷ୍ଟ ଆଚିଭର୍ସ ସମ୍ମାନରେ ସମ୍ମାନୀତ ହୋଇଛନ୍ତି ହେମା :

ହେମା ମାଳିନୀଙ୍କୁ ଫିଲ୍ମଫେୟାରରେ ମିଡିଲ୍ ଇଷ୍ଟ ଆଚିଭର୍ସ ପୁରସ୍କାରରେ ମଧ୍ୟ ସମ୍ମାନିତ କରାଯାଇଛି । ଏହି ଅଭିନେତ୍ରୀଙ୍କୁ ଦୁଇ ଦିନ ମଧ୍ୟରେ ଦୁଇଟି ପୁରସ୍କାରରେ ସମ୍ମାନିତ କରାଯାଇଛି। ନିକଟରେ ଏକ ସାକ୍ଷାତକାରରେ ଅଭିନେତ୍ରୀ କହିଛନ୍ତି ଯେ,' ମୁଁ ସମସ୍ତ ପ୍ରଶଂସକଙ୍କ ନିକଟରେ ବହୁତ କୃତଜ୍ଞ। ହିନ୍ଦୀ ସିନେମାରେ ମୁଁ ଯାହା କରିଛି, ମୋର ପ୍ରଶଂସକଙ୍କ ଯୋଗୁଁ ଏହା ସମ୍ଭବ ହୋଇପାରିଛି । '

୧୯୬୮ରେ କ୍ୟାରିଅର୍ ଆରମ୍ଭ କରିଥିଲେ ହେମା ମାଳିନୀ :
ହେମା ମାଳିନୀ ୧୯୬୮ ମସିହାରେ ନିଜର କ୍ୟାରିୟର ଆରମ୍ଭ କରିଥିଲେ। 'ସପନୋ କି ସୌଦାଗର'(Sapno Ka Saudagar)ରେ ସେ ବଲିଉଡରେ ଡେବ୍ୟୁ କରିଥିଲେ। ପରେ ତାଙ୍କୁ ଫିଲ୍ମ 'ଶିମଲା ମିର୍ଚ'ରେ ମଧ୍ୟ ଦେଖିବାକୁ ମିଳିଥିଲା । ହେମା ବଲିଉଡ୍ ଇଣ୍ତଷ୍ଟ୍ରିରେ ଡ୍ରିମ୍ ଗର୍ଲ ନାଁରେ ମଧ୍ୟ ପରିଚିତ । 

ହେମା ମାଳିନୀ ନିଜର ସୌନ୍ଦର୍ଯ୍ୟ ପାଇଁ ଜଣାଶୁଣା :
ହେମା ମାଳିନୀ ହିନ୍ଦୀ ସିନେମାରେ ଚମତ୍କାର ଅଭିନୟ ପାଇଁ ବେଶ ଜଣାଶୁଣା । ହେମା ତାଙ୍କ ଅଭିନୟ ସହିତ ସୁନ୍ଦର ଚେହେରା ପାଇଁ ମଧ୍ୟ ଅଧିକ ଲୋକପ୍ରିୟତା ହାସଲ କରିଛନ୍ତି । ହେମା ମାଳିନୀ ନିଜ ସୌନ୍ଦର୍ଯ୍ୟର ଯାଦୁରେ ଆଜିବି ଲକ୍ଷେ ହୃଦୟରେ  ରାଜ୍ କରୁଛନ୍ତି ।